Festzeit.ch Forum » Politik / Religion » an alli Usbürgerigsbefürworter
| Autor | Beitrag 1 - 15 |
|---|---|
| PetitJackBauerSa 8.4.06, 14:39 | So i ha d Diskussion ufem Bild vom naichhalt bezüglich dr Usbürgerig vo Usländer verfolg. I muess sägä, i bi enttüscht, dass en Partei wo 2 Bundesröt stellt, uf sone Idee chunt. No viel me enttüscht und vor allem schockiert bini, dass die Idee sone grosse Aklang findet. Klar ufe erschte Blick dönt das no guet: Die wo Problem mache use, die andere chöne blibe. Doch wie tief isch euses Land eigentli gsunke, dass mr es 2 Klassesystem miese iführe? Es erinnert mi an Zyte vom Nationalsozialismus, wo d Arianer (blondi Hoor und blaui Auge) die beschte Mensche si gsi und dr Räscht isch nume Abschum gsi. So chunts mr au hüt vor. Wenn mr hüt vo Usländer rede, denn isch es meischtens negativ gsi. Doch werum? I glaub die meischte Lüüt hei absolut KEI ahnig, was mir dene böse und schlimme Usländer alles z verdanke hei. I de 50er und 60er Johr sin vili Italiener bi eus igwandert, vor allem als Saisoniers. Die si am Afang total verachtet worde, und ständig abeglo worde. Aber si hei Jöbs gmacht, wo sich e Schwizer e Scheiss drum kümmert het. So isch dass den au spöter mit de Tamile und denne us Ex-Jugoslawie gsi. Dene Usländer hei mirs z verdanke, dass mr hüt eis vo de richschte Länder uf dere Wält si. Dank ihne heimr sone grossartige Wohlstand (gmässe an andere Länder) und wenn mr jammere, denn jammere mr uf höchem Niveau. Die Usbürgerigssach isch dr gröscht Witz. Was söll me denn mit gwalttätige Schwizer mache? Was mit Extreme Christe wo Gwalt als einzigs Mittel gsen, ihri Ziel dure z setze? Was mit Links und Rächtsextreme? Au alli usegheie? Und überhaupt wenn me meint, dass wenn me die Usländer usgheit het, d Problem denn glöst si, denn isch me eifach es riesigs Egoiste Schwein. Mir Schwiizer sin nid die einzige Mönsche uf dere Ärdä, öps eus passt odr nid, s git au anderi Länder und die hei denn die Problem eifach. Mi Bitt isch eifach, dass me mol übere Tällerrand useluegt. Es git zahlrichi Lösige und Alternative zuenere Usbürgerig. Nume wärdä die nid in Betracht zoge, wel die Idee vonere Usbürgerig so verlockend isch. Wenner duss isch, isch s Problem erledigt und eusere tolle Schwiiz gots prächtig... |
| LucccaSa 8.4.06, 14:48 | Aha...interessant.. iglaub jedes Land luegt als erscht fürs eigene Wohl oder ? Gwalttätigi Schwizer chasch wohl schlächt us ihrem eigene Land schmeisse, se für ihr Verhalte bestrofe chaschse aber. Gwaltätigi Usländer, wo bi uns nur Problem mache, chame wider in Ihr Land schicke... was spricht drgege  |
| JonethenSa 8.4.06, 14:57 | es isch au d frog was d usländer überhaupt in dr schwitz mache?? wiso sind si cho?? wills do schöner isch??? |
| PetitJackBauerSa 8.4.06, 15:00 | Werum sötsch Schwizer nid usegheie chöne? Ihne ghört das Land nid, sie si nume do gebore, und das machtse nid zumne bessere Mensch odr? @jonethen: haha guete Witz, wels do schöner isch...Meinsch e Mönsch verlot sis Heimatland nume wels i dr Schwiz schöner isch? Nei mi liebe, die Mönsche si verfolgt worde und hei rächt viel Scheisse erläbt... |
| JonethenSa 8.4.06, 15:07 | @phantow: das isch e witz was du verzellsch! lueg in dr schwitz händ si alles zum läbe! und döte händ si nume e lehmhüte und müend bättle oder wüsse gar nid ob si gnueg z ässe für die nägste dääg händ! also chum mir nid miteme sone schwachsinn das si öpis schlimms erläbt händ... |
| PetitJackBauerSa 8.4.06, 15:36 | aha i verzell seich... also überleg emol 1. isch das nüt schlimms wenn du inere lehmhütte miestisch wohne und miestisch bättle? und 2. werum miese si so läbä? wels sehr wahrschins i däm land chrieg gä het... und glaub mr, es brucht sehr sehr viel muet und stärchi sis eigede land z verlo. wenn du s gegeteil behauptisch, hesch du das eifach no nie erläbt... |
| ScratchSa 8.4.06, 15:49 | ohni usländer wäre mr wirtschaftlich gseh völlig am arsch.. überlegget emol wär unseri hüüser und strosse baut füre lohn wo so guet wie kei schwizer würd so jäs go schufte.. usserdäm kenni X usländer wo sich ohni problem super bi uns integriert hän. also statt immer blöd go ummemotze über d usländer sött me sich villicht au mol no die ander site aluege. |
| TonyMontanaSa 8.4.06, 15:49 | aha und du bisch dä wo scho alles erläbt het uf dr wält oder wie? |
| ScratchSa 8.4.06, 15:51 | super gegeargumänt gsi muess sage... ,) was het das mit däm ztue? |
| TonyMontanaSa 8.4.06, 15:56 | i mein dänk phantwo |
| TonyMontanaSa 8.4.06, 15:56 | und i hätt dich als "die" und nit dä agsproche... |
| ScratchSa 8.4.06, 16:01 | jääää das hättisch halt schono miesste erwähne ;D schaaaad.. hami schu ufe hitzigi diskussion gfreut ;D hrhr |
| asdfwsdfwfSa 8.4.06, 16:02 | Klar bruchts d Usländer idr Schwiz. Wie Scratch scho gseit het, ä huffe "Drecksarbet" (ugs) wird vo Usländer gmacht. Aber was spricht drgege gwalttätigi Usländer uszwiese, oder setigi wo eifach nume Wirtschaftsflüchtling si? I gseh wirklich kei Grund wo drgege spricht. Wenn do öber gwalttätig wird, den isches nit, weller süscht kei Chance het. Sondern well das eifach si Charakter und sis Umfeld (wo jo meistens au nume anderi Usländer miteme ähnliche Charakter und Temperament wohne) isch. Wenn du iglade bisch zum esse, gosch jo bi dim Gastgeber nit go d Teller dähi schlo und erwartisch den daser dir no d Tasse usegit, damit dä die au no chasch dähi mache. So chunt mr dini Istellig ä biz ine phantwo. |
| ScratchSa 8.4.06, 16:09 | jah klar.. i find au nit, dass die wo nur schaiss baue do dürfte do bliebe.. s problem isch halt das die jung generation s vrlert het schätze do zsi, will sie jo meischtens do gebore sin und gar kei ahnig hän wies in ihrem land vor sich goht (natürli nit alli).. me muess aber au chli beachte, dass d kriminalitätsrate bi de usländer tendentiell höcher isch, will au mehr usländer als schwizer arbetslos sin und meischtens nit wirklich e chance kriege, sich do z behaupte z könne.. me wird eifach tendentiell schnäller kriminell wenn me nix z vrliere het oder wenig het, als wenn me e job het und somit e gwüssi sicherheit... das söll kei entschuldigung aber e überlegig si.. dorum sin au d kriminalitätsrate in dütschland oder italie wo d arbetslosigkeit viel höcher isch als bi uns, viel viel höcher als do bi uns.. dorum findi eigentlich.. mr hän nit sone riese usländerproblem gsamtschwizerisch gseh.. also wennis jetzt zb wieder mit dütschland oder frankrich vrglich.. natürlich sehts in städt wie basel oder züri wieder chli andersch uss wie imne wallis.. jo s thema isch nit eifach.. aber me sött glich nit menschevrachtend oder rassistisch wärde.. will vrallgemeinere chame eifach wirklich nüt.. au nit usländer |
| JonethenSa 8.4.06, 16:16 | @scratch bi voll dinere meinig... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©