Festzeit.ch Forum » Sonstiges » Oganspende
| Autor | Beitrag |
|---|---|
| SabsiiiFr 2.5.08, 14:02 | ich würd mich us mehrere Gründ düfür intressiere, wie Lüt zur Organspende und sustige Patinteverfügige stönde. aso thema hirntot und maschine abstelle oder nit, und zum bispiel au, wie und was würdet dir spende bim falle des Todes. |
| alfiiFr 2.5.08, 14:08 | also ich würd scho z.b. e niere öpperem spände woni kenn... aber ich glaub nit dasis öpperem würd geh woni nit kenn... aber wenns lüüt git wo so sache mache den ''hut ab'' findi e wärtvolli sach..  1 mal bearbeitet, zuletzt Fr 2.5.08, 14:09 |
| finelineFr 2.5.08, 14:11 | Ha mer scho überleggt öbi mi söll für organspändi für de fall vo emne unnatürliche tod söll aamälde. will... jo wenn de gstorbe bisch bruuchsch dini einzelteili wirklich nümmi. usser me hett vor nomoll z'uffersto. und wenn si no funktioniere, wiso nid... Bluet spände hani problem demit, will bim aablick vo ere nodle mach ich kurzfristig s'gipfeli. Wenni jetzt wüssti, dass öpper wo mir wichtig isch uff mi ruggemark aagwise isch würdi das wohrshcinlich au mache. |
| herbertFr 2.5.08, 16:06 | Also ich ha sone Organspändeuswiis in mim Portmonai wo drin stoht das sii nach mim Tod sämtlichi Sache ha dörfe, ich bruchs jo sälber nümm und bessr so als dases vo de Würmer zerfrässe wird. Dä Uswiis isch zwar erst ab 16 gültig aber unter 16 würde sii denne d Eltere froge und es gäbti kei Grund das sii nit s gliche für mini Organ würde welle wie ich. Bluetspände findi öppis sehr guets, ich ha eigentlich scho sälber welle go...aber wär wunderets, sisch ab 18. Do ich sälber nit wirklich angst ha vor Nodle isch das kei Problem. Lüt wos nit mache wells jo schliesslich "ihres" Bluet isch, findi kli drnäbe...me ka für sies Bluet jo eigentlich nüt, me hets eifach "gschänkt" überko. |
| heyduFr 2.5.08, 17:04 | i han au en prganspenderuswiss, wenn i tot ben nötze mer mini organ nix meh, aber andere chönnets vellechet unter umständ s lebe rette! get mega vell wo da ned wänd, han au met mine eltere mega diskusione gah, well sie eigentli degege sind, i chan die lüt au verstoh i hät eher s problem met selber es frömds organ azneh :S obwohl ben au no nie innere situation gsi wos drum gange spenderorgan oder sterbe   au bluet spende well i einch...müesst nur no 18ni werde  |
| RheinPiratFr 2.5.08, 19:12 | iI ka nur sage dasi ä Organspänderuswiis vo dr swisstransplant ha. Also könne si nach mim tot alles näh was si bruuche  http://www.swisstransplant.org/ 1 mal bearbeitet, zuletzt Fr 2.5.08, 19:13 |
| SabsiiiSa 3.5.08, 16:55 | freut mich wikrlich sehr, dasses doch sehr vill lüt git wo sich mit dem thema ernsthaft usenandersetzte. ich für mich persönlich ha entschiede, bluet und organ z spende und sowieso , muessi sage, im fall in der familie au mini niere! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©