Festzeit.ch Forum » Sonstiges » Islamisierung Europas
| Autor | Beitrag 31 - 45 |
|---|---|
| TiiiTiiiSa 6.5.06, 17:29 | jo aber durch söttigi wie du ( nid beleidigend gmeint  ) wo so vorurteil händ, wird d integration zimli schwierig... und vilicht vergissisch das nid alli usländer erst jetzt do igwanderet sind unds damals noni all die agebot gha het... und wenn sind sie zimli tür gsi, vo däm här het mes sich au nid unbedingt chönne leiste |
| imperatorSa 6.5.06, 17:30 | @sMii: europa het nix mit em islam z tue!!! zum glück het mä d osmane (die hütigä türkä) könnä vor dä tore wiens zruggtriebä!! au dank em polnische könig!! d araber hän au mol fast halb spanie ignoh und denn het mä sie au könnä vertriebä!! suscht wäre mir hüt wirklich muslimisch!! aber sag bitte nit, dass europa vill mit em islam z tue het! klar briite hän bispilswies dr irak iran au als kolonie gha (persie)... aber wägä däm hän die jo au nit vill mit em chrischtetum z tue... istambul het au lang zum byzantinischä reich ghört (konstantinopel) und isch nit muslimisch gsi!! 2 mal bearbeitet, zuletzt Sa 6.5.06, 17:33 |
| PetitJackBauerSa 6.5.06, 17:30 | @threaderöffner: Yes SVP Kampagne si scho dr Hammer, gäll 2050 144% Muslime ir Schwiz^^ Tschöös weisch werum, dasses halt me Muslime git? Wel d Lüüt in de Arabische Staate me Chinder mache, als mir do in Europa... Ohni d Usländer hätte mir ir Schwiiz en unterdurchschnittlichi Geburterate, d.h. en demografischi Entwicklig, Bevölkerig wär überaltert. Aber ebe wot do eigentli nid e Diskussion starte, wägä Usländer ir Schwiiz und so... Wägä Banlieukrawall: Das het nüt mit ihrer Religion z tue, die Junge Usländer dört hei eifach 0 Perspektive i däm Staat wos 2 Schuelsystem git (eis wod eifach dr King bisch, bim andere bisch verlore) Die hei sich eigentli zu rächt gwehrt, eifach d Gwalt hät nid miese si, itz wärdä si wenigschtens ärnscht gno... Wägä Religione Allg. : Irgendöper het erwähnt, dr Islam ligt zrugg. Stimmt vollkomme. Die Religion isch eifach jünger als Christetum und het die Phase, wos Christetum mit ihren Chrüzzüg etc. vor es paar 100 Johr gha het, halt hüt. Natürli i hass die Scheiss Fanatiker, s isch ebis vom schlimmschte wos git und ohni Relgione gäbs die au nid, aber Detail... Me chönt au d Bible nä und völlig so uslege, dass me au so Aschläg chönt mache etc. do es paar Bispil: Ihr werdet von Kriegen hören und Nachrichten über Kriege werden euch beunruhigen. Gebt acht, lasst euch nicht erschrecken! Dass muss geschehen. (Jesus - Mt 24, 6) Ich verfolge meine Feinde und hole sie ein, ich kehre nicht um bis sie vernichtet sind. Ich schlage sie nieder, sie können sich nicht mehr erheben, sie fallen und liegen unter meinen Füßen. Du hast mich zum Kampf mit Kraft umgürtet, hast alle in die Knie gezwungen, ich konnte die vernichten, die mich hassen. Sie schreien, doch hilft ihnen niemand, sie schreien zum Herrn, doch er gibt keine Antwort. Ich zermalme sie zu Staub vor dem Wind, schütte sie auf die Strasse wir Unrat. (Psalm 18, 38 - Ein Danklied des Königs für Rettung und Sieg) S git no zig anderi so Bispil... @duesi: Also das mit dr Chanceglicheit hesch nid ärnscht gmeint odr? Z.B. mi Mueter het in d Portugal d Matur gmacht, ir Schwiiz het sie mit Müeh und Not e Job imne Kaffi gfunge (und jo sie het sich beworbe und zwar verdammt viel...) Werum dänksch, wird in Gänf es Projekt igführt, dass me binere Bewärbig nüm dr Name muess agä? Wel d Lüüt mit -ic am Schluss völlig benochteiligt wärdä... |
| TiiiTiiiSa 6.5.06, 17:35 | das projekt isch eifach e voll tolli idee gsi... will es isch ächt so! wenn en usländische name hesch, egal wie guet de usbildet bisch, wirdsch zimli diräkt abglehnt! |
| asdfwsdfwfSa 6.5.06, 17:35 | I hät kei Problem öber mit -ic azstelle, wener d Leistig bringt und perfekt Dütsch cha. Die meiste chöne nit Dütsch das ischs Problem. Wenn mi Vater amigs vrzellt was er für Bewerbige bechunt den chunt drs chotze... I weiss jo nit wies Schuelsystem in Portugal isch. Abr dini Muetter hät mitere Zuesatzpriefig locker a jedere Universität chöne go studiere do bini sicher. Süscht gäbs jo keini usländische Studente a Schwizer Unis... Abr mol ä Grundsatzfrog: Wiso nämet dir alli die radikali Islamiste in Schutz und hacket uf dr Bible ume, obwohl dr genau wüsset das sich praktisch niemer uf d Bible berueft und scho gar nti bi Terrorakt? |
| imperatorSa 6.5.06, 17:37 | @illuminator: das het e cambridgeprofessor in dr wältwuchä gseit!! und das gilt für ganz europa, nit nur für d schwiiz! meinsch ich red vo dr schwiiz |
| TiiiTiiiSa 6.5.06, 17:38 | es isch eifach so, dass wege dene paar extremiste alli moslems so schlächt gmacht wärde... mir christe chönne jo au nüt drfür wenn irgend en andere christ scheisse baut! |
| asdfwsdfwfSa 6.5.06, 17:39 | Abr mir rede jo do vode Extremiste und vo dene wo sich nit wei apasse... Konzentriert euch mol uf die und höret uf euche ewig Lobgsang uf d Usländer afo singe... |
| asdfwsdfwfSa 6.5.06, 17:40 | Abr mir rede jo do vode Extremiste und vo dene wo sich nit wei apasse... Konzentriert euch mol uf die und höret uf euche ewig Lobgsang uf d Usländer afo singe... |
| TiiiTiiiSa 6.5.06, 17:42 | dr unterschied isch eifach, dass bi gwalttätige christe s ganze nid ufe glaube sondern uf d person bezoge wird aber bi moslems wo gwalttätig sind wirds grad ufe glaube bezoge! |
| imperatorSa 6.5.06, 17:43 | ok mir redä vo dä fanatiker... aber was isch wenn sich die apasste muslimä in europä denn au vo dr prediger mitrissä lön?? das isch e bedrohlichi mitläufermasse, wo immer grösser wird. wenns europa in 20 joor wirtschaftlich schlächer goht (china wird sowieso d wältmacht), denn wirds usschritigä gä zwischä iiheimischä und moslems in europa. und denn isch dr islamisch bevölkerigsalteil au scho vill grösser. das wird sich, minere asicht noch, nit verhindärä loh |
| TiiiTiiiSa 6.5.06, 17:45 | wie chunsch druf das das e bedrohlichi mitläufermasse isch? |
| imperatorSa 6.5.06, 17:46 | sie könnt bedrohlich wärdä, wenn sie immer mehr vo fanatiker in bann zoge wird und do sie villfach abgschottet läbt.... |
| EdHardySa 6.5.06, 17:47 | ok, wemmes ganz nüchtern aluegt mues meh halt shco gseh, dass sich praktisch keini (christliche) terroriste uf d bible beruefe..also terror mit beruefig uf e religion gits ehner bim islam...das kasch efach nit verleugne |
| TiiiTiiiSa 6.5.06, 17:49 | das chani scho nid verleugne, aber das möche jo au die extremischte und die wötti sicher nid verteidige! die tüents eifach mitem glaube "begründe". i ha nur es problem drmit wenn denn grad alli wo dr glich glaube händ in glich topf gworfe wärde. 1 mal bearbeitet, zuletzt Sa 6.5.06, 17:49 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©