Festzeit.ch Forum » Sonstiges » Dinge die uns bewegen....
| Autor | Beitrag 1 - 15 |
|---|---|
| apaturaMo 10.10.05, 10:56 | Ich bi grad bizeli ins nochdänke cho... Im Momänt hör ich immerwieder vo lüt wo schwer erkranke oder wo sogar an ihrene Krankheite stärbe  Ich ha eifach mol euri Erfahrige und euri Meinige welle höre. Wie wärdet ihr mit Schicksalsschläg fertig, und wie händ ihr für euch dr sinn vom läbe entdeckt? Ich stell mir nämlich d'frog, wohär Mensche d'energie nämme zum Bispiel gege Kräbs z'kämpfe... will user medikamänt -dänkt ich- bruchts au geistigi Stärki und vilicht au unterstützig vo lüt wo me liebt, wenn me die den no vertreit. aber wie ka me öper zum kämpfe motiviere, wenn me weiss die Person stirb vilicht?? |
| PuReSoULMo 10.10.05, 11:16 | ich bi selber krank, weiss ehrlich gseit nid vowo ich mini stärki her ha! red nid gärn drüber, verschliess mi und will anderi lüütlis nid mit dem beschäftige! schüscht hendsi nur no mehr angst und gönd mit mir anders um als schüscht! git so moment woni denk, dassi das alles nid würd schaffe und zimlich down bi wells immer rückschlääg git! aber jo, bi no am lebe und gniess mis lebe so guet wieni cha!  |
| KissMyAirsMo 10.10.05, 11:52 | branki, das isch e verdammt schwirigs thema wo du do aschnidsch... ich ha scho verschiedeni schicksalsschläg erläbt.. mini nochberin wo sit 3 joor gegene chräbs kämpft, e chleine nochbersbueb wo mit 5i d leukämie besiegt het.. oder vätere vo kollege wo plötzlich amne härzinfarkt gstorbe sind und famillie zrugg gloh hei.. und ich dänk es isch in jedere situation nid eifach.. und bi jedere person au en andere muetgäber oder energiesprütze.. veralgemeinere chames sicher nid.. aber sicher sinds d mitmensche wo eim muet gäbe und vill rede isch bi villne au sehr hilfriich.. und anderi glaube halt an gott oder was weiss ich... vo mensch zu mensch, vo chranket zu chranket verschiede... |
| KissMyAirsDi 11.10.05, 14:39 | das ganze schiiint de partynase es z ärnschts thema si.. tja |
| borniDi 11.10.05, 15:29 | I dänk, sisch eifach e zu persönlichs Thema,,,i ha au scho sehr schlimms müesse erlebe, abr möcht das nit vröffentliche.... |
| decenzaDi 11.10.05, 15:33 | jo isch au irgendwie klar, dass do jetz nid alli ihri erfahrige ineschriibe und das lüt mitteile wo si gar nid kenne oder? am schluss wird denn no blöd dr¨über gredet oder so, wär weiss....?! aber das mitm sinn vom läbe und was d lüt so derzue meine isch doch e guets thema findi  1 mal bearbeitet, zuletzt Di 11.10.05, 15:34 |
| daschDi 11.10.05, 16:41 | ich enthalt mi au s'git lüt die hend glück und söttigi die händ immer päch, so ischs läbä... |
| PandaBearDi 11.10.05, 16:47 | Hm, das cheni leider nurs guet! Mini chlini Schwöstr wo jetzte 16 isch isch momentan grad wiedr im Spital & het chemotherapie.. mit 14 hets agfange, also s diagnose vom Kräbs. Denn het sies ganze Programm miese mach Chemo, Amputation vom linke Fuess usw.. Dä summer isches mit ihre wiedr ächt uffwärts gange, d.h. sisch isch wiedr a partys ufftaucht, ans OpenAir St. Galle gange - also zrugg im läbe. ei daag noch ihrem 16. Geburtstag het me wiedr feststellt, dass sie en rückfall het! JO und jetzt sehts nid so guet us.. Aber ich hoff nurs beschte, denn mit em schlächte wotti mi (noni) befasse! |
| KissMyAirsDi 11.10.05, 21:16 | hoffe mr natürlich alli s beschte... tuet mr leid das ganze z ghöre.. s läbe isch eifach ächt unfair.. het mi jetzt mega berüehrt! hmm, grad sprochlos!!  |
| rutschläDi 11.10.05, 22:43 | blocoholi... dönt etz wahrschinli rächt eifach dàhigredet, abr wünsch dinre schwöschter ächt numä s bescht...hoffe mr, dass si gnueg chraft het, zum das ganze nomol dure z stoh... und dir au vel chraft, zum das MIT ihre z überwinde... |
| tschugileDi 11.10.05, 22:58 | @räitschel: hets nid besser könne formuliere..  Alles gueti..  |
| PandaBearMi 12.10.05, 09:22 | Corinli, räitschel & tschugile! Merci isch lieb! ich weiss das schätze! |
| CarinschenFr 14.10.05, 21:01 | do chani dir und dinere schwöschter au numme s beschte vo härze wünsche... isch scho schwer wenn soöppis passert...woni 6 gsi bi isch mini chlini schweschter gschtorbe...und in dämfall het mer rede sehr viil brocht.. aber momentan kämpft grad e sehr guete kolleg vo mir gege ne chräbs ah bez. er wartet numme no ab wellem d ärzt högschtens no dreiviertel johr gänn.... und in sim fall isch nid viil rede und eifach für ihn do si viil wichtiger...! weiss nid isch halt wirglich immer verschiide je nach däm au was denn die anderi person wott... 1 mal bearbeitet, zuletzt Fr 14.10.05, 21:05 |
| PuReSoULFr 14.10.05, 22:22 | jep das stimmt! bi einige hilft redä, bi anderne nid! bi mir isches so, ich red nid gärn über mini krankheit well ich nid will, dass sich mini kollege/inne sorge mache um mi und mi den anders düänd behandle als sunscht! ä guete kolleg vo mir (immortalking) seit immer ich söll redä drüber, das wär sbeschte, aber ich schaffs nid! ich wünsch allne viel kraft und muet das durrezstoh was sie müänd durremache! 1 mal bearbeitet, zuletzt Fr 14.10.05, 22:22 |
| NapoleonFr 14.10.05, 23:58 | Das bewegt mi (ACHTUNG: Würklich nüt für schwachi Gmüeter!): http://www.stern.de/politik/panorama/?id=510704 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©