Festzeit.ch Forum » Politik / Religion » Blocher nicht gewählt
| Autor | Beitrag 121 - 135 |
|---|---|
| ParadooxMi 12.12.07, 13:39 | genau! bis morn het sie e gehirnwösch beko und denn heissts: Guten Morgen Herr Blocher Schön Sie im Bundeshaus zu sehen.. |
| Alain88Mi 12.12.07, 13:48 | Ha mir mol e paar Biträäg duregläse und feschtgstellt, dass bi einige e bitzeli Verwirrig herscht und zum Teil falsches Zügs verzellt wird. Hoff drum, dassi e paar Lüüt cha hälfe. Prinzipiell ka jede stimmberächtigte Mensch gwählt wärde. D'Parlamentarier könne also uff dAbstimmigszettel, wo sie kriege, irgend e Name schribe. Me muess also nid emol "nominiert" worde si...me muess au kei Parlamentarier si. D'Frau Eveline Widmer-Schlumpf isch drum au nid im Bundeshuus awäsend gseh und het miesse ko, do sie natürlig verkünde muess, ob sie dWahl animmt oder nid. Sie het jetzt aber weder abglähnt no agno und will Bedänkzyyt. Es git jetzt zwei Szenarie: Szenario 1: D'Frau Eveline Widmer-Schlumpf nimmt dWahl a, d.h. sie wird Bundesrötin und wird zimlig sicher vo dr SVP us dr Fraktion gworfe. E gliche Fall hets schomol mit em Bundesrot Samuel Schmid gä, wo ebefalls in dr SVP isch, aber nid in dr Fraktion isch. S'Problem: E Bundesroot ohni Fraktion hets zimlich schwer, well är kei Ruckhalt im Parlamänt het und sich im Parlamänt kum duresetze ka. Szenario 2: D'Frau Evelin Widmer-Schlumpf nimmt dWahl nid a, d.h. sie wird nid Bundesrötin. Jetzt muess es e witer Wahl im 5. Wahlgang ("Blocker"-Wahlgang) gä. D'SVP wird, wie das dr Fraktionschef Kaspar Baader gseit het, nomol dr Blocher "nominiere". Jetzt kunnts e chli druff a, wie die andere Parteie reagiere... es isch sehr worschinlich, dass denn dCVP e Sprängkanidat uffstellt, wo gege dr Blocher atritt. Uff jede Fall isch es hüt scho e Krimi gseh und wird au morn nomol spannend si! |
| pressureMi 12.12.07, 13:49 | segi jo scho lang, s gliiche esch met dene verehrte dame und herre usem graubönde au passiert... |
| archipencilMi 12.12.07, 14:02 | wenn d'frau widmer schlumpf das amt überzügt hät welle, hät si das jetzt scho gseit, i glaub si isch nid ganz überzügt vo däm ganze.... bim interview uff em bhf in züri het si jo au nid sehr überzügt tönt! und öb jetzt d svp in dr opposition isch oder nid, macht eigentlich au kei unterschied meh, si hei so sowieso jedes mol öbis z n(m)örgele......  |
| TwitchyMi 12.12.07, 14:16 | Ich bi gspannt uf morge... |
| PetitJackBauerMi 12.12.07, 14:36 | D SVP isch sälber schuld dass sie so e Führerkult het mitem Blocher. D Schlumpsch wär e viel e besseri Bsetzig vom Finanzdepartement als dr Merz. Me het eifach gse, dass d Mehrheit vom Volk & Parlament nid mit dr Politik vom Mister Blocher iverstange isch. Und Gründ um ihn abzwähle hets jo gnueg gä. Au wenn d Schlumpf d Wahl nid ahnimmt, wirds füre Blocher fascht unmöglich widr inezcho. S Mitte-Links Bündnis het gse wasi chöne erreiche und wärdä morn sicher nid zrückchrebse! Edith: Und falls d Schlumpf d Wahl vo dr SVP här nid anä döf, wär das wohl s Ändi vo dr Demokratie & vo dr Glaubwürdigkeit vo dr SVP... No schlimmer als bim Schmid!! 1 mal bearbeitet, zuletzt Mi 12.12.07, 14:40 |
| tschugileMi 12.12.07, 14:44 | Zueständ herrsche do.. do wird eini gwählt wo Vertrauen vom Volk bzw. vom Parlament bekunnt und sie überlegt sich ob ses animmt und das nur welle dr armi armi Blochi nid gwählt worde isch.. HEY HALLO ??? Do gots ums Volk und d Zuekunft vo dr Schwiiz und nid um em Blocher sis Ego ! Und dene so Ussage vo Schälle-Ueli Maurer vo wäge sie gienge in d Opposition falls dr Blocher nümm dine sig.. das isch Erpressig und absolut unterschti. Ka öper däm arme Mensch mol es Nastiechli für sini Tränli gä und e Schnuller.. sunst stirbt dä no an Selbstmitleid ! Ich bi drfür das mir e Sammelaktion mache wo däm arme Schälle-Ueli e Platz in dr Psychiatrische sichert. Do gots um d Schwiiz und em andre gots nur um ei Partei. UNTERSCHTI SOWAS !!!! |
| TwitchyMi 12.12.07, 14:44 | Mi Politik- und Staatsverständnis sait aber, dass me d'Kandidate vo dr gröschte Fraktion im Nationalroot nid eifach abschiesst  D'SVP isch stärkschti Kraft und het Aspruch u 2 BR-Sitz und ka die 2 Sitz besetze wie sie wött.. ich hätt mi jetzt enter uf FDP oder CVP-Sitz ygschosse... Und die gröschti Partei in dr Opposition bi dene Dossier, wo die nöchschte 4 Johr müen durebrocht wärde (IV/AHV, Bilaterali usw.) stell ich mir als GAU vor... |
| TokeeMi 12.12.07, 14:46 | tschugi es lauft so ab wie in dr novartis uf manager ebeni mi erpresst und droht wo mä nur kah  |
| tschugileMi 12.12.07, 14:48 | nei si ka die Sitz NID bsetze wie si wött.. Si ka Lüüt zur Wahl stelle und dene muess vom Parlament als gwählti Volksvertreter s Vertraue usgsproche werde !!! Was will me mit emene Bundesrot wo e Partei bestimmt, wenn z.Bsp. 80 % vom Volk drgege sin ? |
| TwitchyMi 12.12.07, 15:03 | Tschugile... D'SVP het nur sovieli Sitz im Nationalroot könne hole, will sie 'm Volk versproche het, dass dr Blocher wytermacht die andere Parteie hätte JEDE Sitz könnte agriffe, aber nid im Blocher sine... z.b. was macht e MERZ no dinn? Eigentlig hät 1 FDPler use müesste und e Grüene yne... |
| joop01Mi 12.12.07, 15:04 | Danke Rabiator für deinen wirklich super Beitrag. Ich sehe das genau so und hoffe, dass wir evtl. Glück haben und noch einen 3ten Platz haben Also kann sein, dass Fr. Widmer-Schlumpf die Wahl annimmt. Blocher wird dannach weiter ziehen, mal schauen ob er dort mehr Glück hat. Jedenfalls meine lieben heist es nicht Blocher weg SVP weg. Fr. Widmer-Schlumpf ist nämmlich auch bei der SVP und somit bleibt der Sitz dennoch in der Partei!!! Ich habe auch gehofft, dass es Blocher schaffen wird. Es freut sich BLICK der schon wiedermal alle gegen Blocher aufhetzt. |
| holysmokeMi 12.12.07, 15:08 | blocher wäg längt scho. vorem blocher isches schliesslich au scho einiges aständiger zue und här gange. |
| tschugileMi 12.12.07, 15:11 | ah d SVP verspricht Sache wose nid halte ka.. SUPER ! Doch das isch doch mol e Partei.. Chapeau ! btw. dr Blocher ka gar nid witerzieh. Wenn d Widmer-Schlumpf animmt isch fertig mit Blocher Bundesroot für 4 Joor. Die andre sin nämlich alli vereidigt worde. |
| TokeeMi 12.12.07, 15:12 | nid ganz aber bi froh dasi gester in dr zitig kah chönä läse das d hanfinitiative vprs volk chunt |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©