Festzeit.ch Forum » Sonstiges » Fms - Abschlusspriefige!
| Autor | Beitrag |
|---|---|
| miTTelfingerMo 26.5.08, 13:06 | Hey Fms - 3. Klässler.. Wie laufts bi euch so mit de Abschlusspriefige?!  |
| JunoMo 26.5.08, 15:26 | frog nomol wenni s'diplom in de händ han |
| finelineMo 26.5.08, 15:34 | geil das hano vor 6 joor au moll gmacht. dazumals no DMS3. das warn noch zeiten  ha super pluspünkt gmacht bi dr zeichnigslehrerin woni am schluss gfroggt ha öbi s'bild darf mitneh woni ha miesse interpretire |
| ScratchMo 26.5.08, 16:14 | hrhr und ich has vor au 5joor gmacht.. DMS3 zite  jaja das war noch ein schoggi läbe hehe |
| finelineMo 26.5.08, 16:16 | naja, mir sind uff sardinie e filmli go dreie... isch no ok gsi so losst sich doch schuel mache |
| ScratchMo 26.5.08, 16:28 | ich find d'dms3 bzw fms jetz e super gueti schuel.. natürlich gits sache wo vrbesserigsfähig sin, aber wo nit.. emel hani dört s gfühl ka öbis glernt zha, gueti lehrer ka (au nit alli) und wiene "erwachsene" behandlet worde. ische super zit gsi, ich bereus hüt noni, dassi die schuel gmacht ha. und wenni an die zit vo de abschlusspriefige und dä obe vo dr diplomierig dänk, chunnt scho chli wehmuet uff überleget euch eifach guet, waser nach dr dms machet - es wird nümm so chillig wärde hrhr |
| JunoMo 26.5.08, 16:42 | ä gueti schuel?  naja... do drvo chani also absolut nit rede. bi de abschlusspriefige het jedi schuel ganz anderi bedingige, sogar unter de klasse gits unterschid, unseri liebe rektore händs nit bsunders nötig, sich für uns z'interessiere und ganz vill sache ändere irgendwie all wuche  jetzt im nochhinein chani säge, es isch ä tolli zit gsi, aber d'schuel sälber isch ä rise chaos. |
| ScratchMo 26.5.08, 17:01 | cha d fms nit beurteile, ha no d dms3 gmacht. aber das mit de unterschiedlichi abschlüss isch bi uns au so gsi. findi aber völlig ok?! schliesslich setzisch di jo am afang füre schwerpunkt fescht.. wär au nit normal, wenn denn jede die gliche fächer würd abschliesse, wenn me 3joor dure unterschiedlichi bsuecht |
| JunoMo 26.5.08, 17:06 | nei ich meins nit eso... ich mein, dass es in de einzelne fächer in jedere klass wider mehr oder weniger anderi bedingige git. gschicht isch grad so ä bispil... mir händ 5 themene usem unterricht usgwählt. ä parallelklass het 3 themene usem unterricht vom lehrer vorgschribe becho. wider anderi händ nur 4 themene usw. |
| ScratchMo 26.5.08, 17:27 | ja.. das isch aber bis jetz no in jedere schuel so gsi was nit heisst, dasses ok isch.. isch aber primär e problem vo de lehrer, dass eifach jede das mocht, woner guet oder ok findet, statt, dass sie zämme kommuniziere und e einheitlichi regelig schaffe bzw. sich an die regelig halte, wenns eini git. kv ischs no schlimmer gsi. mr hän dr ganz stoff vo 2joor in gschicht miesse büffle und d parallelklass het eifach 1 thema ka.. ja geili sach trotzdäm ischs e chilligi schuel und d priefige sin jetz nit huere schwierig.. sisch alles machbar. in dr regel chasch in de mündliche sowieso e viel besseri note usehole, als als vornote hesch. und die schriftliche hän mi jetz au nit uss de sock ghaue. die schuele hän kei interesse dra, dass viel lüüt sitze bliebe. dasch überall so. in dr regel chömme au alli bis uf 2-4 pro joorgang dure. also don't worry.. eifach bitz büffle und läse, denn chunnt das scho guet. |
| JunoMo 26.5.08, 17:32 | hehe das problem händ mir au, die wo d'psychologiepriefig mache müend bim einte lehrer dr stoff vo 2 joor chöne, die andere nur vo eim joor, will sie ä lehrerwäggsel ka händ jojo ha jetzt au nit rise angscht, dass ichs nit bestand.. es sind jo nur drei schriftlichi priefige, und franz hani erscht no verkürzt, will ich s'delf gmacht han. nochhär händ mir drei wuche frei also gnueg zit zum "lerne" |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©