Festzeit.ch Forum » Liebe & Sex » @alli Fraue : Wie muss MANN sein... ??
| Autor | Beitrag 1 - 15 |
|---|---|
| LucccaMi 5.4.06, 05:29 | Hey zäme... würd mi jetzt mol wirklech wundernäh uf was für Type ihr stönd: Eher dr Softy, wo mitfühlend isch und villicht e wiblechi Site irgendwo het.. oder eher dr Macho, wo eim s Gfühl git guet ufghobe z'si  Wie müesst den eure Traumma üsserlech usseh, oder spilt das nit sone rolle, wenn die innere Wärt stimme ? Uf was leget Ihr wärt !  |
| aliennaMi 5.4.06, 06:33 | vo beidem es bits, är muess au chli romantisch sii chönne und gärn kuschle und so, aber wie du gseit hesch, är sött dr frau au s'gfühl geh, dass sie guet ufghobe und "beschützt" isch, eifach e gfühl vo geborgeheit sött är übere bringe. hm.. usssehmässig.. aso ehrlich gseit luegt me immer z'erscht uffs üssere, aber was bringt mir das, wenn dr geilscht maa vor mir stoht denn s'muul uff risst und es kunnt nur scheisse usse?? inneri wärt spiele e grossi rolle, jedefalls für mi. |
| CartierRoyalMi 5.4.06, 07:40 | jo findi au!! es nützt nüt wenn sonen gott vor eim stoht und sich denn eifach als sone null acht 15 typ ohni charakter usestellt!!! aber chli schöni gsichtszüg und tiefgründigi auge si scho chli erwünscht!! en Matcho wotti nid!! lieber öpper wo mir mit sinere ufmerksamkeit zeigt wie viel ich ihm bedütt und nid mit irgendwelchne wort......also mängisch döft er denn scho en geile spruch abloh aber hald nid numme.......joooo zimmli kompliziert hald!!! |
| LucccaMi 5.4.06, 12:51 | Aha guet.. aber s'git sicher no meh wo do öppis z'sage händ... Oder? |
| heartMi 5.4.06, 13:11 | bestimmt  aber isch doch sinnlos, meischtens gits das wome will garnit  bimir isches emel so  Geborgeheit isch recht und guet aber vor allem söd dä Typ bitz öbis an Riefi ha, wüsse was er will und e gwüssi Intelligenz söd au vorhande si. Er söd offe, selbschtsicher, und vor allem ehrlich si. Er söd sich chönne usdrucke, was implizit scho in dr Intelligenz vorhande isch, so dass me aständigi Diskussione fiehre cha Söd einigermasse e guets uftrete ha, sowohl ussehmässig als au in Persönlichkeitsmerkmol. Er söd eim sGfühl geh die einzig richtigi zsi und eim freirüm lo, wo schliesslig jede brucht. Ifühlsam und verständnisvoll isch au immer guet, aber nid too much...Er söd kei langwiler si, sondern bitz pep im arsch ha also efach für alles zha si, söd uf kei fall fuul si, sprich bitz öbis an ehrgiz ha und e Ziel vor Auge.Weder Softi no Macho, denn alles was extrem isch isch schlecht, halt e gueti Mischig vo beidem, bitz öbis an Gfühl zeige chönne isch guet aber sone emotionsbündel isch nun au nid so das.. er söd sich für sache begeiscthtere chönne und freud am lebe ha, nid sone "mi schisst alles ah"... und so witer, könnt sitene voll schribe Ussehmässig söder efach nid grad versifft bis ähne use und auno so voll dr ufgstylti Metro Man  wider sgoldige Mittelmass halt - btw. isch usseh praktisch fascht so wichtig wie charakter! will nämlich au kei verständnisvolle super fründ wome drfür nid aluege cha...Hoff das het dini frog beantwortet 1 mal bearbeitet, zuletzt Mi 5.4.06, 13:11 |
| immaMi 5.4.06, 16:01 | jä, me chönnt wirklich sitewiis über der "ideali maa" schriibe, aber öbs das denn bringt weiss ich au nid, meischtens verliebt me sich sowieso ziemlich irrational! Respäkt isch mir sicher au no ganz wichtig, und, au wenn ich KEI feministin bi, är sött glichberechtigung eifach für sälbschtverständlich aseh, wil sunscht reg ich mi eh die ganzi zit über ihn uf... ich würd jetzt mol sage, inneri wärt sind viel wichtiger wies usseh, au wenn mi fründ notürlich nid grad söt usseh wie wenn är vom mars chiem... jojo, ich glaub ich hör mol uf isch eh scho e mega lange bitrag...  |
| heartMi 5.4.06, 16:06 | hehe joooo und ich ha laaaaaaang nid alles gschribe, ebbe genau zum bischpil Respekt han neb all dem andere vergesse, das isch natürlich ganz wichtig! und er söd nid welle Husma s, das findich schrecklich! Denn das wänn eh nur die si, wo sgfühl hän hussfraue hän s'schönschte lebe und mien nüt mache und us Fuulheit wänn sie denn "Husma" werde, do kriegich amme e halbe lachkrampf.... und und und Aber für mi isch Usseh und charakter fascht glich wichtig...wobi charakter scho no chli meh gwichtet isch.... |
| gigXMi 5.4.06, 16:18 | oh gott senator was hesch do före frog gstellt ? gegefrog, was chönd er ih somene perfekte mah biete? vorallem ischs irgendwie typisch frau... er setti das si, abr glichzitig au doch ned  ussehe isch ned wechtig, abr ergendwie ischs doch witer etc es get eifach ned de perfekti partner, es wär au zum sterbe langwilig und mer wörd selbstkomplex kriege ... ps: implizit = im prinzip oder? |
| immaMi 5.4.06, 16:24 | notürlich gits dr perfekti partner ned, aber s git doch e paar sache wo öbber chli "perfekter" oder eifach passender für eim mache! und das isch eh bi jedere frau wieder echli andersch... so stoht die eini z.b. uf en macho wo si immer wieder herusforderet während en anderi das nur kindisch findet... aber ich dänk, du kasch di "perfekte ma" vo dämhär nid beschribe wil me oft über kleinigkeite cha hinwägseh und usserdäm, meischtens merksch ercht dass eine scho nur wirklich interessant isch wenn emol e zitli mit ihm gredet hesch... das wo mir do beschribe sind fantasievortellige... wo so genau in däre form hoffentlich au nie iträffe, wil wär wil scho dr perfekti partner? do miesst me jo die ganzi zit kompläx kriege... |
| LucccaMi 5.4.06, 16:35 | @heart: jä danke, das hani gmeint... @gigX : es goht do jo nit um alli einzelheite und details... sondern was mi primär interessiert isch eifach, wie e maa grob si muess das er chance het.. Relation Charakter/Usseh, denn i mein vili sage e guete Charakter isch sehr wichtig, aber wenn de im Club bisch chasch jo nur nachem Usseh go... und uf was chunts denn dört druf ah... Eifach die persönlech Meinig vo de einzelne Members würd mi scho interessiere... |
| LissaMi 5.4.06, 17:38 | also für mi muess e ma v.a. gross, muskulös und blond si. er mues lieb si mit mir, immer e ohr für mini problem ha, viel lüt kenne, schöni auge ha und mi zum lache bringe. |
| pearMi 5.4.06, 17:51 | @heart: gits sone maa überhaupt ?? aber es isch sicher en gueti mischig und vorallem nid so 0815... !! |
| heartMi 5.4.06, 20:09 | @qiqX neeee mit implizit(was übrigens sgegeteil vo explizit isch, falls de das kennsch )isch eher gmeint e "gmeinte aber nid usdruckte, als gseite Bedütigsinhalt". So quasi "sich könne usdrucke" isch jo in dr Intelligenz au vorhande...das hani gmeint. @pear Ebbe das weiss ich nid, ich hanen leider nong troffe....  Gang also drvo us, dass es weniger dr fall isch-aber isch doch nid esooooo viel verlangt?Naja mengmol isches vilicht au efach nid guet wemme zfeschti vorstellige het, bzw. weiss wasme sich vonere Beziehig erhofft, denn genau das zfinde isch soooo schwierig, und mit öbisem wo mi nid 100% überzügt willi mi jo aunid begniege, isch doch normal Das isch aber jo aunid perfekt, sondern vilicht efach passend zu mir... minere meinig noch natürlich nur, aber cha das jo au nur subjektiv beurteile... @Senator87 Also ebbe so Verhältnis vo Charakter/Usseh cha dir glaubs niemer klar sage, denn au wenn eim sUsseh super wichtig isch, cha eim trotzde mol öbber vo sich überzüge au wenner vilicht nid so im eigene Idealbild vo Ma entspricht... Was du seisch stimmt aber, wenn e Frau in dr Disco atanzt wird oder so denn seid sie sicher nid zerscht " chum mr rede e chli " sondern luegt wiener usseht und git em denn bestimmt e Korb wenner ihre nid gfallt, aber das isch bi Männer jo genau eso... Find efach jede wo seid Usseh isch nid wichtig dä liegt! Will es isch serschte wome wohrnimmt und wo eim beiflusst, me cha högschtens sini Meinig nomol ändere.... |
| noxonMi 5.4.06, 20:40 | @heart. also die vorstellige sind sicher nid falsch. ha au öbbe soviel..viellicht bini wäge däm scho sit 3 joor single.. bi allerdings super zfriede im moment. naja..es chunnt wies chunnt |
| heartMi 5.4.06, 20:52 | Ich glaub alli Lüt wo so vorstellige hän sin mol zerscht lang elei, ich nämli jetzt au 3 Joor! Und das cha jo nur dra liege, dass es ebbe doch e chli zviel verlangt isch |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©