Festzeit.ch Forum » Liebe & Sex » Liebi cha uh weh machä!!
| Autor | Beitrag 1 - 15 |
|---|---|
| yunieMi 30.1.08, 13:52 | äs git nüt schlimmers we wänn mär ä pärson übär alläs liäbt und därä blind värtraut und dänn wird mär belogä und betrogä! ich han scho einigi schlächti erfahrigä gmacht und bi värarscht wordä... mich würs jetzt mal mega intressiärä was ihr scho alläs ärläbt händ! öb mär eu au scho so weh gmacht hät und wiä ihr dämit umgangä sind! liäbs grüässli!  |
| dreliMi 30.1.08, 13:58 | liebi cha verdammt weh due! au wenn me nit verarscht worde isch! und wie me drmit umgoht... i weiss nit, irgendwie muesch eifach z recht cho, au wenns verdammt schwer fallt... |
| AwesomenessMi 30.1.08, 13:58 | 1 mal bearbeitet, zuletzt Do 25.12.08, 15:59 |
| d0mEMi 30.1.08, 14:01 | so schöns cha si wenns lauft so unschön isch es wenns nüm lauft oder ebe e betrug stattfindet.. aber ich würd sage isch jedem scho passiert, ich ha scho betroge und bi scho betroge worde, allerdings bin ich dört no um einiges jünger gsi, und wenn me mol sälber betroge worde isch den merkt me wie weh das es macht und ich find den macht mes sälber nüm so schnell.. |
| TokeeMi 30.1.08, 14:02 | i bi au scho mol vrrascht worde bi aber den 5 joor jünger gsi.. isch scho ä scheiss erfahrig aber es cha jo nid immer alles nur im positive bereich passiere. Gwüssi sache bruche länger zum sä vrdränge gwüssi weniger aber das ghört eifach drzue. |
| yunieMi 30.1.08, 14:05 | @ mizu ja das känni! nid ärwidärti liäbi chan scho rächt weh machä! und äs bringt ein schiär zum värzwiiflä! =( abär wenigstäns häsch dänn no kei ärnsthafti gfühl zu därä pärson! stell där vor du bisch 3 jahr mitärä pärson zämä... das isch ganz öppis andärs vo dä gfühl! diä värtrautheit isch dänn eifach öppis mega bsundrigs und du chunsch fasch nüm vo därä pärson los will du so ah sie gwöhnt bisch... und stell där vor dänn passiärt so öppis! das isch unerträglich! =( 1 mal bearbeitet, zuletzt Mi 30.1.08, 14:06 |
| yunieMi 30.1.08, 14:07 | ja scho abär ich värsuäch jetz dänn scho sit 1.5 jahr drübär hinwäg z'cho und ich schaffäs eifach nid! =( äs macht immärno huärä fescht weh!! |
| AwesomenessMi 30.1.08, 14:08 | 1 mal bearbeitet, zuletzt Do 25.12.08, 15:59 |
| yunieMi 30.1.08, 14:13 | oh man dänn isch bessär wänd sie los häsch!! =( so lüüt sinds doch eifach nid wärt... odär häschäs värdiänt gha das sie di scheisse behandlät hät? scho nid odär? |
| XcXcXcXcXc001Mi 30.1.08, 14:13 | @yunie i bi 7 johr mit minre fründin zemme gsi und nach 7 johr hettse miesse meine mi mit mim kolleg z'betrüge.....wieni drmit umgange bin? einersits ischmers schlecht gange will i ha mitere zemmegwohnt und i ha ganzi 4 täg no nebe ihre im bett pennt......anderersiits bini totglücklich das se los han isch irgendwenn eifacht nuemm gange....isch halt nur e kli zu üble schluss daher verstandi dich vollkomme |
| DucatiriderMi 30.1.08, 14:14 | jo also wen me soo land immene Loch isch wäge öperem den isch nit guet! klar isch es eländ und es got eim dräckig! aber me muess sich immer vor auge halte dass s'läbe wieter got! schlussändlich die person wo eim weh gmacht het und nümmi mit eim zämme isch wie gots dere? liedet die au no?? i dänks in de wenigschte fäll und den würd i für mi sage bini mir eifach zu stolz und zu wärtvoll als das i so öperem hinde dri briell! dr Ex partner amüsiert sich und mir gots dräckig?? neee! für dass isch mir mi läbe viel zu koschtbar! das bringts au nit! irgend wen mol sött me drüber hinwäg sie!! egal wie intensiv und toll die beziehig gsi isch! für das wäri eifach zu stolz!! abgse do drvo wäg dämm chunt die person eh nit zrugg! und so toll muess den die beziehig au nit gsi sie wenn me betroge wird! 1 mal bearbeitet, zuletzt Mi 30.1.08, 14:18 |
| AwesomenessMi 30.1.08, 14:14 | 2 mal bearbeitet, zuletzt Do 25.12.08, 15:59 |
| yunieMi 30.1.08, 14:19 | ja bi eus ischs ebä so gsi das ich ihm "värzeiht" han und dänn hämärs widär probiärt! und äs ziitli lang ischäs eigäntli guät gangä (ich hans dänn eifach immär värdrängt gha) und dänn hät är abär nomal scheiss gmacht und dänn ischäs widär nüm glofä und sit do ischäs immär äs hin und här! mär chömäd beidi nid vonänand los und liäbäd eus au no! ich chans nur eifach nid värgässä und chum drum niä drübär hinwäg! =( ich liäbän so fescht dasi mi eifach nid vo ihm trännä chan... zumindäst im härz nid! hans paar mal värsuächt abär irgändwiä värgib ich ihm gliich immär widär... |
| finelineMi 30.1.08, 14:20 | S'gitt lütt die wüsse nid wie me mit em härz vo andere Mensche umgoot. Si gönd fahrlässig demit um. Schnide dri, händ aber au d'begabig die wunder widr z'verschliesse und irgendwenn lönd sis gheie und es zerfätzt in 100000 Stück. |
| yunieMi 30.1.08, 14:20 | ja häsch sie dänn niä gfrägt? odär häsch gar nid chönä? ä ärchlärig wär sie där mindästäns no schuldig!!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©