Festzeit.ch Forum » Politik / Religion » Initiative zur freien Schulwahl
| Autor | Beitrag 1 - 15 |
|---|---|
| StinsonMo 18.2.08, 22:01 | http://www.elternlobby.ch/deutsch/ D Website vo de initiante http://tages-anzeiger.ch/dyn/news/schweiz/810177.html und e Bricht drüber Was haltet ihr vo de freie Schuelwahl? Ich persönlich bi degege, wel das grundsätzlich dr Falschi wääg isch. Besser isch d Schuele vereinheitliche und ned d Privatschuele und d Staatsschuele ufenand hetze. Schlussändlich kunnts denn wie in Amerika use... |
| StinsonMo 18.2.08, 22:13 | ich bi kei studänt  Und di ussag isch Falsch: Du Finanziersch das ganze indäm de Stüüre zahlsch |
| steineachzgMo 18.2.08, 22:53 | Be grundsätzlich dinere Meinig. Find au, dass mr meh Energie druf sete verwände, dass mr mol ä einheitlichs Schuelsystem i de Schwiz anekriege, wo de moderne Bedürfnis vonere mobile Gsellschaft grächt wird. Statt no Gäld i Privatschuele (wo denn jo eigentlich "Halbprivatschuele" wäre) iezbuttere, verwendet meh lieber meh finanzielli Mittel, um de Unterricht a de Volksschule z'verbessere und z'modernisiere (Blockstunde, Mittagstisch usw.) |
| MMVBlerDi 19.2.08, 07:33 | Gsehni au eso. Das bruchts nid! |
| StinsonSo 12.10.08, 19:44 | Also Ich ha dä Thread vor eme Ziitli ufgmacht und jetzt isch es so wiit, am 30.Novämber stimmt s Baselbieter Stimmvolk über die Initiative ab! www.privatschulinitiative-nein.ch --> D Gegner Website (Bitte dureläse, sehr schlagfertigi Argumänt) http://privatschulinitiative-nein.ch/die-initiative/das-argumentarium/ --> wär z fuul zum sueche isch Was isch euri Stelligsnahm dezue? 3 mal bearbeitet, zuletzt So 12.10.08, 19:46 |
| proiureDi 14.10.08, 10:48 | absolut drgege! eltere wo ihri kinder an privatschuelene schicke wänn, die sölle das zu 100% sälber zahle..die offeni-hand-mentalität isch efach zum kotze lieber drfür sorge, dass dr unterricht und s niveau an allne öffentliche schuele besser wird |
| rattziDi 14.10.08, 11:01 | so ä initiative ka jo wohl nid ernscht gmeint sie.... ich bi für d abschaffig vo privat schuele und ere reformation vo de staatliche schuele. klasse ufteilig noch lehrnstuffe. |
| finelineDi 14.10.08, 11:13 | Bini au dr Meinig. Unseri öffendliche Schuele sind scho sehr guet (also wasi do im ussland alles gse ha...) Und die wo so versnobbt sind und finde dass si ihri kids in e Privatschuel stecke miend sölle das gfälligst sälber finanziere. |
| mondkindDi 14.10.08, 12:31 | Zitat: WhyIsTheSkyBlue Naja ich finde me sött die kantonale Schuele aglyche und d Privatschuele Privatschuele sy lo.Ich persönlich bi degege, wel das grundsätzlich dr Falschi wääg isch. Besser isch d Schuele vereinheitliche und ned d Privatschuele und d Staatsschuele ufenand hetze. Schlussändlich kunnts denn wie in Amerika use... Es mues au Alternative ge, z.B. die internationale Schuele. Vorallem in Basel mit dr grosse Gmeind vo Änglischspröchige isch das grächtfertig, die Familiene blybe nit unbedingt für immer do und miend ihri Kinder im bisherige System halte könne. Sunscht triffts nur die falsche, nämlig d Kids wo in Rueh lehre miend ohni stressige Systemwächsel. Das het nüt mit "versnobbt" z due. Usser s Lyceum in Zuoz, ok |
| CanYouHearMeDi 14.10.08, 12:44 | Zitat: rattzi Bi au drgege, dass die öffentlichi Hand d Privatschuele völlig finanziert. so ä initiative ka jo wohl nid ernscht gmeint sie.... ich bi für d abschaffig vo privat schuele und ere reformation vo de staatliche schuele. klasse ufteilig noch lehrnstuffe. Aber si abschaffe findi au falsch, denn es gits lüt/kinder, wo inere staatliche Schuel eifach völlig falsch ufghoobe sin, au wenn me ebbe die staatl. schuel and niveaus apasst, bsp für 1 "superbrain" machsch nid e extra lehrstuefe. Ok, är/si wird näbeby vlt no gförderet, aber das isch eigentligg zwenig. denn lieber e Privatschuel mit nur 10 bis 15 Schieler, wo me uf dä ka igo, wo är d schuel in sim eigene Tempo mache ka und je nach däm d matur shco mit 15 oder 16 ka mache. Genau sotigi Lüt sölle aber nid d Privatschuele zu 100% sälber finanziere, sondern Hilf becho. Well das Kind ka wohl nid vyl drfür, dass es sho gschyd isch. (es superbrain isch numm ei Bsp, es git no anderi) für alli die, wo eifach finde, si sige was bessers, ok, die solle sälber zahle, zu 100%! cheers |
| JokemanMi 15.10.08, 23:56 | ich bi ebefalls drgege. einersyts mues ich klar sage, dass me abr nid eifach d finanzierig vo privatschuele völlig ufd eltere abschiebe söll. es git (wie im bytrag vor mir erwähnt) usnahme, woni mein, do söll dr staat bzw. dr kanton mitfinanziere. das allerdings mues bi jedem fall differenziert agluegt wärde und me mues prüefe was s beschte für dä schüeler isch. woni abr absolut drgege bi isch, dass mir lüt sölle mitfinanziere wo us irgendwelche (odr sogar gar keine) gründ e extrawurscht bruuche. die lüt sölle das gäld sälbr uffbringe, wenn si das unbedingt wänn. fazit: d staatsschuel isch im momänt nonig so vercho wie bispilswys in amerika... und das söll au so bliibe. e harmonisierig, wie si vom volk beschlosse worde isch und in de nögschte joor söll umgsetzt wärde, isch im grund gno die beschti idee. abr was ich nid kah verstoh isch, wurum dr kanton baselland, wo eins vo de beschte schuelsystem in dr schwiz het, söll s zürcher schuelsystem übrnäh (odr zumindescht grossi teil drvo). ich weiss nid wurum me sich nid söll am beschte schuelsystem, odr zumindescht amene guete kompromiss orientiere. das schuelsystem wo do agno worde isch, und do bini übrzügt drvo, isch schlächter als s aktuelle im baselland und wird drum mittel- bis längerfrischtig zunere niveausänkig fiere. ich hoff das d politik das no frieh gnueg merkt und e paar sache ind dere harmonisierig vilicht nomol cha übrdänke. 2 mal bearbeitet, zuletzt Fr 17.10.08, 18:53 |
| FirefoxyMo 1.12.08, 09:32 | http://www.20min.ch/news/basel/story/12662761 Hahaha Fett ins Gsicht  mit 80 % verworfe, do lacht me jo normalerwiis nüm  «Die Bevölkerung möchte keine Experimente an der Volksschule», sagt der Baselbieter Bildungsdirektor Urs Wüthrich. Genau! Trotz der klaren Niederlage denkt die Präsidentin der Elternlobby nicht ans Aufhören. Es brauche immer mehrere Anläufe, und jetzt sei das Thema enttabuisiert. Hör doch uf man... das isch wie dr Verglich wo si die ganz ziit mache... Für Frauestimmrächt hets au mehereri aaläuf brucht und schlussändlich hets klappt... s gliche müesst me au bi de Freie schuelwahl sage könne Idiote |
| finelineMo 1.12.08, 09:35 | D'lütt wo s'gfühl händ die Staatlichi schuel sig nid gnueg guet für Ihri kinder sölle au defür zahle, dass d'Kinder in e "Besseri" (meistens nur türeri) Schuel chönned. Unseri Staatliche Schuele sind Tiptop. Unmotivierti lehrer findet me überall. |
| holysmokeMo 1.12.08, 09:44 | s het halt eher demit z due gha das nit alli kinder gliich sin, lernschwächene, anderi intelligenz usw... e geziehlteri förderig isch in öffentliche schuele nit möglich, vor allem wemme sich nit zu de spitzeritter zelle ka. bi mir isch e privatschuel au zur diskussion gstande (isch so zimmlech alles schief gloffe was mini schuelziit betrifft ^^) - isch denn aber halt am finanzielle gschitteret. aber i weiss bis jetz noni öbi nit sogar sell froh sii drüber, isch hart gse, aber i seh demit d wält halt au kli anderst, als vieli vo de andere - und do bin froh drüber. 1 mal bearbeitet, zuletzt Mo 1.12.08, 09:49 |
| NobelpreisträgerMo 1.12.08, 09:44 | Zitat: fineline Genau ! Das isches ! D'lütt wo s'gfühl händ die Staatlichi schuel sig nid gnueg guet für Ihri kinder sölle au defür zahle, dass d'Kinder in e "Besseri" (meistens nur türeri) Schuel chönned. Unseri Staatliche Schuele sind Tiptop. Unmotivierti lehrer findet me überall. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©