Festzeit.ch Forum » Sonstiges » Beim Leben meiner Schwester
| Autor | Beitrag 1 - 15 |
|---|---|
| IdokMo 31.3.08, 15:01 | Beim Leben meiner Schweister. Das isch e sehr interessants und spannends Buche. D goht drum das Eltere e Tochter bechömme und die mit 5 Johr totkrank wird. Ihri einzigi Rettig sinn Knochemarkspände. Also lönn d Eltere in ihrere Verzwiflig e Embryo "härstelle" wo genau die Aforderige für d Schwester erfüllt. Das andere Kind wird denne uf d Wält brocht. Mi würds moll interessiere was ihr do derzue meinet (villciht het das Buech au irgendöppert scho gläse), würdet ihr e Kind eigentlic nur behco damit me s andere cha rette. Und däm Kind denne au no "extra" Schmärze zuefüege und Operatione mache loh obwohls eigentlich Gsund isch, nur zums andere rette? |
| YelinaMo 31.3.08, 15:03 | Schwierigi Frag, weiss ned, ob das öper überhaupt cha säge, wo nid i dere Situtation isch.  |
| labdancerMo 31.3.08, 15:08 | weiss nid was ich vo däm söll halte, es gsunds kind becho und das nur als "ersatzteillager" azluege find ich zimli härzlos und ich persönlich würds glaub nid fertig becho... |
| SpacecowboyMo 31.3.08, 15:09 | Hm, ganz schwierig.... Im Grund wird denn e Mensch "züchtet", däm sini einzigi Läbensberächtigung do drin bestoht, als Ersatzteillager für d totkrank Schwester härzhalte. Darum wär natürli au interessant z wüsse, was nachher passiert. 1 mal bearbeitet, zuletzt Mo 31.3.08, 15:33 |
| YelinaMo 31.3.08, 15:11 | ähnlich ischs ja im Film "the island", find eigendlich, dass jedes Individuum s'Recht hed uf es normals Lebe. Wenn s'ältere Kind krank wird, denn ischs so, das so chrampfhaft welle am Lebe erhalte, chas au nid si. |
| IdokMo 31.3.08, 15:15 | Jo im Buech verkalgt sie denn ihri Eltere. Aslo wärs interessiert, s Buech isch meh als läsenswärt, has in eim Tag dure ka. Und au ghült an mängne Stelle, wills eifach so geil gschribe isch. Aso ich glaub nid das ic hso öppis chönnt, ich mein jedi Operation isch denne au fürs Gsunde Kind schmärzhaft und ich chönnt glaub nid mim eigene Kind so öppis adue. |
| GodSpeedPhotographyMo 31.3.08, 15:48 | in de soap gzsz isch das jo aumol de fall gsi. sisch glaub sogar verbote oder so ähnlich. i finds nid schlimm. schlimmer würdi finde, weme skind eifach würd lo sterbe. i mein "sersatzteillager - so wie ihrs aluege) wird so chli dases das gar nid mitbechunt. abgseh devo isches jo ebe kei ersatzteillager sondern drettig für sandere chind, usserdem heisst jo nid dasme sandere nacher nid dörf liebe |
| IdokMo 31.3.08, 15:49 | Jo nei in dr Gschicht isch das Meitli 11. Also sie bechunnts scho mit was mit ihre gmacht wird und alles.... |
| GodSpeedPhotographyMo 31.3.08, 15:50 | Zitat: coffeeGirl aber sandere chind sterbe loh chönntsch? Aso ich glaub nid das ic hso öppis chönnt, ich mein jedi Operation isch denne au fürs Gsunde Kind schmärzhaft und ich chönnt glaub nid mim eigene Kind so öppis adue. |
| GodSpeedPhotographyMo 31.3.08, 15:51 | jo skranke chind isch elf, aber szüchtete chind wird nimi ah frueh operiert |
| IdokMo 31.3.08, 15:53 | Stärbe loh dönt verdammt hart. Und ich dänk s chunnt au immer druff ah wie dr Zuestand vom Kind isch und iwe gross d Hoffnig dases widder e normals Läbe wird ha. Wenns das het ok, aber wenns imemr widder so Sache brüchti und knapp am Tod verbi rutscht, isches denne nid me nur no e "am Läbe halte", |
| J4LMo 31.3.08, 15:54 | zimmli schwer... S`erschte kind kkennsch scho sit 5 joor... und szweite kriegt eigentli so gseh ga nüt mit... Ich würds glaub mache  Dönt krass aber icch dänk d`beziehig zum erschte kind wird stärker sie ... |
| YelinaMo 31.3.08, 15:54 | Ich würd wohl eher uf en externe passende Spender hoffe. |
| GodSpeedPhotographyMo 31.3.08, 15:57 | Zitat: Yelina i glaub das würd jede zerst mache.... aber wenn dchance chli isch versuechsch halt anderi sache zum schind retteIch würd wohl eher uf en externe passende Spender hoffe. |
| YelinaMo 31.3.08, 16:00 | ja klar, aber wirkli eis chind nur us dem grund "mache", damit mer s'andere cha rette? isch für mich nid ganz stimmig, isch ja beides mis fleisch und bluet. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©