Festzeit.ch Forum » Politik / Religion » Blocher nicht gewählt
| Autor | Beitrag 226 - 240 |
|---|---|
| PetitJackBauerMi 12.12.07, 17:11 | Das het dä aber nid ärnscht gmeint odr?! Falls Jo: *lool*  |
| TwitchyMi 12.12.07, 17:12 | PetitJackBauer...genau für söttigi Clowns gits d'SVP... Will me ka SVP wähle, obwohl me vo Tute und Blase kei Ahnig het *scnr* 1 mal bearbeitet, zuletzt Mi 12.12.07, 17:12 |
| NeptunMi 12.12.07, 17:12 | i denk nid das sone scheiss wie tuberkulose no ins europa vom 21te johrhundert ghört. und vilicht befassisch di mol mit so sache, au zb in bezug uf vogelgrippe |
| GlasMi 12.12.07, 17:14 | Oh mein Gott, du hesch kei Ahnig vu Krankheite und ihri Verbreitig, DAS ghört nid ins 21 Johrhundert |
| kevMi 12.12.07, 17:16 | haha krankheite...lol da kunnt nit vo de iwanderer da kunnt vo de immer stärkere MEdikament udn immer üblerer Umwetlverschmutzig...deswege kömme die meischte neue krankheite au us china...dasch d rechnig defür das de blocher udn sini kollege allne jei welle befehle wie sie selle wähle udn wie das si sich z benäh hei...tja pech gehabt |
| TwitchyMi 12.12.07, 17:16 | sowyt ich weiss, wird dr HN51-Virus durch VOEGEL übertrage und nid durch Usländer D.h. also, sälscht wenn d'Schwyz frei vo Usländer wär, könntsch d'Vogelgrippe nid ufhalte, do würd au s'Reduit nüd nütze |
| hollowMi 12.12.07, 17:16 | Ich dängg, es isch no rächt intressant, die beide Möglichkeite wo d Frau Widmer-Schlumpf het, mol us ihrere Sicht azluege. Söll si anäh? Söll si sich gege dr Wille vo dr Partei stelle? Riskiere dass si us dr Fraktion gworfe wird und e "parteilosi" Bundesröötene wär? Oder söll si nid anäh? Und sich denn miesse dr Vorwurf lo gfalle, dass si sich vom Maurer und vom Baader lot lo sage, was si z tue het? Und vor allem: Wärs denn sicher, dass bi enere Nöiwahl dr Blocher würd gwählt wärde? Ich dängg ebe, dass wenns nomol zunere Wahl kunnt, dass denn dr CVP-Maa Schwaller e realistischeri Chance het als dr Blocher. Und denn hätt d SVP ihre zweite Sitz verlore. Und d Widmer-Schlumpf wär sozusage tschuld, wil si nid agnoh het. Us minere Sicht isch d Wahl vo dr Widmer-Schlumpf s beschte, wo in däre Bundesrotswahl het könne passiere: Dr Blocher wird nüm gwählt und d SVP bhaltet ihri zwei Sitz, wo si als gröschti Partei schlicht und eifach dr Aspruch druf het. Und die beide Persone wärde jo immer no die glichi Politik betriibe, au wenn si nüm in dr SVP-Fraktion sind! No öpis zum Schluss: Ich ha zwar Müeh mitem Blocher als Person und mit sinere Politik, bi aber iverstande, dass är ganz sicher e Person isch, wo öpis bewegt het und bewege wird in däm Land. Aber är ghört minere Meinig noch nid in Bundesrot, wos drum goht, ebe mol uf s Muul z hogge wenn eim öpis nid passt und sich kollegial z verhalte! |
| TwitchyMi 12.12.07, 17:18 | Hollow het's uf e Punkt brocht. |
| kevMi 12.12.07, 17:22 | Naja bewegt het er miner meinig noch nti vill...polarisiert scho... also mine rmeinig noch set si aneh...mol ganz neutral gseh: Wie oft het me d Chance Bundesrot z werde???vilicht nur eimol...und da me jo au als parteilos kann Bunderot si würds mir au mehr odr weniger egal si öp ich e partei hinter mir han odr nit... d Politik wo ich mach muess mir gfalle und de Lüüt helfe, nit enere Partei eifach gfalle und zb mir udn em volk nit... |
| NobelpreisträgerMi 12.12.07, 17:25 | Schön gseit hollow... klar isches e unsympatische Dräggszürcher, aber är bewegt öppis und tuet öppis gege die andere elände Sässelfurzer im BR und Parlamänt...  |
| TwitchyMi 12.12.07, 17:27 | Umfroge unter de Bundesbeamte het zeigt (d'Wältwuche behauptet das), dass dr Blocher zwar nid sehr beliebt isch, aber jede weiss was är muess mache... Do het dr Merz unter sine Beamte wesentlich schlächter abgschnitte. |
| hollowMi 12.12.07, 17:27 | Hm, d Politik muess ebe scho zwei, drei Persone aspräche, susch wählt di jo niemer! Mini Meinig, die neutrali Sicht, d Fraue-Gliichberächtigungssicht (und au d SVP-Sicht) sage eigentlich alli s gliche: Anäh! |
| LaMoucheMi 12.12.07, 17:31 | falls sie nit ahnimmt und dr blocher morn gege dr schwaller atritt isch es minere meinig sehr wohrschinlig dass d svp ihre einte sitz verliert.... obwohl sie aspruch uff 2 hetti fazit: sie sött aneh dass dr Blocher abgwählt worde isch sött me akzeptiere, genau wie sini wahl vo 4 johr 1 mal bearbeitet, zuletzt Mi 12.12.07, 17:35 |
| PetitJackBauerMi 12.12.07, 17:32 | @carter: D SVP isch momentan mit 2 Sitz in dr Regierig (vorusgsetzt d Schlumpf nimmt ah) |
| LaMoucheMi 12.12.07, 17:37 | das isch mr klar, bi doch nit behinderet ich sag jo fall sie nit ahnimmt verliert d svp wohrschinig dr sitz an cvp und het denn nur no dr schmid im br... und de hen sie denn sogar us dr fraktion gworfe |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©