Festzeit.ch Forum » Sport » England vs. Schwiz
| Autor | Beitrag 31 - 45 |
|---|---|
| LoopTroopRockersDo 7.2.08, 09:41 | du chansch nid mit 2 stürmer spiele und hinde so solid spiele wie in dr erschte halbziit... goalie:benaglio aber ich würd in dr abwehr. eggimann, senderos, djourou,philipp dege lo spiele mittelfeld, inler, margairaz, fernandes,vonlanthen sturm: frei / streller denn chön si mithalte.. |
| jonesDo 7.2.08, 09:56 | aber verteidige isch jo au nid alles.. logisch isch es guet wenn sie stark verteidige aber wäg dem mien sie trotzdem au mol paar goal töpfe. a dr wm hend sie au guet verteidigt aber fast kei goal gmacht.. d effizienz vorne fählt mir eifach. |
| GuutiDo 7.2.08, 10:00 | also möcht auno kurz öbis zum spiel sage...i würd sage,im grosse und ganze eigentlich ordentlich gsi. benaglio sini ufgob voll erfüllt...är het zeigt,waser cha! abwehr stabil gsi,senderos mit eim patzer,ansonste würklich solid. mittelfäld defensiv hervorragend.gelson fernandes und inler optimali lösig. duetmr leid füre huggel,celestini und co.aber die beide sind nit nur zuekunft sondern au gegewart! gygax ganz schwach gsi,vonlanthen au nit das,wome vo ihm dörf erwarte.barnetta wie immer flissig. dr hakan cha sicher au me,undr n'kufo au enttüschig gsi.mi dunggts,är elei döt vorne gege sone mannschaft,do fählt öber.gege holland zwar guet gmacht,elei vorne,aber sit däm nüt me gross cho.hierarchie vode stürmer ganz klar hinde astoh. no öbis zum Chali2Na. du chasch sicher nit mit eggimann, senderos,djourou und degen hinde spiele! das sind drei inneverteidiger und eine ufem rächte flügel.chasch du mir sage,wär uf links willsch setze?sorry,das goht nit. döt hinde sind magnin und senderos gsetzt.mitti wird e duell zwüsche djourou/eggimann und uf rächts degen/lichtsteiner/behrami. chunnt druf ah,öb dr degen in dortmund wieder zum spiele chunnt! fazit: ordentlichi leistig,aber wiedermol gege e "grössere gegner" verlore 1 mal bearbeitet, zuletzt Do 7.2.08, 10:03 |
| LoopTroopRockersDo 7.2.08, 10:32 | stimmt.. aber dr djourou chönt au links use spiele.. aber do hesch recht.. und dr spycher isch geschter nid schlecht gsi.. het echt no ihneghaue..obwohl dr magnin uf guedem niveau chan nach vorne ebe scho vill risse.. |
| bijuelaDo 7.2.08, 11:18 | ha 5 min vom matsch gseh...und dä gelson fernandes.....top spieler! respect. gits eig. niemerz besser uf dene positione als e spycher odr e lichtsteiner?  |
| niseDo 7.2.08, 11:25 | Zitat: pulsen @pulsen: kei ahnig hesch!3:0 für ÄNGLÄNDER und dr Diego macht en super Flop    ich ha leider nur die zweiti halbziit und d'zämmefassig gseh! aber ich ha der match relativ guet gfunde, und wenn sich alli in arsch klemmt hätte und der frei ume gsi wär...hätts bestimmt zumene unentschiede oder sogar zumene sieg glängt...aber der behrami würd ich klar nid lo spiele. dä typ närvt mi irgendwie...usserdäm druggt die italiänische memmerei irgendwie amigs bitz duure...  der gelson isch ächt e maschine...  und zum benaglio, e super goalie! besser wärs nid gange und wenn är nid gsi wär hät d'schwiiz sicher 3 oder 4:1 kassiert! allerbeschti entscheidig vom köbi!! tschau coltorti und sowieso tschau zubi... benaglio isch eifach einigi levels höcher! dä dämlich thurnherr hätten ruhig chli me chönnte lobe, statt ständig übere rooney zschnure... |
| LoopTroopRockersDo 7.2.08, 11:33 | haha.. sf expertin nise  ich verreck! haha.. |
| bijuelaDo 7.2.08, 11:42 | übrigens... Spanie het gege Frankriich "la grande nation" 1:0 gwunne! ueeeeee das wird e kinderspiel an dere EM! |
| Braveheart1893Do 7.2.08, 11:54 | Owen het nit gspielt   |
| GuutiDo 7.2.08, 11:58 | Naja Djourou links usse,indr Mitti besser ufghobe. Und wenn dr Magnin in Form isch, denn isch är döt use gsetzt. Cha mich de meiste Comments vo vorhär aschliesse... Vor allem stimmt dr Satz vodr nise: wenn sich alli in arsch klemmt hätte und der frei ume gsi wär... es wär mehr möglich gsi! das fählt de schwizer eifach im verglich zu andere Natione. Die Abgeklärtheit und dr absoluti Wille zum Sieg. Aber wenn sies schlussändlich im Summer zeige, was Sie chönne, und dass Sie au gege Topteams gwünne, obwohl sie nur wenig Chance hänn...denn isch das do alles vergässe 1 mal bearbeitet, zuletzt Do 7.2.08, 11:59 |
| niseDo 7.2.08, 12:18 | @chali2na: hör ich do ironie! @bijuela: mir wüsse wär d'em gwünnt, gäll!? @guuti: jo voll, sie sötte no bitz me so wie der rooney sie...eifach uf jedä ball go... denn hän sie uf jede e chance an der EM...d'istellig in de chöpf muess eifach stimme!!! der finke het jo gseit: dütschland isch vor der wm au nid der hammer gsi, aber an der wm hän sie glich zimmli grisse... wär weiss, velicht gohts der schwiiz jo glich... bi jedefalls gspannt was sie am nägschte teschtspiel mache... |
| rule61Do 7.2.08, 12:44 | @nise finsch nid in dine sätz hets e chli z'viel *hätte mir" fakt isch dr diego het wirklich guet gspielt, dr gelson und dr inler au alli andere mittelmässig bis schwach ohni spielwitz und idee und wenn de glaubsch das dr Frei und dr Strelli bis zur EM wider top sind und das mir mit denn e sieg igfahre hätte denn würdisch di tüsche aber ich lo mi au do jo gärn überrasche |
| EvergreenTerraceDo 7.2.08, 13:20 | Ich find eigendlich, dass d Schwiz e gueti Leischdig zeigt het. S Problem isch halt mehrheitlich d Offensive gsi, vorallem in dr erschte Halbzit, Kufo elleige gege alli hät me chöne meine Ich denk eifach, dass er nid ins Team passt, in dr Holländische Liga ischer zwar top, aber bis jetzt hetter mi in dr Nati nie würkli chöne überzüge, er het irgendwie wie e Fremdkörper gwirkt... Dorum bini eigendlich dr Meinig, dass er nume no Stürmer N. 4 sött si und zwar hinterem Frei, Streller und em Derdiyok... S Defensive Mittelfeld isch eigendlich top gsi und d Verteidigung bis uf e paar Usnahme au... Barnetta het au e ordentlichs Spiel gmacht, dr Yakin dr gege eher nid... Benaglio wie me au het chöne erwarte mitere würkli guete Leischdig. Wär dr Frei und/oder dr Streller derbi gsi, häts evtl. au e Unentschiede oder sogar e Sieg für d Schwiz chöne gäh.. Ich persönlich fänd die Ufstellig für d Euro optimal: .................Benaglio.................. Degen/Lichtsteiner...Senderos...Djourou...Magnin .............Gelson Fernandes...Inler......... Vonlanthen............................Barnetta ...........Frei...........Streller............. 1 mal bearbeitet, zuletzt Do 7.2.08, 13:21 |
| thugzDo 7.2.08, 13:24 | Also ich find es ish e rächt blödes spiel gseh! |
| GuutiDo 7.2.08, 14:19 | also die ussag wieder, es isch e rächts blödes spiel gsi...was heisst das?dumm gloffe,zu wenig isatz...sorry wtf?!naja,lömmer das. am ChrigiShiva findi ufstellig fänd ich no rächt interessant, allerdings forg ich mi, öb dr gelson fernandes und inler viel fürs offensive spiel chönne mache. mir hänn zwar gueti flügel,über die muess viel cho...aber frogmi öb denn nit e zu grosses loch zwüsche mittelfäld und sturm isch. e "kreativs"elemänt bruchts döt ebbe villicht scho.. es isch sicher immer das "hätte mir" "mir chönnte" "eigentlich",no do...aber ich mein, eigentlich stömmer nit guet do. geschter hänn ebar wichtigi spieler gfählt, ebar sind erst vo verletzige zrugg cho. das isch so,punkt! öb denn d'schwiz fähig isch, ande em über sich usezwachse wird sich zeige,aber es isch nit unmöglich! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©