Festzeit.ch Forum » Kritik / Anregungen » Festzeit in de Schlagziile
| Autor | Beitrag 76 - 90 |
|---|---|
| schmusekätzliMi 30.1.08, 16:23 | ich find es ligt dev. an de eltere si sötte ihri kinder im griff ha und halt nit jedem kind internet zuegang erlaube( und wenn den halt unter ufsicht) mir händ das vor e paar joohr au nuni so verbreitet ga. |
| PetitJackBauerMi 30.1.08, 17:30 | Ig fing dasch doch alles widr mol es klassischs Hochjublä vo de Medie. Hei sich dänkt "Hui s isch Mitti Januar, mir hei nüt z schribe... Ah doch wart, schribe mr widr was über die versiffti & gwaltextremi Jugend, das chunt immer guet ah!" Dr erschti Bricht in dr BaZ isch jo no einigermasse gange, döt ischs jo ume Internet-Kurs für Eltere gange, woni sehr sehr sinnvoll fing. Allerdings ischer schlächt gschribe gsi und me isch nid so genau druss cho, wie dä Kurs jetzt ablauft. Dr Zwoit Artikel vom Mentig hets sogar uf d Titelsite gschafft und das seit jo scho einiges us: Nur wels zu es paar Zwüschefäll isch cho und d Lehrer e Abneigig gege die Page entwicklet hei, wirds gd zum Haupthema... Klar ig verlügne nid, dass 11-16 jöhrigi Kiddies zum Teil eifach kei Ahnig hei, was sie mit ihrne Föteli und Comments arichte. Im Internet herrsche au Rächt, aber wenn d Jugend vo Hüt nid emol über d Alltagsregle Bscheid weiss, wie söllä sie denn ds Internetgsetz kenne? Do isch Ufklärigsarbeit agseit, vor allem im Informatik Unterricht in dr Schuel! D Lehrer döfe nid gege CommunityPortals wettere, aber gliichzytig nix ungernä, usser se z sperre (was au nüt nützt, d Jugend wiicht denn halt uf angeri Pages us) Doch was cha jetzt dr Entwickler vo dere Page, dr quix genau drfür? Genau nüt würdi meine. S isch sis Hobby und är het e gueti Idee gha, wo ihm jetzt vieles zruggit woner sicher au ind Entwicklig und Promotion vo dr Page gsteggt het. Itz söll är drfür biesse, dass e Minderheit vo de User kei Astand het und e Minderheit vo mehrheitlich wiibliche Kiddies sich halbnackt usziehn miehn, um d Ufmerksamkeit z becho, wo sie dehei nid bechöme... D Schuld liggt miner Meinig ganz klar bi de Eltere. Friener isch s genau gliiche Gschwätz ume TV losgange, aber döt isch s Problem weniger chly gsi, wel dr TV meischtens im Wohnzimmer stot und döt hei d Eltere einigermasse d Kontrolle, was ihres Chind luegt. Hützutags allerdings, hei viel Teenies dr Laptop (inklusive Webcam) im Zimmer und verbringe so viel Zyt wie sie wei dra. Dr Verlauf lost sich jo chinderliicht lösche und die meischte Eltere interessierts gar nid uf welne Pages sich ihres Chind d Zyt vertriibt. D Istellig "PC ane - Chind het ebis z tue - Ig ha mi Rueh" isch zum Chotze und ergibt sich dur die egoistischi Istellig vo dr hütige Gsellschaft. D Eltere söte mit ihrne Chinder es klar Zytfänschter abmache, wenn sie dr PC döfe benütze und uf was für Pages me got, eifach Transparänz schaffe. Me döf em Chind jo scho e FZ Account erlaube, aber me söt d Übersicht drüber ha, was für Fotis ufeglade wärdä. D Schuld eifach em Quix zueschiebe isch lächerlich und zügt vo dr Inkompetenz vo gwüssne Politiker, Lehrer und Medieschaffende. Hauptsach me isch nie sälber schuld und dr anger het doch alles gmacht. S FZ Team het sich in de letschte Mönet arg verbessert (au wenn die Info Mäldig uf dr Hauptsiite ersch dure Mediedruck isch cho...) Föteli wärde viel effizienter duregange und glöscht, nid passendi Comments wärdä greglet und fehlverhalteni User wärdä viel schneller gsperrt. Mi Vorschlag wär, dass me e Art Schockkampagne würd starte (so wie bi de Raser) Wome z.B. es paar Föteli vo halbnackte Teenies vo FZ nimmt und unger dra schribt "Das könnte Ihr Kind sein und Sie wissen es nicht!" und drvo Plakat & Inserat drugge. D Eltere würde so schnell uf d Wält cho und ihres Verhalte hoffentlich verbessere... |
| DysisTMi 30.1.08, 17:35 | e fetts WORD |
| neokataMi 30.1.08, 17:41 | petit ich ha nüd z ergänze  |
| AwesomenessMi 30.1.08, 17:47 | 1 mal bearbeitet, zuletzt Do 25.12.08, 16:03 |
| DenGibtsDochGarNichtMi 30.1.08, 17:53 | Do dr Tele Basel Bricht dezu, mit emne Interview mit em quix!  http://www.festzeit.ch/viewpic.php?id=8043446 |
| DysisTMi 30.1.08, 17:59 | @mizu das glaubsch jo selber ned, dass die de würdet verwende... wär jo voll paradox |
| RheinPiratMi 30.1.08, 18:02 | Dr quix isch nid so gued vorbereitet gsie he Fascht biz ä schämmer  |
| heimdallMi 30.1.08, 18:03 | zum glück händ se s forum ned erwähnt...  |
| DysisTMi 30.1.08, 18:03 | wenn so es Ding gegenüber vo mer gsesse wär, hätte mer au biz d wort gfehlt ^^ edit: s forum kunnt erscht s neggscht mole in de zitig 1 mal bearbeitet, zuletzt Mi 30.1.08, 18:04 |
| heimdallMi 30.1.08, 18:09 | hehe, newbies begönd suizid will se zu jääs disst wärde...  |
| DysisTMi 30.1.08, 18:12 | und a allem isch fz gschuld  pöses fz |
| AwesomenessMi 30.1.08, 18:14 | 1 mal bearbeitet, zuletzt Do 25.12.08, 16:03 |
| AwesomenessMi 30.1.08, 18:29 | 1 mal bearbeitet, zuletzt Do 25.12.08, 16:03 |
| La86LocaMi 30.1.08, 22:24 | uh mann, ha grad s interview vo gescht uf telebasel gseh... d hänselei sin doch eifach vom schuelplatz undheiweg verlegt worde ufs internet, öb jetzt FZ, msn, oder anders... lerned de kiddies mediekompetenz! das wort isch niene vorko, nur vo informatik isch gredet worde. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©