Festzeit.ch Forum » Politik / Religion » Hochdütsch im Kindergarte?
| Autor | Beitrag 16 - 30 |
|---|---|
| pr0xlmusDo 1.5.08, 16:44 | Ich cha dr Natalie nur rächt gäh. Solangs nit erzwunge wird im Kindsgi Hochdütsch redä, isch es voll ok. Das dr Kindsgilehrer Hochdütsch redet isch jo easy. Es chunnt de Kinder wirklich nur guet für spöter. Und mit 4i ghört me wirklich erst in d´Spielgruppe und nonig in Kindsgi. |
| undprofillöscheDo 1.5.08, 16:48 | Naja also für d Kindsgilehrperson isches au nid soooo easy in d Standartsproch zrede d Kinder lerne glaub je nach Lehrperson ganz e luschtigs Hochdütsch.. vorallem wenn d Lehrerin seit: "Ihr dürft nicht bescheissen!" anstatt "moggeln"  |
| NilsBaselDo 1.5.08, 17:51 | glaub jede weiss was du meinsch  Die Dütsche meine jo oft, dass mir gar nit versueche Hochdütsch z'rede sondern, dass mir Schwizer eso rede |
| pr0xlmusDo 1.5.08, 18:10 | Jo ok, es isch wirklich nit liecht au die richtige Usdrück zfinde. Zumal jo die kleine no oft die dütsche Usdrück nit wirklich verstönd. |
| philishappyDo 1.5.08, 20:33 | Zitat: MrDust ich find hochdütsch in schwizer schuele sowieso en scheisse... ich mein, mundart isch d sproch wo mir rede!in china het me dr unterricht au nid uff dütsch! vo däm här... Zitat: Natalie1983 So jetz chunnt no mini Meinig dzue: Also d Kinder sälber mien im Kindergarte nid in d Standartsproch rede, das muess nur d Lehrperson, damit d Kinder sich an d Standartsproch gwöhne.. Im wittere rede die Kleine ame in Rollespiel freiwillig in d Standartsproch, do das für sie d "Fernsehsproch" isch und sie das toll finde... Fürs schriebe spöter wirds d Kinder sicher au guet tue, wüll s isch halt eso,dass mr in d Schuel Ufsätz nid uf Mundart dörf schriebe und au vieli Schwizzerkinder hän extrem müeh im Dütsch, vo däm här wird das ihne sicher nid schade und s Schwizzerdütsch wird sicher au nid verlohre go, do d Kinder däheim jo Schwizzerdütsch rede (sofern das ihri Muettersproch isch). Kinder mit 4in d Kindergarte zschicke find i voll drnäbe! Für die 4jährige gits z Spielgruppe, die schloofe jo i, wenn sie 4Stunde im Kindergarte si mien..do hän die 5jährige scho extremi Problem. Vorallem bi i d Meinig d Kinder sötte au no emol Kinder si dörfe, bivor mir Lehrpersone sie quäle;-o @Kleopatra: glaub dasmitem Baseldütsch, i glaub das liegt nid am Kindergarte sondern eifach an d Iwohner vo Basel also hochdütsch spöter in dr schuel z'rede isch scho guet, in china gits jo au s'hochchinesisch. well ebe au wäg de ufsätz und eifach süscht s'lektion, das findi ok, aber d'muettersproch muess meh eifach am beschte könne, das sött fackt si und ich find, meh sötts immer no meh könne als s'baslerdütsch und das isch scho rächt, dass sies halt amigs vom färnsehluge abnähme, aber das heisst no lang nit, dass sie das so frieh in dr schuel miend mache, sälbscht weme sie nume wött dra gwöhne... |
| undprofillöscheDo 1.5.08, 23:28 | Hmm whereistheguineapig du gsehsch das chli falsch..d Kinder in däm Alter, die mache das gärn und höre das au gärn, die hän absolut kei Problem drmit..und wenn d Kinder das gärn mache, denn lerne sie das au am Beste.. im KG und in d Unterstuefe isches no ganz egal wie d Kinder ihres Hochdütsch "klingt"..die finde das toll und s macht au nüt wenn sie e Schwizzer-Hochdütsch-Gmisch rede.. Wenn d Kinder no nie d Standartsproch ghört hän (gits zwar bi d hütige Fernseh-Kinder fascht nüm), aber wie sötte sie denn in d 1.Klass e Satz schriebe chönne, wenn sie nidemol d Standartsproch kenne..het au sehr viel mit Rechtschriebig und Satzstellig ztue... Für die Kinder isches kei MÜSSE Standartsproch rede sondern es macht ihne Spass (ich red übrigens us Erfahrig, ich bi KG- und UST-Lehrperson und ha sit drei Joor tagtäglich mit d Kidis ztue ) |
| holysmokeFr 2.5.08, 10:01 | i han eifach chli angst um unseri identität... sunst hani nüt dergege. i finds schad wenn öpper seit "i gang go arbeite" oder "atem" oder was au immer mr hän doch so schööni schwiizerdütschi konstellatione zum genau s gliche chönne uszrucke... und ebbe, das gits jetz scho, will nit wüsse wies denn isch wennsi nur no dehei normal dörfe rede... und für chinder wo d eltere fremdsproche rede wirds grat dopplet schwer wennsi nur hochdütsch (resp neu "standarddeutsch" ) dörfe rede, wiä selle diä schwiizerdütsch lerne? //bäh, schei** smilys 2 mal bearbeitet, zuletzt Fr 2.5.08, 10:11 |
| undprofillöscheFr 2.5.08, 10:18 | Hey easy, du hesch jo au Schwizzerdütsch glernt und hesch in d Schuelau Standartsproch miesse rede.. unter d Gspännli rede d Kinder jo glich Schwizzerdütsch und in d Freiziit.. ob sie jetz no 2Joor friehner im KG d Lehrerin ghöre Hochdütsch rede oder Schwizzerdütsch uf das chunnts wirggli nid druf a, sie verlerne so sicher nid s Schwizzerdütsch sondern lerne so eifach no besser d Sandartsproch Und für die Fremdsprochige Kinder isch das viel besser, damit sie überhaupt Dütsch lerne...(und do gts au Untersuechige drzue, im übrige bi ich d Meinig hauptsach sie lerne Dütsch, egal ob Schwizzerdütsch oder suscht e Dütsch) |
| holysmokeFr 2.5.08, 10:20 | Zitat: Natalie1983 gits do scho studiä dezue? aso ussagekräftigi ob sie jetz no 2Joor friehner im KG d Lehrerin ghöre Hochdütsch rede oder Schwizzerdütsch uf das chunnts wirggli nid druf a |
| undprofillöscheFr 2.5.08, 10:45 | ehm lüt emol d *nameglöscht* a, die het sicher irgentwelchi Studie..die het so Versuechsprojekt gleitet gha vor paar Joor.. Und im übrige ha i selbst Kinder im Kindergarte wo dütschi Eltere hän..und heee...die chönne glich perfekt Schwizzerdütsch rede 1 mal bearbeitet, zuletzt Mi 23.9.09, 16:14 |
| holysmokeFr 2.5.08, 10:48 | denn isch jo alles bestens  i ha jo nur gseit dasimr unsicher bi öb das wird funktioniere...aber du hesch jetz no de unterschiid dasde nit hochdütsch redisch im kindergarte, oder? aso vo däm här... aber im kindergarte-alter lerntme jo perfekt so sache. mues mi moll mit miner mueter usenander setze, si isch kindergärnterin gse, nimmtmi no wunder was si meint |
| ArrogantesArschlochFr 2.5.08, 10:48 | ihr chönned jo sälber e stufie mache! gönd in jede kindergarte und befrooged alli! ^^miend euch aber nid wundere wenn viel nid mol dütsch könne XP |
| holysmokeFr 2.5.08, 10:49 | du meinsch d betreuer chöne sälber zweni guet hochdütsch? hehe jah, aso in bärner kindergärte willi nit müese hochdütsch lerne |
| ArrogantesArschlochFr 2.5.08, 10:50 | Zitat: holysmoke und was isch in zürcher kindergärte?du meinsch d betreuer chöne sälber zweni guet hochdütsch? hehe jah, aso in bärner kindergärte willi nit müese hochdütsch lerne redet mer denne wie es BASLER läggerli? |
| FruchtTigerFr 2.5.08, 10:50 | ich ha dänkt mir grenze nur an deutschland. sit aber alli dütsche do in CH uswandere, mien mir also scho hochdütsch lerne mit 4 joor!? quasi, das eröffnet uns türe im Arbeits-Markt. dabi schnappe die schwabe uns jo eh alles äweg!! CH söll sich für sini ``eigenartigkeit``, nämlich für sini dialekts nit schäme!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©