Festzeit.ch Forum » Liebe & Sex » Achtet me bi Liebi nur uf's Usseh?
| Autor | Beitrag 16 - 30 |
|---|---|
| ArkinaDi 11.12.07, 16:44 | also bim kennelerne dr erscht idruck isch scho ussehe, öb eim dr partner aspricht.... aber in dr beziehig lob ich garantiert nid numme si ussehe....... anderi sache sind viiiel wichtiger  Aber glaub das thema isch do inne me als gnueg diskutiert worde..... 1 mal bearbeitet, zuletzt Di 11.12.07, 16:44 |
| Brise86Di 11.12.07, 16:44 | <<Heute, 16:12 Viewty... dr Mensch entscheidet innerhalb vo 'nere Minute, ob är si Gegeüber symphatisch oder unsymphatisch findet. Isch nochegwise..>> es sind sekunde.. ca 5... |
| EgonDi 11.12.07, 16:48 | genau, hanni au grad wele schribe... e minute wär e chli gar e langi leitig...  |
| ArkinaDi 11.12.07, 16:57 | ach ich weiss nid.... ich ha lang mit däm Thema zkämpfe ka worum Ussehe am Afang so wichtig isch. Bi mir wärs jetzt übergwicht... wieso het me als übergwichtigi Frau schwerer e Maa kennezlerne als e Frau wo rank und schlank isch? Goht halt au unter Oberflächlichkeite.... Ok ich gib jo au zue, das ich am afang au eher uffs ussehe lueg, es isch halt eifach menschlich. Aber es isch halt scho so, dass durch das die Mensche wo halt nid so vo obe beglückt worde sind, mieh hän öper zfinde. |
| GodSpeedPhotographyDi 11.12.07, 17:08 | @ arkina ufe gwüssi art hesch jo recht. bi mir isch ussehe eigentli egal. e übergwichtige mensch würd mi zwar uf de erst blick nid aspreche, aber wenn me sich nöcher kennelernt und er mir gfallt wer au das e nebesach. aber jetzt zu dinere ussag: i denk nid dases die mensche soooo schwer hend, will ebe, dgschmäcker sind extrem verschiede. e blöds bispil ( isch nid bös gmeint) i bi uf dim profil gsi und ha e föteli vo dim fründ gseh, das wer jetzt zum bispil kei maa, dem ich uf de stross würd nocheluege, aber dir gfallt er. defür wird dir min fründ wahrschinli nid gfalle. drum denki isch das kei soo grossi sach. i denk mol de grösst kritik punkt, und das sind denn die lüüt wo villicht no ehnder mueh hei e partner zfinde, si die wo recht übergwichtig si. aber au die werde fruehner oder spöter eber finde. |
| Brise86Di 11.12.07, 17:12 | he alkina aber mit m lobsi häsch doch e guete fang gmacht |
| ArkinaDi 11.12.07, 17:13 | haha zum glück gfallt dr dä nid  klar sind gschmäcker verschiede... das bestritt ich gar nid.... aber ich mein gohsch mol uff so singlebörsene, was sind das meischtens für lüt wo dött verzwiefelt e partner sueche? das sind nid immer extrem übergwichtigi, das isch jetzt eifach e bispiel vo mir gsi. ich mein, ich ha jetzt öper gfunde wo mi nimmt so wie ich bi..... aber es git einigi Mensche, für die isch das nid so, und die sind meischtens nid grad Schönheite. |
| ArkinaDi 11.12.07, 17:14 | Brise das hani nie bestritte |
| ArkinaDi 11.12.07, 17:16 | und was ich no will ahänge..... das sind denn genau die mensche wo aföhn, falls si gnueg gäld hän, schönheits-Op zmache, in Magersucht gheie usw.... |
| GodSpeedPhotographyDi 11.12.07, 17:23 | i denk shauptproblem bi dene wo halt nid grad mit schönheit gsegnet si, isch nid das si zwenig ufmerksamkeit bechöme. shauptproblem isch und blibt de charakter. me cha no so hässlich si, wennde charakter stimmt bechunnsch au en fründ. usserdem het au viel mit selbstvertraue ztue. e mensch wo mit sich selber zfriede isch wirds eifacher ha eper zfinde |
| GodSpeedPhotographyDi 11.12.07, 17:27 | du hesch jo zum bispil au nid grad e 90 60 90 figur. aber dis selbstbewusstsi und dini hübschi usstrahlig macht dich sehr attraktiv. i has nomol überlegt und denk das glaub kleidig au en grossi rolle spielt. wer guet azoge isch, macht sis üsserliche au wieder ebiz wett. |
| ArkinaDi 11.12.07, 17:28 | naja in dr hüttige zit isch es nid eifach, mit sich sälber zfriede zsi, wenn me nid nacheme ideal entspricht, do muess me e extrem starke charakter ha..... hihihi ich bi wieder voll im elemänt, aber ich ha das thema scho so oft diskutiert..... jede fasst das andersch uff |
| GodSpeedPhotographyDi 11.12.07, 17:44 | do hesch recht. i denk vorallem die ganz junge heis nid so eifach, wills scho ide primar extrem uf ussehe und style gluegt wird. defür hani sgfühl das dass mit em modelfigurwahn e chli nochgloh het. sisch nüm würckli in spinndeldürr zsi. und in letschter zit seht me immer wieder so sendige wos au ufdeckt wird, wasme mit elektronischer bearbeitig alles verändere chan. germany next topmodel oder so zum bispil. ok si hei alli e schlanki figur. aber ide sendig gseht me, das au die makel hei, wo den uf de fotis retouschiert worde sind, und das definitive wüsse das au die nid perfekt sind, stärkt sselbtbewusstsi au e biz |
| finelineDi 11.12.07, 17:45 | btw: ich find de titel falsch definiert. s'usseh spiilt bi dr afangssymphatie villicht e rolle. wenn me an punkt vo dr liebi chunnt isch das mit em usseh scho lang passee. wär sich nur wägem usseh verliebt hett kei aanig. oder hett no nie liebi erläbt  |
| ArkinaDi 11.12.07, 17:58 | GodSpeed übrigends no danke und du verstohsch wenigschtens was ich mein... wenn ich so öbis miteme maa diskutier heisst denn immer grad, jo ich übertrieb, es git gnueg männer wo uff mehr stöhn.....  aber ebe zum glück het dä ganzi wahn echli nocheglo.... do hesch rächt! Und es isch jo nid numme e fraueproblem, es git jo immer wie mehr männer wo in dsa innegheie leider! fineline das hani bim erste post au gseit |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©