Festzeit.ch Forum » Sonstiges » Casino
| Autor | Beitrag 1 - 15 |
|---|---|
| goaLFr 28.12.07, 05:32 | Hey lüt, bi jetz barmol im casino gsi, und ha überlegt, isch das würkli e glücksspiel, oder verarsche die eine.. was denket ihr, also ich mein das das programmiert isch oder so, zert lönd sie di lo gwünne, und den isch so programmiert das die zahl wo du setzisch oder so nid dra chunnt jetz bim roulette zum biespiel, was denket ihr, chunnts nur ufs glück druf a oder isches e verarschig? |
| KlerikerFr 28.12.07, 08:00 | casino isch e cooli sach, gang all 2-3 wuche mol fritig zobe mit kollege, aber bisher bi ich sicher scho schlussändlich im minus mit em casino 100-200.- s casino gwünnt eifach immer- |
| SerialFr 28.12.07, 10:56 | grundsätzlich macht s casino nie verluscht. Also über längeri zit gseh... Kurzfristig cha csho öbber Geld gwünne, aber längerfristig nit |
| YelinaFr 28.12.07, 11:02 | mer sött halt wüsse, wenn mer ufhört. wenn mer sich en limite setzt vo säged mer 20 franke und denn nacher eifach ufhört. ha au scho s3fache usgeholt vom isatz, aber das isch eher selte de fall. |
| Brise86Fr 28.12.07, 11:29 | im Casino Basel + ca 600.- im Casino Bade - ca. 80.- // und yelina mit 20.- chunsch nid wiit ^^ 1 mal bearbeitet, zuletzt Fr 28.12.07, 11:29 |
| CemXbrOFr 28.12.07, 11:42 | Han 1.- ihnegloh und bin mit 160.- gange  Wennde Gwunne hesch dörfsch eifach nümme wiiterspiele, sunsch hesch am schluss nix mehr  |
| goaLFr 28.12.07, 12:26 | jo, gester hani no e 20er im portemonnaie gha, ha nid welle meh useloh, ha de 20 ine toh (miteme 20er chunnsch würkli niene ane meistens) und den isch de weg gsi, hani mis münz zämmekratzt au inetoh, schluss endlich hani no 2.- im portemonnaie gha, bi mit dem uf 30.- ufe aber isch au weg gsi. aber ich ha denkt, wenn me so quasi e taktik het zum spiele, also ich mein mitere gwünn chance vo 90% meinet ihr das chame duresetze oder isch ebe e verarschig in dene automate wo dir die 90% versaue und grad uf die 10% programmiert sind?  und was sind euri favorite games? mit wellne het me am meischte chance, blackjack, roulette, poker..? und was denket ihr zu Online Casino, mit richtigem Geld!? 2 mal bearbeitet, zuletzt Fr 28.12.07, 12:31 |
| NobelpreisträgerFr 28.12.07, 12:47 | Im Casino hän alli Apparät, also die Käschte wo de Münze iiwirfsch, Banggevorteil. Dorum vrliersch dört uf längeri Sicht. Bim Roulette s gliche. Abr z.B. bim Pokere, wo s Casino nur dr Dealer stellt, sehts anderscht us. Dorum sin die Spiel au nit eso beliebt bi de Casinos. 0nline zogg icheh nur Poker, cha also do nit mitreede. 1 mal bearbeitet, zuletzt Fr 28.12.07, 12:47 |
| DPM1980Fr 28.12.07, 12:50 | es casino hets nid nötig z bschisse für lüt wie uns wo mit 100.- chömed  dört chömme anderi lüt go spile zum teil..btw letschti inere reportage, casino bade..amene normale wuchetag über 200'000.- ignoh..klar muesch no s unzählige personal zahle, d bude usw..wird aber no gnueg übrigblibe |
| NobelpreisträgerFr 28.12.07, 12:55 | Ha mol sone Bilanz vomene Casino dörfe aluege ... Trotz Abgabe an Sporthilf etc. und Personal - e stolzi Summe luegt do am Änd vom joor use |
| DPM1980Fr 28.12.07, 13:01 | jää das chamer guet vorstelle!! |
| snowboarderDi 23.6.09, 21:36 | http://www.onlineumfragen.com/login/main.cfm?typ=o&popupblock=1&goto=0&startpos=0&sprachst art=# chöntet ihr a dere Umfrog teilnä?Si isch für mini Lehrabschlusspriefig got nit lang aber sind ehrlich isch anoym schöne obe |
| sKaLadDiNDi 23.6.09, 21:37 | Dr Link goht nid Susch würdis mache |
| PortisheadDi 23.6.09, 22:01 | Zitat: snowboarder Ihr Passwort war falsch.http://www.onlineumfragen.com/login/main.cfm?typ=o&popupblock=1&goto=0&startpos =0&sprachstart=# chöntet ihr a dere Umfrog teilnä?Si isch für mini Lehrabschlusspriefig got nit lang aber sind ehrlich isch anoym schöne obe Bitte versuchen Sie es hier nochmals oder kontaktieren Sie den Systemadministrator unter infoonlineumfragen.com |
| Luc5Mi 24.6.09, 00:04 | also blackjack isch s spiel mit de (mathematisch gseh) höchschte gwünnchance. (allerdings au unter 50%) gfolgt vo roulette. häts roulette dr 0er und de doppel 0 nit, wärs logischerwiis e 50% gwünnchance. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©