Festzeit.ch Forum » Parties » Gschlosseni oder umbenennti Clubs in Basel ! ?
| Autor | Beitrag 1 - 15 |
|---|---|
| CBMSo 30.4.06, 17:12 | Hallo zämme, würd mi mol interessiere wie d Basler Clubszene vor so 10-20 Johr usgseh het ? Hets die Clubs vomr jetzt händ scho gä ? Wie händ si gheisse ? Was hets gä, wos hüt nüm git ? Wär weiss do drüber was ? D Kupple gits jo schins sit 1986 het aber dört glaub andersch gheisse, und isch nöime anders gstande...   |
| GodSpeedPhotographySo 30.4.06, 17:21 | s soca isch 1957 gründet worde und isch eis vo de erste jugendhüser gsi. |
| PiaSo 30.4.06, 18:53 | babalabar..gits jetzt au nöm  |
| LucccaSo 30.4.06, 19:17 | @Pia Babalabar gits nüm ? Sit wenn, wiso ? Ha gar nüt mitbecho? S Madmax git sit ca. 1995-1997 sovil ich weiss. Atlantis isch au scho rächt alt.Das isch zäme miteme andere Restaurant/Bar "Tropic" inde 80er cho, s Tropic gits aber scho lang nüm... |
| nonameSo 30.4.06, 19:37 | wils nit fürsicher gsi isch und es denkmalgschüzts hus isch d.h. si dörfe kei professionelli notusgang mache. d bar gits glaubs no.. das sind d infos wo i mitbecho ha.. fals es nit stimmt bitti um entschuldigung..  |
| PiaSo 30.4.06, 19:41 | @Senator87: öh sit e paar wuche glaubs. däre wo das lokal ghört het, die möcht tüüri eigetumswohnige drus mache - anschiinend würd das meh rendiere  1 mal bearbeitet, zuletzt So 30.4.06, 19:41 |
| nonameSo 30.4.06, 19:47 | @pia... ja aber das isch ja nit dr hauptgrund.. de isch doch glaubs d sicherheit gsi oder bi i do falsch informiert? |
| PiaSo 30.4.06, 19:48 | @noname: hm..wäiss gar nüt wäge dr sichrheit. ha ebe nur ghört im radio dass die frau drus möcht wohnige mache wells denn me rendiert..abr ka natürlich scho sii wäge dr sichrhäit.. |
| immaSo 30.4.06, 20:26 | @pia und noname: die wo d babalabar gführt hän hän se scho welle witerfüehre, wäg dr sicherheit het d babalabar jo mol vor emne joor odr so miese schliesse, denn händ si se umbaut und wieder göffnet, jetzt isch s wäg dr huusbsitzerin gsi dass si händ miese schliesse... schad um e gmiedlige club... |
| rutschläMo 1.5.06, 11:39 | also mis mam isch scho id kupple gang i ihre jugend..und si isch jetz 51...also rächnet mol zrugg...guet, chunt drufa, wiä lang si sich jung gfühlt het, wenns mit 30ig no gsi isch..hehe.. nei, abr mit 1986 ben ich ufd wält cho, döt isch si 31ig gsi.und sicher nüm id kupple  well mini sista het si mit 28ig becho....kupple muesses scho länger gä...glaubi...weiss doch au nöd...es isch 1.mai....früeh am morge...chum nüm drus...egal |
| RadioaktivesKindMo 1.5.06, 12:11 | Die alti Sückfärberei uff em Stücki Areal wo in dr friehe 90ger ziemlich derbi Techno Partys abgange sind, oder au s Utopia isch mol toll gsi aber ab 2001 ischs immer wie schlechter worde. |
| CBMMo 1.5.06, 15:54 | Jä also zur Kupple wenni das richtig verstande ha (Homepage) isch d Kupple 1986 als "Spielturm" im Schützemattpark" ufbaut worde. Am jetztige Standort isches (has nur überfloge) glaub erst sit 1994. S Gambrinus isch jo au edel gsi 1906-2006... |
| KleinsDingMo 1.5.06, 16:13 | Taunus wennis richtig verstande ha, denne git s Gambi no, eifach halt nümme am alte standort. |
| CBMMi 3.5.06, 16:58 | Weiss sunscht no öpper was ? Vorallem die "ältere" unter uns sind agsproche... |
| immaMi 3.5.06, 19:03 | aso mini mueter het zwar mol verzellt dass s gambi zwüschezitlich mol gschlosse gha het, und denn isch es unterem gliche name wieder ufgange... s neue gambi isch jetzt dört wo früener dr schnabel (glaub!) gsi isch... bi mr aber nid sicher... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©