Festzeit.ch Forum » Sonstiges » Carlsberg Bier
| Autor | Beitrag 1 - 15 |
|---|---|
| finelineDo 31.1.08, 08:29 | Bi grad vorig im Carlsberg - EM - Tram gsässe. Carlsberg macht jo wärbig wie blöd, verdrängt an allne Egge und Kante die andere Bierhärsteller. Im Joggeli kriegsch nur no Carlsberg etc. Aber jetzt mini Frog: Ich sälber find Carlsberg eins vo de hässlichste Bier wiit und breit. Und ich ha no nie öpper ghört wo Carlsberg guet findet. Ich bi no nie zu emne Bier iiglade worde und ha e Carlsberg anegstellt becho. Zum Glück au nid. Wie cha e Produkt wo eigendlich niemerds wirklich geil findet sich derart uff em Markt feschtige? Eigendlich sött mes Boykottiere... aber d'Lütt wänd halt Bier trinke. Sälbst wenns Carlsberg isch  |
| YelinaDo 31.1.08, 08:35 | Ich ha au en rege Bierkonsum, aber Carlsberg isch wirkli nid guet!  Obwohl, es behaupted au alli, dass McDonals nid guet isch und glich lauft die Ketti super...  |
| schinzzDo 31.1.08, 08:37 | Fäldschlössli Ziegelhof und Ueli bier sin besser  |
| d0mEDo 31.1.08, 08:39 | euch isch aber scho bewusst das Fäldschlössli Carlsberg ghört?  |
| finelineDo 31.1.08, 08:45 | Isch doch scheiss egal wäms ghört. Ich find zum Bispil ins Joggeli ghört Fäldschlössli und nid das Dänische gebräu. haha villicht isch au Carlsberg e Präventivmassnahm so quasi: Ok mir miend Bier verkaufe, vlönd mer halt nur grusigs bier verkaufe, denn suffe d'lütt weniger |
| rutschläDo 31.1.08, 08:57 | kenne dr carlsberg kauft fäldschlössli, fäldschlössli mue relativ rächt spure und eifach usfüehre, was carlsbärg bestimmt... und wenn carlsbärg findet, si wänd is joggeli, denn passiert das au.... |
| d0mEDo 31.1.08, 08:59 | immerhin hän dr e tolle PC support rutschlä  |
| schinzzDo 31.1.08, 09:12 | und ihr händs gschafft das jetz do e gwüssi person luscht uf e bier biko het  und käins darf dringgemerci 1 mal bearbeitet, zuletzt Do 31.1.08, 09:12 |
| rutschläDo 31.1.08, 09:13 | wiso hämer en tolle pc support? du meinsch diä dubblä wo in tschechie hockä und kei dütsch verstönge? jä ganz super doch |
| CarlAlexisDo 31.1.08, 09:21 | also ich find carlsberg gar nit so schlächt  isch eifach huere gxüffig, jo biz so wässrig 1 mal bearbeitet, zuletzt Do 31.1.08, 09:21 |
| d0mEDo 31.1.08, 09:24 | rutschlä nei die meini nid, helpdesk sin immer scheisse ich mein die wo bi euch vor ort sind |
| rutschläDo 31.1.08, 09:44 | ah deini si super, das isch eso isch e herrlichs team mit deine chasch immer blöd schnurre, diä si bäumigkennsch deini au demfall? |
| d0mEDo 31.1.08, 09:48 | jo glichi firma, seh sie zwar nur öppe 3 mol im joor, aber sin guet druf mit em teamleader läschtere ich immer über e gwüssi firma und ihri komplizierte prozess |
| rutschläDo 31.1.08, 09:49 | abr dr teamleader fend eg id sone luschtige, diä andere 2i jedoch scho! und s fraueli isch aso au nöd z verachte hmmm...was chönt ächt das füre firma si...grübelgrübel |
| d0mEDo 31.1.08, 09:51 | nei das muessi zuegeh, d lady isch wirklich nid z verachte guet, mir verstöhn uns beträffend firma |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©