Festzeit.ch Forum » Sonstiges » Islamisierung Europas
| Autor | Beitrag 61 - 75 |
|---|---|
| asdfwsdfwfSo 7.5.06, 13:07 | I hoff es wird witerhin jedere Firma selber überlo, nach wellne Kriterie si ihri Mitarbeiter wot astelle. |
| immaSo 7.5.06, 15:35 | jo aber anderersits isch es hueredumm wenn du eigentlich mega guet qualifiziert bisch für en job und nur wägem name nid emol zumne vorstelligsgspröch iglade wirsch... me cha jo au no nach em vorstelligsgspröch e absag gä... aber so händ die lüt wenigschtens e biz me chance! |
| EdHardySo 7.5.06, 16:12 | jo es kah dr scho niemerts a absag gäh mit dr begründig dass du jetzt e name hesch wo mit -ic ufhört oder well em dini hutfarb oder was au immer nit passt..das würdi nämlig unter e persönlichkeitsverletzig lut Art. 28 ZGB falle ..nur s problem isch efach, bewies öbberem mol, dass er di mit ere rassediskiminierende begründig abglähnt het..chance = null andrersits ghört d privatautonomie jetzt halt efach mol zu de grundpfieler vo unserer privatrechtsordnig und dorum mues es au jedem gschäftsführer überloh si wer er jetzt istellt..(solang er d abwiesig nit diskriminierend begründet..das mues er jo aber au nit wells jo tusigi vo floskle git wieme öbberem absage kah  ) |
| immaSo 7.5.06, 16:15 | ich dänk eifach es ka hälfe d vorurteil e biz z begrabe wenn me vorher nid weiss dass e person e -ic am änd vom name het und trotzdäm super qualifiziert isch... |
| asdfwsdfwfSo 7.5.06, 16:23 | I glaub s Problem isch nit dr Name ällei. Wen eine super qualifiziert isch und ä suberi Bewerbig (ohni Rechtschribefehler, chli miteme schöne Layout, nit so Standardmässig) schickt, den wird dä sicher iglade zumene Bewerbigsgspröch. Aber wens halt imene Bewerbigsschribe scho Rechtschribefehler het... Du weisch jo wievil sich hützutags füre Job bewerbe... |
| visionarySo 7.5.06, 16:33 | Bewärbigsschriibe ohni Name??? Cool! Und denne söll das über e Treuhandgsellschaft laufe wo Näme und Bewärbige verwaltet oder wie? Die Firma muess jo irgendwie chönne am Beträffende antworte. Das isch genau so gschickt wie e Benissimo-Lösli anonym i z schicke. |
| PetitJackBauerSo 7.5.06, 16:58 | Wär doch e Idee odr? E Firma wo das ganze organisiert. Würd au no es paar zuesätzlichi Arbeitsstelle schaffe. Und Integration würdi drmit au gfördert. |
| RadioaktivesKindSo 7.5.06, 17:00 | Stimmt scho und wieso sött ich eim antworte wo nid dr muet sin Name in dr Bewerbig azgäh? |
| PetitJackBauerSo 7.5.06, 17:03 | Öh s got nid um Muet odr so, sondern dass das es neus Gsetz söt wärdä. Odr was meinsch genau, ha di Frog nid verstande?! |
| KleinsDingSo 7.5.06, 17:08 | Isch doch gliich was füre Name me het. Es git au Lüüt wo us 2 Generation do sind und immer no dä "Usländischi" Name händ. Ich bi so e Fall. |
| asdfwsdfwfSo 7.5.06, 17:18 | I säg jo dr Name spilt kei Rolle (vgl. mi Post vo obdra) Es wird eifach gseit wen öber mit somene Name ä Ablehnig bechunt jo das isch nur wegem Name... Isch au sone Vrallgemeinerig wo nit stimmt. Und das das als Gsetz chunt hoffi nit. Und wer set die Firma zahle wo das organisiert? Und wer macht dä ganz bürokratischi Ufwand? |
| visionarySo 7.5.06, 17:22 | Apropos: Namensänderige koschte ca. 500 Franke. Das liegt sogar mit Arbetslosegäld no dinne. Me cha' s jo nomol als Hakan Burckhardt probiere, aber ich glaub nit, dass das meh bringt. Wär die Firma söll zahle? Äntwäder d Firma, denne isch si voll verarscht, wenn sich viel bewärbe. Oder dr potentielli Arbetnähmer, wo sich in Schulde stürzt, wenn er denn oft kei Stell bechunnt. Oder natürlich über d Stüre, genial! Ich wandere lieber us als so Stüre z zahle.  1 mal bearbeitet, zuletzt So 7.5.06, 17:25 |
| PetitJackBauerSo 7.5.06, 18:45 | Yeah isch also jede Usländer zwunge si Name z ändere wenner id Schwiiz chunt flott... @duesi: Für d Integration isch normalerwiis dr Bund zueständig. Chly Armeeusgabe (aka keini Kampfflugzüg me chaufe) chürze und scho heimr s Problem glöst. |
| asdfwsdfwfSo 7.5.06, 18:49 | Falsch. Für d Integration isch dr Bund UND die betroffene Usländer zueständig. Mi dunkts dir ewartet das immer nur gä wird... PS: aka heisst also known as und nit zum Bispil  |
| PetitJackBauerSo 7.5.06, 19:07 | I mein itz vom physische (Gäld) und nid vom psychische (Bereitschaft) und natürli bruchts beides... naja me cha wörter uslege wie me wot, wie au dr koran, aber hesch dr sinn jo verstande odr? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©