Festzeit.ch Forum » Sonstiges » was bedeutet JESUS für DICH???
| Autor | Beitrag 136 - 150 |
|---|---|
| CitylightsMi 5.4.06, 20:51 | Lol,das vo dr muffinli bezeichnete gfühl wird als heilige Geist beschriebe (dorum bruchts dä au ) |
| BlackDeathTemplerMi 5.4.06, 20:52 | Also ich glaube Lieber an Auras, und an Tod. Weil das sind "mächt" wo au umme sind, und sie gspürt. Und nei ich mein nid de Tod eso wiener dargstellt wird mit sinnere Sense  |
| CitylightsMi 5.4.06, 20:56 | Mag jetzte kitschig töne aber was isch mit verfiehrig durch irdischi Mächt? Klar wänn mir wenn möglich sofort "alles" gspüre,seh und mache chönne, doch wär das würklich so guet? Jedem das seine |
| aideenMi 5.4.06, 21:00 | @nathizone zungengebete, kenn ich nid, was isch das? puh das isch sehr viel glaube, chunnsch denn nie in konflikt wenn de in dr schuel die wüsseschaftlichi site lernsch, wo jo eigentlich fundiert bewise isch? ich mein das nid agriffend, ich versuechs eifach nochzvollzieh wie du das schaffsch... ich dänk das falls gott git, isch em wichtig das me 'guet' also sozial hilfsbereit und verantowrtigsvoll mit de andere gschöpf (mensche, tier, natur) wo är erschaffe het umgoht und wie genau odr was genau me jetzt glaubt wär weniger wichtig, will es wär doch sehr fies, wenn alli die mensche wo vor jesus gläbt hän oder eifach amene ort gebore si wo si no nie öppis drvo ghört hei in dr höll glande wäre! si chönnte jo nüt drfür das gott ihne das nid au gseit het, dass chönnti nid glaube, dass 'dr liebi gott' so ungerächt wär... |
| aideenMi 5.4.06, 21:09 | isch würklich e tolls gfühl, vo mir usgseh bechunnsch das gfühl durch gueti gedanke, d'aura wird denn ganz rosa und es strahlt au uf anderi lüt ab (wos zuelönd), isch wie es lächle, das wirkt au asteckend. in esoterische kreise isch das d'liebi, d'energie vom universum wo me ufnimmt, in dr wüsseschaft isch das e glückshormon usschüttig (au durch gedanke möglich)... wenn sälber mit dir im reine bisch, wenn an gott glaubsch und dänksch das är di gärn het und du dich durch das au gärn hesch, freud hesch und positiv dänksch funktioniert das au. glaube isch an sich kei schlächti sach, es git halt und zueversicht, aber ebe wenn dr glaube durch mächtigi lüt odr institutione instrumentalisiert wird hani kei verständis meh drfür... |
| imaginati0nMi 5.4.06, 21:21 | ER isch gottes sohn ER isch drettig. 3 mal bearbeitet, zuletzt Di 13.4.10, 21:18 |
| SlackerbitchMi 5.4.06, 21:27 | jesus bedütet mir alles... liebe gruess JESUS... |
| LatreiaMi 5.4.06, 21:56 | Also... Zungebätte isch e sehr interessanti Ahglägehait! Und zwar taucht es s erschd mol an Pfingschde unter de Ahhänger vo Jesus uff. (Nochezläse im Neue Teschtamänt --> ab Apostelgeschichte 2) Sie hän sich alli versammlet und plötzligg sin sie erfüllt vom Hailige Gaischt und jede vo ihne redet e anderi Sproch, wo sie schunscht NIT könne oder beherrsche. Sie bätte also in andere Sproche, drum au "Zungebätte" oder "Sprochebätte". Das isch würkligg e Gschängg vom Hailige Gaischt und das ka me nur, wenn me vo ihm erfüllt isch. Jede ka das beko, wo an Jesus glaubt. Aber nit jede hets. Me isch aber au kai besser Chrischt, wenn mes ka. Wie scho gsait isch es e Gschängg, wo me muess ahneh könne. Ich has z.B. nit, aber s git schunscht gnueg Lüt, wos könne. Die fremdi Sproch (das ka Arabisch si, Chinesisch, Altänglisch, was au immer, ha praktisch alles möglichi ghört!) kunnt maischdens, wenn me nüm waiss, was in Wort bätte. Also wenn aim die richtige Wort und Formulierige fähle im Gebätt. Denn föhn ah fremdi Wort automatisch us aim usezko, wenn me ka Zungebätte. Grundsätzligg het jedi Person nur ai Sproch. Ich ha jedefalls no nie ghört, dass öbber 2 het. Aber villicht gits doch irgendöbber? Who knows... s Döhnt jetzt alles e bitz komisch und verwirrt. Aber das gits würkligg im Name Jesu und isch kai Show. Mini Fründe dien nit im haimligge e Sproch lerne, nur drmit sie so dien, als öb sie Zungebätte könnte. Schunscht würd me sich jo sälber verarsche 1 mal bearbeitet, zuletzt Mi 5.4.06, 21:58 |
| naschiiMi 5.4.06, 22:12 | 1 mal bearbeitet, zuletzt Mi 23.11.16, 14:13 |
| SlackerbitchMi 5.4.06, 22:22 | omg.. was machet ihr do..?! aposchtel..? was isch das? ich ha dänkt do gohts um jesus... |
| naschiiMi 5.4.06, 23:00 | 2 mal bearbeitet, zuletzt Mi 23.11.16, 14:13 |
| finelineMi 5.4.06, 23:14 | Hmmm so vill isch widr gschriibe worde ich glaub villi gschichte uss em alte testamänt muess me bildlich aluege. paradebiispil isch adam und eva. dass d'wält nid in 7 tag erschaffe worde isch, das isch sunneklar, das isch erwiise. in dere gschicht goots drumm em mensch darzlege, was für gedanke sich gott gmacht hett bi dere evolution. was d'plän gsi sind und wie är das uffbaut hett. und wie au scho atönt... d'gschicht stimmt mit dr evolutionstheorie überii. nur bi dr zyt gitts es paar milliönli joore konflikt... aber was mache scho es paar miliönli joore uss nei also jetzt im ärnscht. vill wo in dr bible stoot isch guet und wichtig. und cha me 1:1 im hüttige läbe übernäh. widerum anderi sache hani sgfühl, muess me spiilruum lo. me cha die hüttigi gsellschaft nid mit ere gsellschaft vor 2000 joore vergliiche. Die 10 Gebott, die sind unstärblich find ich. Das sind grundsätzlichi regle wo für alli gälte. für christe und nidchriste. das wird jo au in de meiste fäll so gmacht anderi widrum darf me nid 1:1 so aaluege. nämme mer dr sex vor dr ehe... früener hett d'ehe e völlig andere stellewärt gha. mit 15 isch ghürote worde vor 2000 joor. hütte hürotet me mit 25 oder 30. me sammlet erfahrige in jedem beriich, unter anderem au in dr sexualität. D'sexualität isch es gschänk wo mir nid nur zum kinder mache kriegt händ, sondern au zums gniesse. dorum interpretier ich d'message vo dr bible so, dass si eifach sage will, dass mir vorsichtig mit unserer sexualität umgo sölle, dass uns bewusst isch, wie wärtvoll unseri persönlichi sexualität (und natürlich au die vo andere) isch. Und genau so überlegige lönd sich für ganz vill anderi gebiet vo dr bible mache. villi hardliner versueche all die gsetzt und wiisige genau so z'läbe. aber mines erachtens isch das nid dr sinn vo dr sach. I wünsch euch e gueti nacht. morn wirdi nid so vill schribe chönne. wenn dr e frog händ chönne dr jo e message schriibe. |
| HunterSThompsonDo 6.4.06, 09:28 | chrischt si wird wider mode... z.b. im H&M cha me immer öfters chetteli chaufe mit chrüzli dra...sogar e pseudo-rosekranz... die coole hip-hoppers sind alli ganz gläubig...si säges jedefalls uf MTV und alles was mode isch zieht dementsprechend lüt ah, wird mainstream... was meinet dir so zur komerzialisierig vom chrischtetum? |
| holysmokeDo 6.4.06, 12:24 | geloescht 7 mal bearbeitet, zuletzt Mi 5.3.08, 11:43 |
| naschiiDo 6.4.06, 13:34 | 1 mal bearbeitet, zuletzt Mi 23.11.16, 14:13 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©