Festzeit.ch Forum » Sonstiges » was bedeutet JESUS für DICH???
| Autor | Beitrag 376 - 390 |
|---|---|
| finelineDi 29.8.06, 08:46 | Hey DonVidal... Super Wort... bi grad baff. Glaube gitt hoffnig. Villi sage, christe düend sich nur an öppisem hebe. Mini gegefrog isch, was isch negativ dra, wenn me sich an öppis hebt, wo me a) dra glaubt und b) me merkt, das es eim wirklich besser got, wenn me sich dra hebbbt? Ich ha s'gfühl, dass de Glaube no öppis ganz wichtigs mitbringt. Und zwar Dankbarkeit. E gläubige Mensch isch sich eher bewusst, dass nid alles wo mir händ sälbstverständlich isch. Dass alles wo mir kriege es gschänk isch, dass es e gschänk isch, dass mir es Dach überem Kopf händ und 3 moll pro Tag öppis zässe. Villi sage jo denn... "jo isch schaff jo jede Tag für das" Anderi schaffe einiges meh und kriege e Hand voll Riis defür. Ich will nid demit sage, dass alli wo nid glaube das nid gsend. überhaupt nid. Aber ich merk jedoch scho, dass sich e gläubige Mensch das eher bewusst isch. Und ebe au dankbar defür isch, wills wirklich nütt sälbstverständlichs isch. |
| HunterSThompsonDi 29.8.06, 09:50 | also chrischte glaube an jesus...hmm er het vor ca 2000 johr gläbt --> nur mol so als bispiil... früener hän mr in dr primarschuel immer sone spiil gspiilt: allli sin ine kreis gsässe...und d'lehrerin het öperem es wort ins ohr gflüschteret...das wort isch den vo chind zu chind gflüschteret worde...und am schluss isch den öpis ganz anders usecho us apfel wird abfall us kopf wird topf und so witer. ich will drmit eigentlich nur säge das ich s zimlich naiv find das me inere 2000 johr alte GSCHICHT so vill glaube schänkt...weil d'mensche höre immer nur das wo si wänd höre unverständlich  |
| finelineDi 29.8.06, 10:18 | Iwan... versuech e moll d'bible und de glaube usenanderzhalte. das sind 2 grundlegend verschiideni sache. |
| HunterSThompsonDi 29.8.06, 10:54 | uf was bestoht den din glaube? uf erläbniss oder uf erlerntes? isch ein erschine und het sich als jesus vorgstellt? |
| sämiDi 29.8.06, 10:58 | Ich bin Jesus i han langi hoor, wohn bi mim mammi und weni mol öppis schaff ischs es Wunder |
| HunterSThompsonDi 29.8.06, 11:00 | hehe de isch nid schlechthaahahahehehe |
| finelineDi 29.8.06, 11:09 | wenn de d'ignoranz wäglosch chönne mer diskutiere. du hesch rächt, irgendwie muesch jo demit konfrontiert wärde. aber d'grundmessage hett sich nie veränderet... au wenn du das spiili in dr primar aasprichsch. klar, was d'details aabelangt, do derüber cha me stritte. aber die wirklich grundlegende sache wärde sich nid veränderet ha. will dä inhalt derart klar isch. |
| HunterSThompsonDi 29.8.06, 11:18 | ebbe nid. du seisch ich söll d'bible wägloh und jetzt griffsch widr druf zrug...ich bi nid ignorant. welles grundlegende denn zum bispil? |
| finelineDi 29.8.06, 11:22 | Jo, ich ha jo gseit, du hesch rächt. natürlich chasch d'bible nid wäglo. ganz am aafang vo däm thread hani mini aasichte moll ganz genau beschriibe. chasch schunsch dört go nocheläse. Grundlegendi sache wie d'geburt vo christus, dass är am krütz gstorbe isch, gschichte vom abraham und moses, die 10 gebott... das sind so klari gschichte, die verändere sich nid so schnäll, au wenn si vo mund zu mund wittergä wärde. |
| HunterSThompsonDi 29.8.06, 11:27 | ...jo das isch ebbe asichtssach. ich chan mit dem glaube eifach nüd afoh weil mir z'oft verarscht worde sin vo dr kirche du chasch nid säge was stimmt und was nid und das cha glaubs niemer... d'bible isch dr einzig bewis und die andere evangelie wo no gfunde worde sind (weisch es sin nid nur 4 evangelie verfalsst worde) d'bible isch vo dr chirche kontrolliert worde und was d'kirche alles für absichte gha het wüsse mr jo alli... d'tüschig vom volk und wäg däm vertrau ich dere sach eifach nüm |
| sämiDi 29.8.06, 11:29 | Moll öppis zum nochedänke für alli gläubige: was dänkeder, wievill vo euch wäre hüt Moslems, wensi imene Muslimische Land ufgwachse wäred und immer nume das ghört hetted? vermuetlich alli. und ir wäred genau so überzoge derfo wieners jetz vom Christetum sind oder?  |
| finelineDi 29.8.06, 11:33 | hoi sämi, das isch doch klar, dass du in öppis inewachsisch. d'frog isch denn, was de demit aafosch. weisch, schlussändlich laufe de islam und s'christetum ins gliiche ine. und... weisch wo d'bible und de koran starte? jo genau, hesch es erfasst. bim abraham. De Sohn vo ihm de Ismael isch witter gange und hett sis eigene Volk gha. Uss dene isch spöter de Islam entstande. Also, de ursprung am gliche ort. Grundsätzlich glaube beidi religione an gliiche gott. nur... villi wänd das nid realisiere, will beidi religione das ganze zimmli unterschiidlich usslege. |
| sämiDi 29.8.06, 11:37 | i weis, das bi bedne religione s AT praktisch glich isch. nume, wie du seisch isch d uslegig total anders. Aber s wär (vermuetlich) au bi andere Religione so, das wen du demit ufgwachse wärsch und dir das als DIE woret dargleit worde wär würdsch du das hüt überzügt chöne verträtte. |
| finelineDi 29.8.06, 12:01 | Hejo, ich sag jo, dass du do nid unrächt hesch. me chunnt demit in berüerig, will me driiwachst. Und so lehrt mes kenne. Anderi lehre öppis kenne, wachse demit uff, lehre uff eimoll öppis anders kenne wo si besser finde und konvertiere zu däm. wie wenn ich jetzt zu de hare krishna go würdi. näi lönd mir jetzt das. aber das isch jo offesichtlich so. |
| nundefaaahneDi 29.8.06, 12:09 | @fineline: also du glaubsch die gschicht mit de 10 gebot im ärnscht? weiss zwar nümm so genau wie die gange isch, sin die nit ufe steitafele gmeisslet gsi? und irgendeine het si ufeme hügel gfunde? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©