Festzeit.ch Forum » Politik / Religion » Bundesrat direkt vom Volk gewählt
| Autor | Beitrag 1 - 15 |
|---|---|
| FirefoxyDo 27.12.07, 11:40 | D SVP lanziert zur Ziit eso e Intitiative, das s Volk dr Buundesroot wähle ka. Guet oder schlächt? ich persönlich find es e schlächti Idee, denn dodurch beschränkt sich dr Wahlkampf nume no uf Persone und ufs Gäld wo in d Kampagne gsteggt wird. Schlussändich kunnts denn so wie in Amerika use...  |
| TwitchyDo 27.12.07, 12:24 | Hesch's uf e Punkt brocht... Diräktwahl vom Bundesroot würd dr Wahlkampf no meh personalisiere und d'Inhält bzw. Sachargumänt würde in Hintergrund träte. |
| FirefoxyDo 27.12.07, 12:28 | Aber trotzdäm wänns no huere vill... wieso? das nähmt mi mol wunder |
| YelinaDo 27.12.07, 12:29 | wird das nid zimli kompliziert, wenns das wend duresetze? wäg em absolute mehr und so? usserdem befürcht ich denn en rechtsrutsch i de regierig, kei ahnig, wieso.  |
| TwitchyDo 27.12.07, 12:32 | Ich schätz enter, mir hätte 4 SVPler und 3 SPler oder umgekehrt... und gwunne wär bi sonere Konstellation au nüd. Und d'Schwyz wär denn wie alli andere Länder au und das wänn jo d'Schwyzer eigentlig nid... |
| tschugileDo 27.12.07, 13:06 | ich befürcht au eher e Rechtsrutsch.. Usserdäm würde die sich dene eher neutralisiere und d Schwiiz kämt niene mehr ane ! Den e könne mr jo grad e Präsident wähle ! Aber i bezwiifle eher das das durekunnt |
| KönigFroschDo 27.12.07, 13:24 | i fänds eigentlich gued wenn dr bundesroot diräggt vom volk wurdi gwählt werde. denn wärde eher d'volksinträsse verträtte. ud sicherlich wird sich die ganzi sach dodurch polarisiere. kha meh jo drber stritte ob das gued oder schlächt isch. dass d'umsetzig mit em absolute mehr es problem darstellt bi ere diräggt wahl isch wohl so. dass in ere demokratie immer die mit em gäld regiere hed dr plato damals scho gwüsst. und i mein, au wenn dr bundesroot jetzt nonig diräggt gwählt wird regiere ht scho die mit em gäld. das isch in dr demokratie immer eso. aber eso wies hüt isch fühl i mi als wähler vom parlament nid richtig verstande und verträtte. wil was bi dene bundesroots wahle gloofe isch hed nüd mit de interässe vo de wähler z'due. sondern do sin ganz klar parteiinteresse usgläbt worde. wil wenn d'svp bi de parlamentswahle wieder zuegleggt hed und nochher ihre kopf, dr chrigel, vom parlament abgwählt wird khas das eifach nid syy. wil sin mir ehrlich, d'svp wird zue eme grossteil wäge em chrigel gwählt. |
| tschugileDo 27.12.07, 13:26 | nei i mein sische Skandal ! Eifach ei Person nümm im Bundesroot ha welle aber dennoch dr SVP 2 Sitz zlo... nei unglaublich ! Mir sötte das grad an internationale Grichtshof bringe !!! |
| YelinaDo 27.12.07, 13:26 | wenn öpis weg em blocher wottsch loswerde, gang doch i dä thread, da gahts nid um das. //ha eigendli nid dich gmeint tschugi, bisch eifach schneller gsi bim poste, ha de blocher-sympathisant gmeint. 1 mal bearbeitet, zuletzt Do 27.12.07, 13:29 |
| tschugileDo 27.12.07, 13:27 | HALLO ???? d SVP bhaltet 2 Sitz und bekunnt somit ihres Ergebnis vo dr Parlamentswahle bestätigt ! Was das ganze mitem Blocher ztue het weissi ächt nid ! Es isch SVP gwählt worde und d SVP het 2 Sitz beko also. Dr Blocher isch eifach die falsch Person xi zum witeri 4 Joor mit somene asoziale Verhalten d Schwiiz nach usse zverträte |
| tschugileDo 27.12.07, 13:28 |  |
| YelinaDo 27.12.07, 13:33 |  1 mal bearbeitet, zuletzt Do 27.12.07, 13:33 |
| KönigFroschDo 27.12.07, 13:33 | es goht mir nid um es blocher wil er dr blocher isch. sondern drum das e partei wäge ere strake person (stark gmeint mit starkem ufträtte) gwälht worde isch. und die vom parlament nid bestät8igt worde isch. und würdi dä hansruedi habersack heisse und nid blocher wärs immerno s'gliche. es goht nid um e blocher. sonder um sini position. und wenn de jetzt seisch, jo sini position, d'svp hed jo no 2 sitz. denn hesch es nid begriffe und wenn d'svp e initative macht zur diräggt wahl denn goht jowohl sehr um e blocher. vlt nid für mir oder euch. aber sehr für d'svp. aber gued, wenn ihr das nid eso wänd seh... 1 mal bearbeitet, zuletzt Do 27.12.07, 13:34 |
| YelinaDo 27.12.07, 13:35 | MIER gahts drum, dass nid jede thread, wo öpis mit politik ztue hed, schlussendlich en "de blocher isch nüm bundesrat"-thread söll werde und dass es bi dem thema nid um das gaht. |
| KönigFroschDo 27.12.07, 13:36 | ebbe, denn gohts hald um e hansruedi habersack! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©