Festzeit.ch Forum » Liebe & Sex » Vorurteil
| Autor | Beitrag 1 - 15 |
|---|---|
| SpacecowboyDi 8.1.08, 21:10 | Ha mol wölle froge, wie ihr das findet, wenn öpper gäge euch es Vorurteil het obwohl die Person euch gar nonig richtig kennt. Mi macht das eifach Steihässig, wenn ich vo öpperem (also ere Frau) dr Spruch z ghöre krieg: "Jo ehm, ich find mir hend nit viel gmeinsam"...sorry aber die het sichs grad mit mir verspielt, so e Spruch bringt mi eifach uf d Palme!  Das isch mer jetzt scho 2 mal passiert....aber interessanterwies sinds beides mal ziemli alternativi Wiebli gsi....die eint het gseit, ihri istellig sig relativ...allei das seit scho alles!  Händer au mal öpper troffe oder kenneglernt wo grad als ersts mit so eme Spruch agruckt isch ? |
| KillerkirscheDi 8.1.08, 21:18 | Hm dä spruch jetzt nid diräkt, aber stoss au immer widder uf vorurteil wo mich rasend mache!erläbs grad i dr schuel (vo Lehrer us) so heftig, wie de abgstämplet wirsch bevor si dich überhaupt kenne! so sache wie: mir sin nid uf dr gliche wällelängi mache mi allerdings au rächt hässig... 1 mal bearbeitet, zuletzt Mi 9.1.08, 19:02 |
| JoggelDi 8.1.08, 21:19 | nei, das nid. aber i gör zu dene persone, wo uf de erst blick vorurteil gegenüber äm andere het. das isch leider e negativi igeschaft vo mir. darum bini wohl immer no zha.... |
| KillerkirscheDi 8.1.08, 21:20 | das sötsch dringend abbaue!sisch sälte öbber so wie de ihn bim erschte idrugg ischätzisch! |
| galgenbruderDi 8.1.08, 21:22 | also dazumals woni no rastas gha ha bini oft mit vorurteil konfrontiert worde (nei, ich los kei reggae!). ich find das in ornig, und bi do sälber chli wie de joggel. es isch nid ganz falsch, d lüt nach ihrem ufträtte z beurteile, me düschd sich nid so oft... |
| ingrossoDi 8.1.08, 21:28 | finds geil, du machsch e thread uf wege vorurteil, wo du di drüber ufregsch, glichzitig hesch aber selber au vorurteil, zitat: ...aber interessanterwies sinds beides mal ziemli alternativi Wiebli gsi....die eint het gseit, ihri istellig sig relativ...allei das seit scho alles! zitat ende  kei vorwurf aber luschtig selber findi me sött sich zerscht e bild über e mensch verschaffe bevor me öpper abstemplet... |
| KillerkirscheDi 8.1.08, 21:30 | naja ganz falsch isches nid, nur schrieb ich die person de au grad ab?i finds interessant mensche kennezlerne woni nid grad bim erschte idrugg super symphatisch find! will für mich erscht dr zweiti idrugg zellt! |
| galgenbruderDi 8.1.08, 21:33 | das isch theorie... in würklichkeit gönd alli mänsche anders uf d lüt zue, wenn si anders usgsend. du glaubsch nid, wie anderschd d lüt sich verhalte, wenme mit rastas oder mit churze hoor und azug dehärchunt... und vorurteil müend jo gar nid unbedingt negativ si, s git sicher sache woder gfalle, und denn bisch vu afang a positiv gegenüber me mänsch igstellt... isch eifach so, und isch nüt schlimms. |
| KillerkirscheDi 8.1.08, 21:36 | nei sag jo nid das es schlimm isch, nur finds de schad weme die person grad abschriebt!nach em motto: "du passisch nid i mis raschter mit dir willi nüd ztue ha"!und das gits in unsere gsellschaft äfach zviel!....klar, git jo au positivi vorurteil!aber vo dene red i jo nid! |
| SpacecowboyDi 8.1.08, 21:51 | @ingrosso: Jo vellicht hani sie scho abgschriebe gha....wie cha me nur e "relativi istellig" ha ? Also das tönt für mi nachem Fähnli im Wind....so quasi ich pass mini Meinig de andere a.... @Sevi: Ja genau das meini au, git Lüt wo eifach e Raster hend und denn gnadelos ussortiere...vor allem was Partnersuechi via Blind-Date agaht...do chansches au grad vergässe, isch schwierig mal öpper würkli netts so kennezlerne. |
| dreliDi 8.1.08, 21:53 | jede mensch het vorurteil. bi de einte isches stärker usprägt bi de anderne weniger! aber jede mensch hets! ich weiss, i ha vorurteil und das isch au guet so. i muess nit jedem oder jedere d chance geh mi chönne kennezlerne, denn okay, i ha au scho dr eint oder ander falsch igschätzt, aber i bim allergröschte teil sind mini vorurteil doch richtig plaziert gsi. |
| SpacecowboyDi 8.1.08, 22:03 | Hm, ok. Di Benutzerbild loht scho mal erahne was füre Vorurteil gege Männer hesch |
| dreliDi 8.1.08, 22:07 | und du hesch jetz es vorurteil gege mi!  i muess und due mis azeigebild nit rechtfertige. wer was vo mir will denke, überloni jedem einzelne. |
| SpacecowboyDi 8.1.08, 22:09 | Ha ich e Vorurteil gschriebe ? Ich ha nur was vo erahne gschriebe! Aber wenn du das so empfindsch, denn nur, well du das quasi Provoziersch wenn me das Pic aluegt. Isch das gewollt oder eifach ironisch gmeint ?  Naja, e Reaktion provoziere chan au lustig si 2 mal bearbeitet, zuletzt Di 8.1.08, 22:11 |
| dänäläDi 8.1.08, 22:44 | und ich hasses wenn lüt finde ich sigi arrogant obwohl si no kei wort mit mir gwächselt hän...wäg mine graublaue auge und de blonde hoor wirk ich schiens e bitz unterküehlt, bini aber nid...kunnt doch tatsächlich im usgang eine zu mir, nonie gseh, nonie unterhalte, gradewägs und seit ich sig die arrogantischti person wo er je scho gseh heb uf der wält!! nochdem ich ihn druff higwiese ha dass er mi nid kennt isch dä siech no aggressiv worde!! uiui, do wär mir fasch d hand usgrutscht... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©