Festzeit.ch Forum » Sonstiges » ...lasst mal einen "Alten" sprechen!!
| Autor | Beitrag 91 - 105 |
|---|---|
| CartierRoyalDo 20.4.06, 15:45 | jeeeaa si verträge sich wider!! hehe siget lieb zunand! |
| HunterSThompsonDo 20.4.06, 15:54 | tribute to heart ....si het mr scho in ere andere diskussion ganz schön zuegsetzt mit ihrne durchdachte sätz   |
| HunterSThompsonDo 20.4.06, 15:54 | wir sind der singende tanzende abschaum der welt zitat von? |
| CartierRoyalDo 20.4.06, 16:00 | joker27878 über Fight Club |
| HunterSThompsonDo 20.4.06, 16:06 | was joker 27878???' und dass? "fangorn - welch wahnsinn trieb sie dort hinein?" |
| CartierRoyalDo 20.4.06, 16:09 | das isch herr der ringe!! |
| HunterSThompsonDo 20.4.06, 16:09 | wer? |
| CartierRoyalDo 20.4.06, 16:11 | gimli |
| HunterSThompsonDo 20.4.06, 16:20 | heehe du freak nid schlecht und das? "dann, wählst du den weg des todes" |
| borniDo 20.4.06, 16:44 | oha, interessante thread, @birdy Huet ab zu dire Tocher. Simpel gsait, finds lässig, dassdä troz dim Alter (aständig )jung blibe bisch.Vrdient respekt Witer so |
| heartDo 20.4.06, 16:58 | @Bluemoonangel Also im Prinzip hani mi nid emol agsproche gfühlt vo dir, offesichtlig hesch aber (ufgrund vo dim 2. Statement) glich mi gmeint. Um dodruff Antwort zgeh: Ich respektier alli Biträg in dem Forum ohni wenn und aber, au wenni teilwies wirkli sehr stark dr Bedütigsghalt hinterfroge muess! Ich has wirkli nid nötig uf irgendwelchne Mensche und ihrne Statements umezhacke, erscht recht nid bis zum gehtnichtmehr, und empfinds aunid eso als hätt ich das gmacht, und us dr Reaktion vom birdy schliess ich, das er das au eso seht – was jo eigentlich sowieso dHauptsach in däre ganze Aglegeheit isch… Ich lueg au nach wie vor mi comment nid als dumm ah, wobi ich do dini subjektivi Wohrnehmig akzeptier. I finds au super wenn’s für ihn e Sinn het in dem Forum sini Meinig kundzdue und ähnliches, hani prinzipiell eigentli au nüt drgege gseit, nur dass es mi wunderet, will ich vo mir us denk ( ohni jeglichi Sicherheit ) dass ich das in däm Alter nid mach! That’s it! Ich ha au nid si Bruef in Frog gstellt, im Gegeteil, do ich selber Psychologie studier, hanich wohrschins sogar no bitz mehr Ahnig vo dem Gebiet und ha im gegesatz zu andere „laie“ keini Vorurteil (womit me sich wirkli nid selte umeschlo muess…) ich ha lediglich gseit, dass ich hoff emol mehr zdue zha wenn ich denn emol erfolgrich in dem Bruef tätig si wird – ABER, und das hani im vorige Statement jo gseit, hani nid in Betracht zoge, dass dr birdy jo Selbständig si könnt, drum hani mini Ussag au korrigiert! By the way hani nur nomol welle amerke, dassi hinter dä comment auno e zwinkernds smiley gmacht ha, was eigentlich hätt sölle zeige, dass es in keinschter wies e durch und durch kritisierende comment si söd…. |
| heartDo 20.4.06, 17:08 | @birdy Zu miner „Verteidigung“ möchte ich do emol amerke, dass ich genau 1 Semester hinter mir ha und drum nonig durch und druch psychologisch bewanderet bi! Gib mis Wüsse aber durchus immer zum Beschte! Ich ha in keim Fall dini Leischtigsfähigkeit in Frog gstellt – ich ha lediglich bemerkt, dass es für mi nid ufgoht, dass du als Psycholog ( oder was genau du bisch, was mi übrigens wirkli sehr interessiere würd..! ) no soviel Zyt übrig hesch di in däm Forum ufzhalte, und NOMOL, ha drbi nid berücksichtigt dass du selbständig tätig si könntsch, drum entkräftet das mini Ussag vollständig….ganz ehrlich gseit handlets sich’s bi dem jo aber um e Bagatelle, es sei denn du hesch di persönlich agriffe gfühlt, was nid mini Absicht gsi isch ( ich denk aber zwüsse, dass du mit dem sowieso umgo kasch) und wofür ich mi allefalls entschuldige! I ha aunid gmeint, i will nie so ende wie du, ich ha nur gseit, dass ich emol will gforderet werde in mim Bruef woni usiebe wird, und do drbi hani vilicht unfairerwies in frog gstellt, dass du gforderet wirsch in dim. Bezüglich diner Ussag dass ich mir offesichtlich im Statement über dini Chinder widersproche ha kanni dr leider nid ganz folge, was de konkret meinsch. Merci einewäg fürs Kompliment. |
| CartierRoyalDo 20.4.06, 17:13 | @heart eigentlich isch das au richtig wenn du dich nid agschproche fühlsch! wil es mi mim kommentar indem ich gschilderet han wie ich die kommentär doinne uffass han ich eigentlich e anderi person gmeint. da mich denn aber der perskindol druf higwise hät das du das als e agriff uf dis statement chönntisch gseh hani prävenzivi massnahme ergriffe und mich scho im vorus für öbbis grächtferiget woni eigentich garnid hätti müesse!! also wenn du das falsch ufgfasst häsch duets mer leid und es hätti würkli kei agriff sölle si!! im übrige hani no welle säge ich finds schön wie du dich usdrücksch und e gueti wortwahl in dini texte mitibeziesch! das zügt vo niveau. was i aber nid so toll find, bessergseti sogar schrecklich, das du zwüsschedurre änglischi wörter iflächtisch! das isch eifach stylistisch unschön! und *versaut* dis schöne dütsch! es söll numme en dänkastoss si!! |
| heartDo 20.4.06, 17:23 | absolut okay, has gar nid als Agriff gseh, eher als interessante "Input" Merci für dis Kompliment und zu diner kritik, do ich im Moment, do inne eigentlich nid so ume guete Schribstil bemieht bi, benütz ich halt au wörter wo nid ganz zumene guete Schribstil passe, dem binich mir bewusst, einewäg krieg ich so Begriff nid us minere Umgangsproch use - goht jo aber vielne so Ka aber au immerno bitz beiflusst si, dass ich allgemein viel englischi usdrück bruch, will ich 4 monet in canada gsi bi  who knows... |
| birdyDo 20.4.06, 17:26 | heee...heart...keini Entschuldigunge, ich finds stark, mit starke Mensche z'diskutiere!! Ich han mich nie persönlich agriffe gfühlt, ich ha di nur es biz "usenanderneh" wölle....das isch mir glunge... Ich cha dir nid meh zu mim Bruef säge, sorry....ich bi z'bekannt und wött doch es biz Diskretion ware. Aber Psycholog bin ich nid....d'Psychologie spielt in minere Arbet aber e grossi Rolle. Ich ha übrigens sehr oft Klientel in dim Alter Ab 18 und d'Gspröch sind absolut hochkarätig....Niveau het nüd mit em Alter zdue...wie du weisch. Mit mim Bruef wärsch Du sehr wohrschinlich sehr zfriede, do bin ich fasch sicher....aber ich viiiel drfür müesse schaffe!! Schlussändlig....ischs nid e interessanti Diskussion gsi?? Het nid au Bluemoonangel oder dr Perskindol sehr cleveri Statements brocht?? Ich cha vo söttige Lüt profitiere!! Jetzt muess ich an d'Arbet, ich schaff hüt no bis am nüni!! (Wer seine Meinung nie ändert, lernt nie dazu) 1 mal bearbeitet, zuletzt Do 20.4.06, 17:27 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©