Festzeit.ch Forum » Politik / Religion » Wake up projects "Die Ankünfte"
| Autor | Beitrag 31 - 43 |
|---|---|
| mauritius14Di 12.2.13, 16:52 | Rheinpirat denn würd ich gern vo dir wüsse, do ich jo glaub, was nachem tod passiert? nur problem isch, kei tote isch zruckcho und het verzellt was passiert... und do bringt dis wüsse au nüt mehr, wills vom lebe nachem Tod kei wüsse git.. und du vertrausch wüsse vo mensche... und mensche chöne sich oft irre und es wär nit serschte mol, aber ich vertrau gott, er het uns erschaffe und weiss am beschte bscheid was mit uns passiere wird... |
| RheinPiratDi 12.2.13, 16:57 | Sone schwachsin! Dr Pythagoras het im 6. Jahrhundert v. Chr. ahnoh das d'wält nid flach isch. Si schüeler Aristoteles isch dr gliiche meinig gsie. Die ersti Erdumfangmässig wird im 3. Jahrhundert v. Chr. Aristoteles zugesproche! und das isch wüsseschaft gsie! nid glaube! Uff grund vo dere feststellig/mässig het dwüsseschft dr wäg noh. Was 'dsunne isch - das si NID dr mittelpunkt vom universum isch. Das ärdbebe NID dr zorn vo "Götter" isch sondern im ärdinere vo verschiebige in dä untere ärdschichte ussglöst wärde! tatsachen - nid glaube! Oder liefe doch moll BEWIES dass das vo religione abstammt... EDIT: Wie scho gseit, du "glaubsch zu wissen", dass.... Und glaube basiert uff unwüsse/schwächi well me kei antwort het, bzw. durch dr glaube ä wäg suecht öppis z'erkläre wo me sich nid ka vorstelle. "Ich zweifle an allem - sogar an meinen zweifeln" Dank moll drüber noche EDIT: " Aber in dene drei monotheistischi religione findisch du e antwort was de sinn vom lebe isch..." Nei findisch nid. Well das alles nur uffm glaube basiert. keini tatsache oder bewies. Die "Antwort" gid nur well das irgendwenn, irgend wer, irgendwo so gseit und uffgschribe het! 5 mal bearbeitet, zuletzt Di 12.2.13, 17:06 |
| freitightDi 12.2.13, 17:00 | Zitat: mauritius14 I ha zwar d Bible glese, aber DAS hani niene gfunde. Zum Koran und dr Thora chani nüd saage, aber ich glaub nid dass in dene Schrifte wüsseschaftlichi erklärige für naturgewalte dine stönd oder? Loh mi gern vom gegeteil überzüge.aber wie chunt dass, dass mensche damsls usgrechnet vo de schrifte (Thora, Bible, Koran) die wisseschaftliche erkenntnis entno hend.. Sie hend jo damals usegfunde, was sunne, gwitter, erdbebe usw isch... denn hend doch wisseschaftler vo hüt gar kei bedütig mehr wenn sie damals scho sehr viel usegfunde hend... Zitat: mauritius14 Zu mir het Gott no nie gsproche. Warum sött ich blind druf vertraue, was in emne Buech stoht? Hützutags gits fascht unendlich viel wüssensquelle, die chan ich nutze um mir selber e Meinig zbilde und zu minere eigene Erkenntniss z cho. Es isch eifach, öbbis blind z glaube wo irgendöbber seit oder schribt. Sich aber mitme Thema beschäftige, hinterfroge, relevants vom unrelevante z trenne, genau DAS machts us!Gott het durch userwählti Mensche (Prophete) zu de Mensche gsproche und het ihne bibrocht, wie me in friede chönt lebe, was zämmelebe verschönere würd... was de sinn vom lebe isch..., was universum isch... und hüt hend sich mensche so entwicklet, dass sie das ursprüngliche wüsse, wo sie vo gott becho hend, sogar verleugne... Zitat: mauritius14 An dere Stell moll danke für d bestätigung vo mim arguement was du au erwähnt hesch, isch dass mensche sich damals gfrogt hend, was de sinn vom lebe isch. das isch aber nit nur frog vo damals gsi... das froge sich hüt no millione mensche... Aber in dene drei monotheistischi religione findisch du e antwort was de sinn vom lebe isch...  Zitat: mauritius14 Das chani so unterschriebe! durch missbruch vo mensche, het religion e schlechts bild becho, deshalb gits hüt sehr vieli wo degege sind... obwohl religione jo säge z.b. " du sollst nicht töten". Was het jetzt religion defür, wenn mensche krank sind... Zitat: mauritius14 Jo mit dem chum ich absolut klar. Indem ich mir selber e Sinn fürs Lebe gib. S Lebe isch erfüllt vo vielne schöne Moment, me mues genau die Moment sueche und nur drfür Lebe möglichscht viel vonene z erlebe. Genau das isch mini Motivation fürs Lebe.und chunsch du demit klar, wenn du dir iredisch, dass du durch zuefall do bisch und durch zuefall wieder go wirdsch? es het so viel bispiel in de natur wo uns auge öffne chönt, nur problem isch, mir wönd schlofe... Das mit dr Natur verstandi nid ganz. Gimmer doch moll e bispiel us dr Natur, wo widerleit, dass alles pure Zuefall isch. Usserdem bedütet dini Ussag, dasses keini Zuefäll git, dass mir öbbis drfür chöne, dasses uns guet goht und anderi sin selber schuld, dasses ihne schlecht goht. Und de Gedanke findi widerlich 1 mal bearbeitet, zuletzt Di 12.2.13, 17:00 |
| mauritius14Di 12.2.13, 17:30 | "I ha zwar d Bible glese, aber DAS hani niene gfunde. Zum Koran und dr Thora chani nüd saage, aber ich glaub nid dass in dene Schrifte wüsseschaftlichi erklärige für naturgewalte dine stönd oder? Loh mi gern vom gegeteil überzüge." also do findsch no recht viel informatione über naturgwalte.. http://www.way-to-allah.com/dokument/Wissenschaftliche-Erkenntnisse-im-Koran-3-Auflage.pdf "Zu mir het Gott no nie gsproche. Warum sött ich blind druf vertraue, was in emne Buech stoht? Hützutags gits fascht unendlich viel wüssensquelle, die chan ich nutze um mir selber e Meinig zbilde und zu minere eigene Erkenntniss z cho. Es isch eifach, öbbis blind z glaube wo irgendöbber seit oder schribt. Sich aber mitme Thema beschäftige, hinterfroge, relevants vom unrelevante z trenne, genau DAS machts us!" Du seisch es selber, um mir e meinig zbilde.. und genau das findsch au im Religion.. Gott het uns e freie wille geh zum entscheide öb du glaube willsch oder nit... aber im jenseits werde mir kei freie wille ha zum ussueche wo mir wend anego.. mir zeichne unser weg im jenseit uf dere welt... und will gott uns nit will bestrofe, het er mensche gschickt zum uns mitteile, dass das lebe nur vorübergehend isch.. Ich glaub au nit blind, ich nimm das wüsse vom Religion... "An dere Stell moll danke für d bestätigung vo mim arguement "Ich betrachte das eigentlich als kontra zu diner ussag.. du hesch jo gseit dass mensche damals religion erfunde hend um sich di frog zbeantworte... aber wenns hüt kei religion me brucht, denn sötte mensche aber sich di frog hüt beantworte chöne.. "Jo mit dem chum ich absolut klar. Indem ich mir selber e Sinn fürs Lebe gib. S Lebe isch erfüllt vo vielne schöne Moment, me mues genau die Moment sueche und nur drfür Lebe möglichscht viel vonene z erlebe. Genau das isch mini Motivation fürs Lebe." Aber was isch wenn dis lebe nüm mit vielne schöne moment erfüllt isch? "Das mit dr Natur verstandi nid ganz. Gimmer doch moll e bispiel us dr Natur, wo widerleit, dass alles pure Zuefall isch." Also e ganz eifachs bispiel: Wenn de bäum aluegsch, dass sie "lebendig" werde im Früelig und summer und im Winter "Tod", aber es johr druf denn wieder blätter het, denn chönt me sich scho no froge, öb ich als mensch nit au de gliche prozess wird duremache... oder wenn du versuech immer wach zbliebe und es nit klappt, will du irgendwenn ischlofsch = Tod, und nüm für ewig chasch schlofe, will du irgendwenn wieder ufwachsch = Wiedergeburt, denn zeigt das, dass mir eifach gwüssi sache nit in de händ hend und dass es eifach e grösseri macht het... "Usserdem bedütet dini Ussag, dasses keini Zuefäll git, dass mir öbbis drfür chöne, dasses uns guet goht und anderi sin selber schuld, dasses ihne schlecht goht. Und de Gedanke findi widerlich" Das ha ich nit gmeint, wenns durch zuefall wär, denn wärs ungerecht gsi.. aber us dem grund wills kei zuefall isch, wird de lohn vo de arme mensche oder strof vo de undankbare riche uf jenseits... also es hört nit do uf... |
| freitightDi 12.2.13, 18:11 | Zitat: mauritius14 Ziemlich interessant, zuegebenermasse. Ha jetzt aber nid alles glese, aber das wirdi mr sicher no genauer aluege.also do findsch no recht viel informatione über naturgwalte.. http://www.way-to-allah.com/dokument/Wissenschaftliche-Erkenntnisse-im-Koran-3-Auflage.pdf Zitat: mauritius14 Denn unterscheidet sich unseri Istellig zum Lebe nid gross, eifach d Motivation isch e anderi.aber im jenseits werde mir kei freie wille ha zum ussueche wo mir wend anego.. mir zeichne unser weg im jenseit uf dere welt... und will gott uns nit will bestrofe, het er mensche gschickt zum uns mitteile, dass das lebe nur vorübergehend isch.. Ich glaub au nit blind, ich nimm das wüsse vom Religion... Dr wesentlichi Unterschied isch, dass du für di Glaube oder di Gott lebsch. Ich mach das nid, ich leb für mi selber und versuech s beschte us mim Lebe zmache! Zitat: mauritius14 Die Frog wird niemols e Mensch beantworte könne. Ich ha au nie gseit, dass dr Glaube prinzipiell schlecht isch, im Gegeteil. Glaube cha in vielne Situatione und bi Unsicherheite oder Angscht helfe. Nichtsdestotrotz isch dr Glaube für soviel Leid uf dere Welt verantwortlich. Ich sag immer, Glaube isch guet, Religion/Kirche isch schlecht. Ich betrachte das eigentlich als kontra zu diner ussag.. du hesch jo gseit dass mensche damals religion erfunde hend um sich di frog zbeantworte... aber wenns hüt kei religion me brucht, denn sötte mensche aber sich di frog hüt beantworte chöne.. Zitat: mauritius14 Das chani nid beantworte, wills mir guet goht.Aber was isch wenn dis lebe nüm mit vielne schöne moment erfüllt isch? Wennde uf dere Welt bizli umeluegsch wird dir aber uffalle, dass dört dr Glaube am gröschte isch, wos de Lüt am schlechtischte goht. Wenns würklich e Gott würd geh, wo Gebet würd erhöre, denn wär er ziemlich asozial. Ich glaub viel mehr drah, dass nur Problem und Ängscht dr Glaube überhaupt uslöse. Me mues e Grund finde werums eim schlecht goht. Me hinterfrogt doch "Worum usgrechnet ich?" und die Frog loht sich halt perfekt und ganz eifach mitme Gott beantworte. Wenns eim denn guet goht, isch me immer weniger uf das chleine Trickli im eigene Chopf agwiese, die Tendenz sehsch überall uf dr Welt. Zitat: mauritius14 Jo das chönt meh. Het aber für mi nüt mit Gott ztue, sondern mit biologische und physikalische Vorgäng. Ohni Wüsseschaft würd sich d Sunne no immer um d Erde dreihe...Also e ganz eifachs bispiel: Wenn de bäum aluegsch, dass sie "lebendig" werde im Früelig und summer und im Winter "Tod", aber es johr druf denn wieder blätter het, denn chönt me sich scho no froge, öb ich als mensch nit au de gliche prozess wird duremache... Zitat: mauritius14 Und voilà, scho hemmer d Antwort uf "werum gohts mir so schlecht" aber us dem grund wills kei zuefall isch, wird de lohn vo de arme mensche oder strof vo de undankbare riche uf jenseits... also es hört nit do uf... |
| VerhaltensoriginellDi 12.2.13, 19:30 | Dr glaube a sich selber isch dr wichtigscht. Viel sind aber am zwifle und sueched / läbed sich ihne relligion ihne. Dr halt binere gmeinschaft zfinde mit glichdänkende isch ja immer am eifachschte. Drögeler läbe ja au gern unter sich . Nur das eine isch.. simmer nid all verschide, hend anderi bedürfniss ? Ha nix gege Relligion.. aber wen me nid a sich glaubt de findet me nie sis EIGETE glück. 1 mal bearbeitet, zuletzt Di 12.2.13, 19:34 |
| mauritius14Mi 13.2.13, 09:39 | Ziemlich interessant, zuegebenermasse. Ha jetzt aber nid alles glese, aber das wirdi mr sicher no genauer aluege. Isch wirklich sehr interessant, ich würds aluege  Dr wesentlichi Unterschied isch, dass du für di Glaube oder di Gott lebsch. Ich mach das nid, ich leb für mi selber und versuech s beschte us mim Lebe zmache! Das isch es jo, ich leb für gott und gott het de mensche mitteilt, wie sie lebe sölle, damit sie uf dere welt und im jenseits glücklich werde.. Das heisst natürlich nit, das ich nit sbeschte us mim lebe mach.. und ich leb au nit NUR für Religion, ich nimm mir mis religion im mittelpunkt und mach all das wo du au machsch, sofern es für mi "erlaubt" isch.. und ich verpass au nit viel wenn ich mi an gwüssi sache halt.. All di sache wo in mim Religion nit erlaubt sind, sind sache wo e mensch vorübergehend glücklich mache, wie zum bispiel alkohol... aber de schade isch mehr als de nutze... aber was e mensch wirklich brucht und was de meischte fehlt isch ernährig für d'seele.. mir erfülle alli unseri bedürfnis und vergesse aber swichtigschte... und wenn d'seele au das würde kriege, denn wäre mir glücklich... Die Frog wird niemols e Mensch beantworte könne. Ich ha au nie gseit, dass dr Glaube prinzipiell schlecht isch, im Gegeteil. Glaube cha in vielne Situatione und bi Unsicherheite oder Angscht helfe. Nichtsdestotrotz isch dr Glaube für soviel Leid uf dere Welt verantwortlich. Ich sag immer, Glaube isch guet, Religion/Kirche isch schlecht. Us dem Grund hets Gott de mensche mitteilt.. Das Lebe ist e vorübergehends lebe, die eine hend mehr zit die eine weniger.. Es isch e tescht wo me muess bestoh um im ewige lebe glücklich zwerde... und es isch e tescht, wo uns lösige vorliege, nur mensche griffe nit danach und wönd selber usprobiere.. aber wie gseit, es git kei zwang im religion... aber problem isch für de wo druf verzichte, was isch wenns wirklich wohr isch, denn het er zverliere, aber für de ander wos uslebt het, gits jo nüt zverliere, er het halt mehr uf sini chlini bedürfnis müesse verzichte.. (ich stells nit in Frog, nit falsch verstoh )Das chani nid beantworte, wills mir guet goht. Ebe das isch de tescht, die tescht isch zdanke und wenn mol sorge hesch, denn isch es will du gwüssi teschts hesch wo dir denn au viel bibringe.. Wennde uf dere Welt bizli umeluegsch wird dir aber uffalle, dass dört dr Glaube am gröschte isch, wos de Lüt am schlechtischte goht. Wenns würklich e Gott würd geh, wo Gebet würd erhöre, denn wär er ziemlich asozial. Ich glaub viel mehr drah, dass nur Problem und Ängscht dr Glaube überhaupt uslöse. Me mues e Grund finde werums eim schlecht goht. Me hinterfrogt doch "Worum usgrechnet ich?" und die Frog loht sich halt perfekt und ganz eifach mitme Gott beantworte. Wenns eim denn guet goht, isch me immer weniger uf das chleine Trickli im eigene Chopf agwiese, die Tendenz sehsch überall uf dr Welt. Do gib ich dir recht, es isch leider eso, dört wo religion am gröschte isch, gits au viel mehr sorge... Aber das isch will genau die mensche vo dene region in wirklichkeit gar nit de wohre religion uslebet, sie nehme das wo zu ihre gunschte chunt lehne gwüssi sache ab... Gott isch au fähig si bestrofe aber das macht er in dem moment grad nit um nomol de mensche chance zgeh.. wie gseit er möcht jo gar nit bestrofe aber mensche wetteifere danach bestroft zwerde... und mensche chöne au fehler mache, so sind mir erschaffe worde, mir sind nit perfekt. Und voilà, scho hemmer d Antwort uf "werum gohts mir so schlecht" [/quote]Das heisst jo natürlich nit, dass die riche bestroft werde... aber ihre tescht isch, das zschätze was sie hend, will jo richtum schlussendlich au e gschenk vo gott isch... No öpis persönlichs... Finds no schön mit dir drüber zrede, bisch e tolerante mensch... wenn alli so wäre, chönt me so friedlich zämmelebe... |
| freitightMi 13.2.13, 10:04 | Ich cha dir eigentlich gar nid gross widerspreche, du hesch zwar anderi Asichte und Beweggründ als ich, aber im Prinzip rede mr jo eigentlich vom gliche Ich denk s wichtigschte isch halt eifach, dass me als Mensch nach gwüssne Prinzipie lebt, wo gsellschaftlich verträglich sind. Spielt überhaupt ke Rolle ob die Prinzipie vo sich selber, oder useme heilige Buech chöme... Ich ha eifach Problem drmitt wenn irgendwelchi Greueltate mit em Wille vo Gott grechtfertigt werde. Und was gar nid goht, isch wenn mir öbber will si Glaube ufzwinge, denn hört bi mir d Toleranz relativ schnell uf Zitat: mauritius14 Do bini ganz anderer Asicht. Einersits isch moll dr Ort entscheidend wome gebore wird. Das isch Zuefall. Was me schlussendlich us sim Lebe macht, ob me erfolgrich isch oder nid, dass isch elei und einzig dr eigeni Verdienscht. Es isch sehr eifach, alles mit ere höhere Macht z begründe. S git jo de Witz: E chleine bueb het unbedingt es neus velo velo. Drum heter 30 daag lang betet, het aber nie öbbis becho. Er het denn es Velo klaut und noher 30 daag lang um vergebig betet.Das heisst jo natürlich nit, dass die riche bestroft werde... aber ihre tescht isch, das zschätze was sie hend, will jo richtum schlussendlich au e gschenk vo gott isch... Isch no recht zuetrefend findi, genau das passiert an vielne Ort uf dere Welt und dass chani eifach nid guetheisse... Zitat: mauritius14 Ich denk e bitz meh toleranz würd dr Welt im allgemeine nid schade...No öpis persönlichs... Finds no schön mit dir drüber zrede, bisch e tolerante mensch... wenn alli so wäre, chönt me so friedlich zämmelebe... |
| mauritius14Mi 13.2.13, 10:10 | "Ich ha eifach Problem drmitt wenn irgendwelchi Greueltate mit em Wille vo Gott grechtfertigt werde. Und was gar nid goht, isch wenn mir öbber will si Glaube ufzwinge, denn hört bi mir d Toleranz relativ schnell uf "Mit dem ha ich au e grosses problem.. Mi Religion seit, du dörfsch keine töte, sondern du dörfsch di verteidige... aber leider wird im name vo gott tötet... "Do bini ganz anderer Asicht. Einersits isch moll dr Ort entscheidend wome gebore wird. Das isch Zuefall. Was me schlussendlich us sim Lebe macht, ob me erfolgrich isch oder nid, dass isch elei und einzig dr eigeni Verdienscht. Es isch sehr eifach, alles mit ere höhere Macht z begründe. S git jo de Witz: E chleine bueb het unbedingt es neus velo velo. Drum heter 30 daag lang betet, het aber nie öbbis becho. Er het denn es Velo klaut und noher 30 daag lang um vergebig betet." Das isch so, du nennsch es zuefall und ich sag gotteswille... und natürlich isch jede selber verantwortig für sini tate, aber wenn jetzt in afrika gebore wirdsch und eifach nüt hesch, denn bringt der wille zum rich werde jo au nüt.. denn het das so müesse si und wahrschinlich wartet denn uf di e schöneneres lebe.. |
| freitightMi 13.2.13, 10:14 | Zitat: mauritius14 Jo i glaub das chame abschliessend für die Diskussion nenne, denn vom Gegeteil chönemer uns beidi nid überzüge, aber es freut mi, dass mr uns in so vielne Pünkt einig sind.Das isch so, du nennsch es zuefall und ich sag gotteswille... Du als Gläubige, ich als Atheist. Das zeigt, dasses doch so eifach wär, wenn alli bitz toleranter wäre... |
| mauritius14Mi 13.2.13, 10:18 | Genau hesch recht.. Tolerant isch so wichtig.. Leider fehlt das hüt zu tags und das tragt zum teil au für so viel hass und stritt bi.. also wünsch dir e schöns tägli no |
| HYPERINTELLIGENTOMi 13.2.13, 16:48 | Aber mauritius...Du willsch jo ärnscht gno wärde, denn doch bitte keini Foti ihne wo du gar nit bisch |
| DarthSchnuffiMo 4.3.13, 17:45 | Zitat: mauritius14 Wo isch denn dini Tolerants? Nur was du do use plapperisch isch "Richtig" und d "Wohrheit". Anderi Aahsichte wärde vo dir nid toleriert. Tolerant isch so wichtig.. Bisch echli faschistoid, hä? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©