Festzeit.ch Forum » Computer » Linux vs. Windows
| Autor | Beitrag 31 - 43 |
|---|---|
| WasiliDi 11.12.07, 20:05 | Es isch klar, was besser isch. Oder viellicht doch nyt? Windows, in de neue Versione (Abgseh vo Vista mool) sinn einiges stabiler als die alte Home-Versione. Au punkto Hardwareunterstützig isches immerno top - liegt allerdings wohl nyt dra, dass Windows unterstützenswärt isch, sondern wills halt am verbreitischte isch. Bi kommerzielle Games kunsch um Windows eh nyt umme (WINE goot mit ältere Spieli, mit GuildWars z.B. stürzts ständig ab). Und es git spezielli Software, wo nur uff Windows lauft (Spezielli Datebanksyschtem und sunschtigs halt). Im Serverbereich gits zur Zyt e grosse Umschwung uff Windows... Wieso au immer. Uff jede Fall - bi Server isch Sun Solaris in Verbindig mit Postgres als Datebanksyschtem ziemli wyt vorne und besser als Linux. Und wo sinn d' Vorteil vo Linux? Uffem Desktop. Wenn me unterstützi Hardware het, isches dr gröschi Gnuss. Me ka alti PC's nomool reaktiviere, wo e halbwägs modärns Windows nüt me viel ka. Und, zumindescht uff mym PC, isch d' Hardwareerkennig *besser* gsi, als unter Windows. Bootzyt isch extrem kürzer; Linux noch ~15s bim Amäldebildschirm, Windows het dazumool öbe 50 brucht. Und bi Linux isch, kurz noch Amälde, sofort s' WLAN gstartet. Was by Windows nomool öbe 1-2 Minute brucht het. Kurzum: Linux cha besser sy als Windows - Wenn me Glück het. Het me Päch, und es git Problem, denne gits wirklich Problem, wo oft nyt eifach sinn zum löse. (Schomool versuecht, Soundbuchse zum laufe bringe? Viel Spass. Alli mögliche Tryyber duure probiere... Guet, das isch aber scho rund 10 Mönet här.) |
| dominiicDi 11.12.07, 20:08 | joo ich dänk das linux im bereich webserver eifach wiit vorne isch... das litt eifach an der system-stabilität dänki mol |
| Hasan93Di 11.12.07, 21:47 | Wer froge het soll de Expert Holysmoke froge Er isch spezialist indem Fall |
| gribiiiMi 19.12.07, 21:41 | i dänke mer chan nöd eifach säge das oder das isch besser ... es chonnt emmer of de isatz vom system drufah för chlineri server wöri jetzt klar es linux verwende ... bruuchi jedoch exchange oder han es windows netzwerk met domäne muesi wedr linux neh ... ond för de homeberiich ... wer nor chlii msn ond internet bruucht esch linux sechr besser ... aber vell sache laufet halt nöd ond joo am schloss esch au emmr nochli gschmacksach ond wie vell lost das mer het zom linux zom laufe zbringe  aber met ubuntu lauft vell hardware au problemlos |
| EntonMi 19.12.07, 21:47 | Jop, ich ha kei Problem mit minere Hardware uf Ubuntu. Sogar mi WiFi-Stick kani irgendwie zum laufe bringe, wo vo Nintendo isch aber ich bruch das momentan nid, deshalb intressier i mi nid drfür *lol*. "Gschmackssach"... Im Linux ka me s'Design nach em Gschmack jo umzieh! Wenn me de Windowsstyle lieber het, "mixt" me sich halt sone Oberflächi. Und das isch wirklich nid schwer!Dr Nochteil vom Linux isch, wie scho erwähnt, Windowsprogramme laufe nur dank Emulation. Leider lauft aber au nid immer alles perfäkt (also mit dr Win-Emu)! |
| gribiiiMi 19.12.07, 21:50 | jooo met ubuntu lauft din wifi stick schoo aber mach da ganze mol onter enem debian s erste mol hani 10 stond gha besi mini wlan charte in kernel kompiliert han d triiber installiert gha ond (ndiswrapper ond windows triiber) ond denne nod wpa verschlüsslig zom laufe brocht han  |
| EntonMi 19.12.07, 21:51 | whoah und ich ha dänkt ka, Ubuntu sig fascht wie Debian! *lol* |
| gribiiiMi 19.12.07, 21:55 | ubuntu esch shco fasch wie debian ubuntu het eifach nochli meh progrämmli ond triiber ond sooo wo debian ned het wells wörkli nor open source verwändet (ke intel triiber wo closed sind) aber inzwösche gohts au schneller |
| TiefenweltenMi 19.12.07, 21:59 | gribii, vergiss aber nit das ubuntu en debian kopie isch und uf e modifizierte debian kern ufbaut. s problem isch eher das es bi debian länger goht bis e programm oder triber fest (stable) in dr kernel ufgno wird, als bim ubuntu, wo sich nach miner meinige als zimli schnellschtes system neuerige apasst. |
| gribiiiMi 19.12.07, 22:03 | dasch mer scho klar das ubuntu of debian ufbout neii es goht om gwössi software z.B. zattoo oder ebe d intel-triiber die send ned fix bi debian debii ... well die software esch zwar als debian package vorhande ... aber sie send closed source ond debian nemmt standardmässig wörkli nor open source uuf ond dasch ebe bi ubuntu andersch ... ond debian esch au eher för de serverberiich wöri mol säge |
| Destiny887Mi 19.12.07, 23:14 | Um zrugg zum Topic z'cho, vo mir us isch dr besti Kompromiss in Sachä OS immerno OS X... mit Exposé und Spaces ischs eifach brutal komfortabel, das schloht Vista 10mol mit derä schönä (aber sinnlosä) 3D-Fänsteraordnig. Und wärsich ke Mac cha leistä installiertsich halt OS X uf sim Standard-PC, d'HW-Unterstützig isch scho verdammt wit |
| samDo 20.12.07, 22:03 | erhm s'topic isch linux vs. windooz gsi, nit os x |
| TuxDo 20.12.07, 23:01 | @Viewty: Suse suckt nit meh als Vista do bini mir sicher Suckt scho, aber nit meh als Windows, niemols!!! Gruess |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©