Festzeit.ch Forum » Medien » TV-Serie "LOST"
| Autor | Beitrag 16 - 30 |
|---|---|
| ÄnniMo 27.11.06, 17:06 | hmm...uf diä idee dass diä lischtä em jakob isch wer imfall vooll nit choo  hey..findet ihrs nit au komisch dass dr desmond in dä letschtä par sändigä het chönnä d zuäkunft vorussägä...?! |
| FredLaMottaMo 27.11.06, 17:42 | Wer die allerneuschte Sändige Lost nid gseh het (Schluss vu dr 2. Staffle und Afang vu dr 3.), sondern erscht uf em Stand vum dütsche Färnseh isch, sött d Posts in däm Forum nid umbedingt läse, es sei denn me will gspoilt wärde! Das nur so als Warnig. Jäjä, dr black smoke... Sit dr vorletschte Sändig isch es jo zimli klar, dass dr black smoke s "Monschter" isch. Ich vermuet, dass d Wolke us Metallstaub bestoht, wo vum Magnetfäld vu dr Insle gstürt wird. Villicht cha die Wolke sogar menschlichi Gstalt aneh. Isch zwar e chli wit härgholt, würd aber einiges erkläre. Öbs Magnetfäld vu Dharma kontrolliert wird, isch denn ä anderi Frog. Ben und co hei glaub nüt drmit ztue. Es isch au froglich, öbs Magnetfäld nach dr Implosion überhaupt no existiert. Was dört genau passiert isch nimt mi eh no wunder. Uf dr "Blast door map", wo dr Radzinsky (oder wie au immer er heisst) zeichnet het, isch mehrmols s "cerberus system" erwähnt, wobi s sich wohrschinlich au um de schwarzi Rauch handlet. Vermuetlich isch s ganze eifach es alts Dharma-Exprimänt, wo usser Kontrolle grote isch. Dharma isch zwar immer no aktiv, aber doch nüm das, was es mol gsi isch. Ziel vu Dharma isch jo glaub ursprünlich gsi, die Konstante (4,8,15,16,23,42) in dr Valenzetti-equation z verändere. Aber dr Mittelwerk het jo d Macht in dr Hanso Foundation an sich grisse und steckt lut Rachel Blake hinter allem. Mir wärdes denn gseh. Villicht. Tja, mi nimmts uf jedä Fall au wunder wies witer goht. Ich will ändlich wüsse, wie dr John in Rollstuel cho isch!! 1 mal bearbeitet, zuletzt Mo 27.11.06, 21:08 |
| RheinPiratMo 27.11.06, 18:18 | Wie dr John im rollstuehl ko isch nimmt mi nid so wunder, es interessiert mi mehr das wieso die beide forscher am ändi vo dr 2. staffle im desmond sinere gliebte ahglüte hänn. Das heisst jo fascht das sie weiss wo er isch .... sunnscht wüsste jo die forscher nid nach was sie miesste sueche die steckt sicher au nid in dere Dharma mit drin |
| ÄnniMo 27.11.06, 18:53 | hmm stimmt fred....dä "black smoke" macht mer au z dänkä....ich find dini erklärig tönt zimmlich logisch....jo...mer wärdäs denn gseh(hoffentlich...)..abr mich nimmt das mitem john würkli au no wunder... 1 mal bearbeitet, zuletzt Mo 27.11.06, 18:54 |
| ElphCrimLesterMo 27.11.06, 20:01 | Hallo zämmä. Ich stimm au derä Metallstaub-theorie zuä. Momentan isch das die sinnvollsti erklärig wos für die schwarz Wulkä git. Und sit "The Cost of Living" bin ich au der Meinig, dass die Wulkä cha d Gstalt vo personä ahnä. Das würd jo au s Uftauchä vo totä Personä wie zum Bispil vom Jack sim Vater erklärä. Ich stimm der au zue Fred, dass de Ben und co nüt (meh) mit de Wulkä z tuä händ. Aber i nimm fascht ah, dass das Cerberussystem (das isch miner jetzigä Meinig noch s glich wies Monster respektive d Wulkä) vo Personä gstürt werdä mues. Wenn das sälbständig handelt, denn setzt das e zimlich gueti KI vorus, wel das System sehr zielorientiert handelt. Das system cha anschinend Personä perfekt immitierä und so d Losties beiflussä und irgendwie hani s gfül, dass das nit eifach usser Kontrollä isch. Und es cha d Losties (Bispil Eko) tötä. Wieso das es das macht isch mir schleierhaft! Fred: du erinnerisch dich sicher an die Purgatory-Theorie, oder? De Tod vom Eko würd irgendwiä fascht in die Theorie passä. Oder nit? Ich weis nit. Mir gfallt die Theorie sowieso nit. Aber de Eko stirbt ebä au nachdem är über sis Problem (sini confession) hinwäg cho isch. No öpis zum John und Rollstuel. Mich nimmts au wunder, wie är do dri cho isch. Ich vermuet jo sit neustem, dasses e psychischi Chranket vom John isch. (Somatoformi Störig) Ich weis aber nit ob das realistisch isch. Und jä: mich nimmts au Wunder wies witer goht... |
| FredLaMottaMo 27.11.06, 20:46 | Jo, ind Purgatory-Theorie passt das wunderbar. Ich glaub trotzdem nid dra. Irgendwie wers blöd. Aber me muess es im Aug bhalte... Das mit em cerberus-system isch scho no interessant. Dr Cerberus chunt jo us dr griechische Mythologie und isch ä Hund mit vilne Chöpf, wos Rich vu de Tote bewacht. Öbs würkli usser Kontrolle isch oder nid isch schwer zum säge. Wennd Technologie scho so fortgschritte isch, dass me mit eme Magnetfäld und ä chli Metallstaub cha Mensche erzüge, wo völlig ächt usgseie, denn isch es num sone grosse Schritt, dass es au no künstlichi Intelligenz het und sälbständig handlet. Ich finds aber noch wie vor chli wit härgholt. Irgendwie wers "realistischer", wenn die Erschinige dur irgendes Halluzinogen verursacht werä (wie em John sis). Aber z.B. bi "Kate's horse" hei jo d Kate und dr Sawyer genau s gliche gseh, was bimene Halluzinogen jo wenig wohrschinlich wer. Dass dr John "nur" ä psychisch verursachti Lehmig het, isch guet möglich. Ich halts aber au für möglich, dass er würkli ä physische Schade gha het. D Insle het jo superheilendi Chreft. Scho nume d Tatsach, dass me nach guet zwoi Staffle immer noni weiss, was genau mit em John passiert isch, muess fascht heisse, dass es wichtig isch und einiges enthült. Genau so interessant isch aber au das mit dr Penelope Widmore (wider ä Aspilig uf die griechischi Mythologie: D Penelope wartet 20 johr bis ihre Odysseus wider Hei chunt, 10 Johr Chrieg, 10 Johr Irrfahrte übers Meer...). Wohrschinlich het jo d Implosion vum Swan das Signal verursacht, wo die zwoi Forscher gseh hei. Das heisst aber, dass si scho gwüsst hei, nach was füreme Signal si sueche. Das widerum müesst heisse, dass si d Insle kenne, aber nid wüsse, wo si isch. Das isch umso komischer, wil dr Desmond jo schinbar zuefällig ufd Insle cho isch. Do muess no vil drhinter stecke! Vilicht het d Widmore corporation öbis mit dr Hanso foundation ztue und d Penelope isch irgendwie hinter d Macheschafte vum Mittelwerk und Dharma cho, ohni zwüsse, wo d Insle isch. Jetzt suecht si en jedefalls, wohrschinlich us Liebi. D Widmore Familie isch glaub zimli zentral in "Bad Twin". Cha me das in dr Schwiz ächt chaufe? Ich würds zwar glaub trotzdäm nid läse... Jojo, es isch jo sowiso alles ganz anderscht als mir dänke. Die Lost-Autore wüsse genau, wie si d Gedanke vu de Zueschauer in ä ganz falschi Richtig chöne länke. 1 mal bearbeitet, zuletzt Mo 27.11.06, 20:51 |
| ElphCrimLesterMo 27.11.06, 21:05 | ohh jaa. Das Buech gits vermuetlich nit do. Aber in Australie und de US and A (  )Dä Cliffhanger vo de 2tä Stafflä nimmt mi au wunder. Die händ nach elektomagnetischä Veränderigä gsuecht. ich ha scho e paar mol s gfühl gha, dass die personä nit per zuefall uf die Inselä cho sind. Vilicht au de Desmond und dass eventuell würklich Hanso- oder Widmore-Firma dehinter steckt. Was genau de Sinn isch und was sie mit denä Lüt uf de Inslä wei machä isch en anderi Frog. No wäg de Halluzinationä: ich glaub au nit drah, dass sie sich die Sachä ibildä. Ich glaub eher ans Monster wo cha Menschägstalt aneh. |
| NITLIDi 28.11.06, 18:40 | LOST MACHT SÜCHTIG |
| aläDi 28.11.06, 19:09 | lol |
| NobelpreisträgerDi 28.11.06, 19:29 | sawyer isch dr geilsti |
| xOnexDreamxMi 29.11.06, 13:22 | Lost isch echt geil!! Aber cha mir mol öpper das monster erkläre?? Was isch das?? Sawyer forever!! |
| farfallinaDo 30.11.06, 18:57 | lost isch wirklich mega toll mich würd mol interessiere, wär dä typ mit dr augeklappe isch... |
| FredLaMottaDo 30.11.06, 23:57 | Das interessiert mi au! Ich ha am Afang dänkt, es isch dr Radzinsky, wo sich ageblich sälber erschosse het. Em Kelvin het me jo eh nid würkli chöne glaube. Und vilicht het er sich jo würkli agschosse und drbi es Aug verlore (unwahrschinlich). D Produzänte vo Lost hei glaub aber gseit, dass es nid dr Radzinksy isch. Drum hani kei Ahnig, wer er chönt si. Ich chönt mer vorstelle, dass er ähnlich wie dr Desmond in ä Hatch cho isch und dört irgendä komische Uftrag erfüllt (villicht so sinnlos wied Ufgob in dr Pearl, wo die Briefe jo nume uf sone rise Hufe gönge). Vilicht isch er in dr "Flame" oder im "?". Es isch jo immer noni ganz klar, öb "?" s gliche isch wied "Pearl" (->Blast door map). Wosi s erschte mol ind Pearl gange si, hets Zigarettestummel dört gha, sodass me cha meine, es wer erscht grad no öber dört gsi. Vilicht isch dr Augeklappetyp jo vorhär in dr Pearl gsi. Er het jedefalls grad gmerkt, dass er gfilmt wird und het dr Idruck gmacht, dass er weiss vo wo er beobachtet wird. Vilicht isch er jo au noime bi dr Hydra, die kenne mer jo noni so genau. Ich ha grad no gläse (cha mi aber nüm genau dra erinnere), dass si in dr Episode "The other 48 days" im "Arrow" dr fehlendi Teil vum Swan-Orientationvideo und es Glasaug gfunde hei... Ich glaub jedefalls nid, dass er zum Ben ghört. Chönt jo au si, dass er zu dr Crew vo dr Danielle ghört het, aber die si jo lut Danielle alli tot. Es het jedefalls alles irgedwie ä Zämmehang. Es isch würklich unglaublich. Es sött meh Sändige wie Lost geh! |
| newdlzFr 1.12.06, 07:46 | Das Monschter isch dänk e Dinosaurier! |
| LorenzoCherubiniSa 16.12.06, 14:42 | kha mr öpör nomol das mit de untertitel erkläre?? ich ha de VLC player und untertitel abeglade, abr irgendwie gohts nid  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©