Festzeit.ch Forum » Politik / Religion » Worum glaubsch du an gott oder ebbe au nid??
| Autor | Beitrag 241 - 255 |
|---|---|
| YelinaMo 22.10.07, 15:00 | isch villicht falsch übere cho, jede wo gläubig isch, söll das si und darfs blibe, er söll mer eifach nid si glaube ufzwinge. |
| finelineMo 22.10.07, 15:28 | jo lütt wo anderne ihri meinig wänd uffzwinge sind miehsam. aber lütt wo nid moll wänd zuelose, wenn me ihne öppis über die eigeni meinig will verzelle sind ebe genau so miehsam. |
| YelinaMo 22.10.07, 15:39 | Ich ha sgfühl, ob mer a Gott glaubt oder nid, hed vill mit de Erziehig ztue, wer imene gläubige elterehuus ufgwachse isch, übernimmt das eher spöter als öper wo nur zu Hochziite und Taufe i de chile gsi isch als chind. |
| SnörebrääädMo 22.10.07, 15:42 | genau - wenn sich d Meinig frei entfalte cha und me sich eigeni Gedanke drüber macht isch mer eher ungläubig  |
| ARTgerechtMo 22.10.07, 15:42 | ich bi es joohr lang in konfunterricht und ha mi denn gweigeret, mi lo z konfirmiere. i ka mit dämm glaube nüt afoh und nur wägem gäld mache findi scheisse.... also binis atheist... |
| finelineMo 22.10.07, 15:43 | das hett sicher unter anderem mit däm zdue... es hett au demit z'due öb me sich dere sach gegenüber öffnet oder nid, wenn me devo ghört. oder öb me sogar öppis erläbt hett wo me sich nid anders erkläre. aber hüt zu tags in userer gsellschaft bruucht me immer für alles e rationali erklärig. und alles wo nid erklärbar isch wird als zuefall oder glück bezeichnet. naja... ha scho gnueg do inne diskutiert, s'hett glaub kei wärt. am schluss standi widr als depp do. |
| SnörebrääädMo 22.10.07, 15:46 | wieso wohl  Glaube hängt au mit emene Gen zäme - agäblich jedefalls...hängt sicher au mit liechtgläubigkeit zäme odr so, wer weiss. |
| YelinaMo 22.10.07, 15:46 | ich bin katholisch, mini grossmuetter isch, wie sölli das säge, sie hed alles gmacht, "was gott verbote hed", mer hed denn ja chönne um vergebig bette bim biichte. mini muetter hed das früeh kapiert und hed drum nie wirkliche glaube entwickled. ich ha mi nid la firme mit 18ni, will ich hetti sölle gmeinnützigi arbet leischte und ich finde, es bringt nüd, wenn mer dlüüt quasi dezue zwingt, imene altersheim go schaffe, nur damit sie sich chönd firme la, finds besser, wenn die lüüt das wirklich vo sich us und freiwillig mached. |
| NarrenkönigMo 22.10.07, 17:06 | oni scheiss ? du muesch gmeinüzigi arbeit mache um dich z firme la ? so geil ich han konf untericht gha han d fete gha und han gschänk gha des isch es gsi ^^ |
| babycakeDo 1.11.07, 10:13 | Ich glaub an d`Evolutionstheorie vo Darwin!!! Das isch die plausiblischti Möglichkeit vo dr entstehig vom Läbe!!!! |
| finelineDo 1.11.07, 10:15 | Und wenn de di e bitzli genauer demit usenander gsetzt hättsch wüsstisch dass die darvinistischi evolutionstheorie genau s'gliiche ussseit wie d'entstehigsgschicht in dr bible |
| TeRRorBiBerLiDo 1.11.07, 10:18 | wär kei angst vo em tüfel het brucht au kei liebe gott...... |
| babycakeDo 1.11.07, 10:20 | Dass Adamus ärde entstande isch und eva us r rippe vo adam?? Ich ha mi no nie so richtig mit dr Genesis usenadergsetzt!! Ich ha in dr bible no nie öbbis vo Selektion gläse!!! Oder vo Mutation und eso! Hingege han ich "die entstehungder arten" vo darvin gläse und cha nid vill ähnlichkeit zur Schöpfigsgschicht erkenne!!! 1 mal bearbeitet, zuletzt Do 1.11.07, 10:24 |
| finelineDo 1.11.07, 10:22 | Du muesch unterscheide was symbolisch gmeint isch und was wirklich passiert isch. Wenn me jetzt moll d'Bibelentstehigsgschicht im Genesis ganz nüchtern aaluegt und die darvinistischi Evolutionstheorie däbedra leggsch, denn wirsch merke, dass es zimmlich s'gliche isch. D'Gschicht wos in dr Bible drinn verpackt isch isch denn e anders Thema. Do handlets sich um Wärt und Gwüsse vorstellige wo me em Mensch hett welle mitgä. |
| babycakeDo 1.11.07, 10:26 | Guets argumänt!! So hanis no nie agluegt, ich ha immer nur die gschichte gläse und ha mi nie ufe sinn dehinter gachtet!! Chapeau!!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©