Festzeit.ch Forum » Medien » was würdet ihr in somene fall mache???
| Autor | Beitrag 1 - 15 |
|---|---|
| TwinnieMom79Fr 7.12.07, 12:06 | Sehr geehrte Damen und Herren, ich möchte gerne wissen ob Sie intressiert wären an einer intressanten Story eines "seriösen" Arbeitsgebers. Es ist so, dass ich leider in meiner Probezeit krank war (Sehnenentzündung)und ich als ich die Arbeit zu 50% wieder aufnehmen konnte, von Morgens bis Abends gemobbt, schikaniert und gedemütigt worden bin, sodass ich auf der Stelle fristlos kündigte. Dies habe ich mit einem expressbrief am selben Abend noch abgeschickt. Bis heute habe ich meine geforderten und auch geleisteten Arbeitsstunden noch nicht erhalten, trotz eines weiteren eingschriebenen Briefes, in dem ich freundlichst auf die Zahlung hingewiesen habe. Nun, muss ich wohl oder übel mein Recht auf dem Zivilgericht geltend machen. Da es nicht der erste Fall ist, dieses Herrn (zahlte auch meinen Kollegen nicht aus,bis heute! und das ist 2 Jahre her!) bin ich auf die Idee gekommen, Ihnen zu schreiben, da ich von den staatsstellen nicht Thema in der Schweiz, dass mal zu Sprache kommen sollte, damit diese Leute sich nicht einfach davonschleichen können, und somit von Leuten die den Mut vielleicht nicht haben, provitieren! Auf eine Antwort würde ich mich sehr freuen. Freundliche Grüsse Dä brief hani an diversi medie gschickt, vo 20min bis hi zum kassesturz. was meined ihr? soll ich das si lo - sprich bringts das überhaupt dä azklage oder solli das durezieh? finds eifach e sauerei, dass so eine immer durechunnt!!!!!  ich chönt dä ane wand knalle, sone wuet hani uff dä!ha jetz lang gwartet und schlussändlich doch uff mini fründe gloost, wo gseit händ, das ich die sau azeige soll.. |
| TwinnieMom79Fr 7.12.07, 12:10 | p.s: er hett au scho lütt igstellt und sie schwarz lo schaffe lo, d.h, er hett sie per sofort agstellt, aber die händ nocheme MONAT no kei arbeitsvertrag becho, trotz dränge, uff das ahne! bi mir hett ers am afang au gmacht, ha 3 täg lang ohni vertrag gschafft, denn bini zuenem gange und hanem gseit, entweder chani jetz dä vertrag SOFORT unterschriebe, und suscht bini wäg! aber sofort, nit erscht zoobe nochem fürobe. isch denn keini2 min. gange, und i hanen gha... jetz bini grad no am durechecke bi der ahv, ob er mi au wirklich gmolde hett.... |
| SamestianFr 7.12.07, 12:11 | Kassensturz isch scho mal sehr gut, aber ich würde dir raten, da anzurufen, dan schreiben sie für dich sicher ein bericht, und klären das. übers Gericht können kosten für dich entstehen, die es nicht braucht, wenn Kassensturz druck macht. Aber auf jedenfall würdest du, die zahlung kriegen auch vor dem Zivilgericht. edit: bei schwarz arbeit schicks du besser gleich alles aufs Amt, die sollen da jemand vorbeischicken der aufräumt. 1 mal bearbeitet, zuletzt Fr 7.12.07, 12:12 |
| GodSpeedPhotographyFr 7.12.07, 12:18 | i würd das uf jedefall mache. fallsdes noned abgschickt hesch, würdi aber de text no biz usbaue. |
| TwinnieMom79Fr 7.12.07, 12:20 | jo, i weiss...bi nit der hirsch in so sache schriebe...   ha au no nie sowas gmacht. wenni schrieb, denn texti eher an songs umme... |
| YelinaFr 7.12.07, 12:25 | ich kenn mi bitz us mit ahv, hesch denn etz chönne abkläre, ob er dich agmeldet gha hed? wenn isch das gsi, dass dett gschaffed hesch? kt. bs oder bl? |
| TwinnieMom79Fr 7.12.07, 12:28 | nei, i sott in de nöchtse paar täg der usszug becho vo dene... dört stohts denn druff, oder ebe au nit...hoff für ihn nit, denn chunts em nämmlich NO türer... i ha im november dört gschafft. bis am 16. genau gseit. isch in kt bs gsy.. |
| YelinaFr 7.12.07, 12:29 | ich sägs ungärn, aber d'biträg vom aktuelle jahr gsehsch du erscht endi nächscht jahr uf em uszug. |
| KevKFr 7.12.07, 12:29 | Arbeitsgricht!!!! |
| VentiSupportFr 7.12.07, 12:30 | mit ahv und arbetsrächt und zivilgricht hani au zimligg e ahnig ^^ chani evt. au hälfe |
| ButtersFr 7.12.07, 12:31 | Dini Fründe hän rächt: Zeig die Sau aa. Ich ha so öbis no nie erläbt und bi ganz sicher nid scharf druf aber wenn de äfach nüt masch und das Ganze quasi untere Tisch kehrsch, denn wurmt di das sicher no meh. |
| YelinaFr 7.12.07, 12:32 | Vocal, hesch kei lohn übercho? denn bisch zu 99,9%iger sicherheit au nid bi de ahv agmeldet. also chönntsch biitragslücke übercho. |
| TwinnieMom79Fr 7.12.07, 12:34 | härzig.... jo guet, ich nimm mol a, wenn das wirklich sowitt chunt denn chöne die sicher nocheluege, die vom gricht. oder nit?? ehm.. arbeitsgricht hett mi uffs zivilgricht an der bäumligass verwiese... übrigens.. isch alles sehr schlächt organisiert das ganze!!!! sorry, aber wenni der halb morge vom einte zum andere gschickt wird, denn närvi mi langsam scho mol!!!!! einigungsamt zum arbeitsgricht, arbeitsgricht zum gwärbinspektorat und gwärbinspektorat zum zivilgricht! kei wunder gitts do amolläufer!!!!!  irgendwie bechunsch denn au immer gsfühl, die intressierts e kacke, hocke do und mache ihre "job"... keine will öbis dermit ztue ha! und do rede si immer vo" mir unterstütze d' rächt vo de arbeitsnehmer" bla bla bla...eifach nur bla bla!!!! |
| babycakeFr 7.12.07, 12:34 | Das isch jo ganz übel, me sött jo eigentlich meine, dass es so sache in dr schwiiz nid geh cha!!!! Isch unglaublich!! |
| VentiSupportFr 7.12.07, 12:36 | ufjedefall würdi imfall au über Vitamin B luege weisch das irgendöpper kennsch wone rächt hohi position het und bim kanton/staat schafft so lüüt chönne dir am beschte hälfe |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©