Festzeit.ch Forum » Sonstiges » was bedeutet JESUS für DICH???
| Autor | Beitrag 61 - 75 |
|---|---|
| noxonDi 4.4.06, 22:08 | vo dr geburt bis zum tod..das ischs läbe. mängmol churz..mängmol lang. das zwüsche geburt und tod..das isch wiene topf wome cha/muess fülle. nid numme mit wasser ( das fangt a stinke ). sondern mit blueme/pflanze oder was au immer. wichtig isch nur dass me öbbis guets ihne duet damit me mit sich selber zfriede isch und denn isch me au zfriede mit siehne mitmensche. drussko was i demit will sage?  |
| BacktothepastDi 4.4.06, 22:08 | vor 3000 johr hei dmensche no an mehreri götter glaubt... sit 3000 johr glaube sie no an ei gott... und 1905 isch e witere schritt gmacht worde.. nur si die hellere köpf ihrer zit immer bitz vorus |
| naschiiDi 4.4.06, 22:12 | 1 mal bearbeitet, zuletzt Mi 23.11.16, 14:16 |
| aideenDi 4.4.06, 22:38 | ich glaub jesus isch e sehr gerächte inteligänte und weise ma gsi mit guete ideä und wohl au spezielle gabe, das är würkli mol gläbt het isch jo scho zimli sicher. aber es het no vili anderi so lüt geh, au nach ihm, zB dr bob marley (ich mein das jez ärnst), dr martin luther king, odr dr ghandi. oder ganz normali lüt wo chöne heile odr hellsehe. aber abäte wür en nid, ich glaub das die energie wo läbe vo unlebändigem unterscheidet eifach existiert, in allem isch und nid so personifiziert als 'liebe gott', ich glaub es isch eifach eifacher wenn me chli vo dr verantwortig vom läbe an 'e person' wo me sich irgendwie cha vorstelle cha abgeh. karma und gwüssi buddistischi asätz säge mr do eher zue. 'mach die welt dir untertan' find ich dr absolut beschissenschti satz überhaupt, dä gedanke isch unse ruin... gwüssi gebot sin notürlich scho sehr guet für es friedlichs und sozials zämmeläbe, es hei viel weisi männer an dere bible mitgschribe das willi nid abstritte. aber das d'bible nur e uswahlsändig isch wo gwüssi herre zämegstellt hei isch jo spötischtens sit em erfolg vom 'der da vinci code' allgemeinwüsse... vo dr chirche halti nid viel us de obe scho genannte gründ und au was hüt d'chirchene und ihre verträte z.T biete isch schrecklich, kei verhüetig, also kei schutz vor aids, missioniere, und nid zletscht dä ganz sühne und schuld kram, das isch jez würkli eifach im mittelalter erfunde worde zum stutz mache und dlüt unter kontrolle chönne zbhalte... mini meinig 1 mal bearbeitet, zuletzt Di 4.4.06, 22:41 |
| BomburDi 4.4.06, 22:44 | ehm... aideen... the da vinci code isch wohrschinlich nid die idealschti grundlag vonere armumentationsfüehrig zu some thema...  |
| aliennaDi 4.4.06, 22:52 | aber ganz ehrlich, the da vinci code het viel woohrs. unteranderem häts d'kirche suscht ned vrbote.. leider hän vieli (mächtigi) mensche dr ruef vom chrischtetum in abgrund zoge.. |
| aideenDi 4.4.06, 22:55 | behaupt jo nid das die gschicht stimmt, aber gwüssi sache wie ebe das woni erwähnt ha chöme scho vomene wüsseschaftliche hintergrund, aber vilne lüt si so sache erst sit em erfolg vo däm 'easy to read' buech bewusst worde, im reli unterricht lernt me das jo nid wie zB das diä tolle chirche männer de 'weise fraue' ihres wüsse z.T. unter folter abgno hei unds ihne denn verbote hei anderne witer zgeh... wieviel do verlore gange isch  wenn e frau zviel gwüsst, chönne odr gseit het, het me se halt 'usem wäg gschafft' denn wissen=macht=geld und das hei die liebe chirchemänner gärn gha... |
| finelineDi 4.4.06, 23:49 | So, ich schriib jetzt vill... Liis es nur, wenns di wirklich interessiert und dus mit Verstand chasch aluege. Schunsch losch es lieber bliibe... Ich finds wichtig, dass me s'wort Kirche und "an Jesus glaube" vonenander trennt. D'Kirche gitt eim mehr oder weniger vor wie me de glaube z'läbe hett. es chunnt ganz uffd kirche a. gwüssi maches extremer, anderi weniger. Ich persönlich loss mir nid vorschribe, wie ich mi glaube z'läbe ha. ich stell au nid d'Evolutionstheorie in frog. Was ich eifach wichtig find... und i find das Thema do inne eigendlich e super glägeheit zum es paarne lütt d'auge z'öffne... isch, dass chrischt si nid ängstirnigkeit bedüttet. Villi dänke, wenn si s'wort "christetum" ghöre grad moll als erscht "ou... kei sex vor dr ehe" oder "oje... kirche... regle...". Das isch das wo in mine auge wirklich falsch lauft. Das sind sache wo völlig näbesächlich sind und wo jede für sich cha entscheide, wie är was will handhabe. Im Zentrum stoot doch, dass de Christ als Person e Beziehig zu Gott und zu Jesus hett und die Beziehig läbt. Das isch in mine auge de Glaube. Das isch in mine Auge de Mittelpunkt. Uff mi bezoge sagi das moll so... Jo, ich bi Christ, ich glaub an Jesus. I bi aber sitt meh als emne joor nümm imne Gottesdienst gsi. Das bedüttet für mi nid, dass ich wäge däm weniger Glaube ha. Und jo, ich ha e Fründin und mach halt, was me mit ere Fründin in unserem Alter macht. Au ohni verhürotet z'si. Und nei, i bi wäge däm nid e schlächtere Christ... Ich sammle sogar Panini bildli....  sorry, hett miesse si.I bi Christlich erzoge worde, ha mi aber sälber nid gross drumm kümmeret, bis ich moll diräkt mit Gott konfrontiert worde bi. Es isch e Situation gsi, wo ich eifach schlussändlich ha müesse sage, das isch kei Glück, kei Schicksal und au kei Zuefall gsi. Und drumm weissi, dass Jesus und Gott keini Hirngspinst sind. I ha es paar schwiirigi Phasene hinter mir und ich weiss ehrlichgseit nid, wo ich würdi sto, wenn ich mi nid an Jesus hätt chönne wände. Das woni do jetzt verzell isch rächt privat... Aber ich hoff, dass die wos läse merke, was ich sage will. Wenn öpper gnauers wüsse will chan är mir jo schribe. 2 mal bearbeitet, zuletzt Di 4.4.06, 23:53 |
| LatreiaMi 5.4.06, 07:17 | zum DaVinci Code... so vill Unwohres im ene Buech hets no nie geh Laider wird denn au no drunter gschriebe, dass alles wohr sig... jänu! Meh über das Thema gits do: www.sakrileg-betrug.de Genau, Chrischt-si bedütet nit grad, dass me aine uff hailig macht und kai Spass verstoht. Schunscht wär das jo absolut nit mi Ding. Und ebbe... oft muess me d Kirche au trenne. E persönliggi Beziehig zu Jesus lauft nämligg oft ganz anders ab. Wenigschdens fön das villi neui Gmainde ahfo chegge und fördere das au dämentsprächend. Allerdings find ich s Thema "Sex vor dr Ehe" zimligg umstritte. Klar, schlussändligg entschaidet jede für sich, aber d Bible macht drzue im Korinther e ganz klari Ussag und d Bible isch für mi definitiv KAI alts und verstaubtes Buech, sondern Gottes Wort, wo ewig isch. |
| LatreiaMi 5.4.06, 07:21 | Allerdings find ich s Thema "Sex vor dr Ehe" zimligg umstritte. Klar, schlussändligg entschaidet jede für sich, aber d Bible macht drzue im Korinther e ganz klari Ussag und d Bible isch für mi definitiv KAI alts und verstaubtes Buech, sondern Gottes Wort, wo ewig isch. 1 mal bearbeitet, zuletzt Mi 5.4.06, 11:14 |
| aliennaMi 5.4.06, 10:59 | heckenrose, ich bin eini vo dene, wo das wo im sakrileg stoht, glaubt! für mi machts kei sinn, wieso jesus kei frau hätt sötte gha ha. ich gseh jesus au ned als gottes sohn, aber im gegesatz zue däm, glaub ich an gott. halt eifach ned an d'bible. für mi isch d'bible e chronik uss dere zyt und e buech mit guete läbenswiese und e hilfestellig, aber ned gottes wort. ich weiss, das dönt bits widersprüchlich, aber das isch das, an was ich glaub. |
| cescaMi 5.4.06, 11:13 | Hey!! ich ha scho soo viel mol dörfe erläbe, dass es Gott git! wil ich bi mit 2 e halb johr fascht gstorbe und ich bi scho z 95% tod gsi! und lueget mi jetzt aa! ich läb immerno!! ich bi überzügt, dass es jesus geh het! wil es het scho soviel bewiies geh, dass d sache wo in dr bible stön stimme! das isch eifach dr hammer!! für mi isch gott mega wichtig! ich weiss ich dörf immer zu ihm cho, wenn ich öppis ha! ich weiss er isch immer do und er lost mir zue! ich cha im alles verzelle! obwohl er alles wo ich ihm sag scho weiss, er isch eifach do! und das isch eifach nur geil!! jo das wär mi bitraag si!! |
| SnouhousiiMi 5.4.06, 11:53 | ich möcht do mol mis härz usschütte, di wos interessiert sölles läse, di andere chönnes si lo! also ich ghör so zunere chline gmeinschaft, wo an jesus und gott glaubt (christlichi richtig). aber döt wird dir eifach s halbe läbe vrbotte und isch das richtig? je länger je meh hinterfrog ich das ganze! es cha jo nid si dass es für di ganzi menschheit nur ei glaube git?!?! mini meinig isch di, dä glaube wo me drzue erzoge isch, isch dr richtig! ich wird witerhin zu dere gmeinschaft ghöre, wül i ebe drzue erzoge worde bi, aber es isch unmöglich dass ich mi an ALLI regle, wo di ufstelle halt! das cha jo kei normale mensch! ich würd mich über öffentlichi wi privati rückmäldige sehr freue! ps. wägem sakrileg, ich has nid gläse, aber drfür illuminati... also ich weiss nid, ich has buech super gfunde, aber ich ha jo nüt glaubt wo döt inne stoht. und i bi vorher schnell uf dere siite gsi wo d heckenrose ageh het und i ha gschnäll ca. 2 sätz über das buech gläse, und deswäge dänki, i wirds au bim sakrileg so ha wi bi illuminati! |
| naschiiMi 5.4.06, 13:10 | 1 mal bearbeitet, zuletzt Mi 23.11.16, 14:16 |
| finelineMi 5.4.06, 13:16 | @natizone hehe, du hesch do öppis falsch mitkriegt. ich has vom sex vor dr ehe gha aber du hescsh scho rächt.@snouhousii ich finds wichtig, dass du dir chasch sälber zrächtlege, was du für di am wichtigschte findsch. Ich bi au in dr Jungschar... Vill regle gitts nid, aber eher prinzipie, wo wie regle übere chömme. vo däm här isch das ähnlich. zum biispil wänd si dir s'konkubinat verbiete. und do sag ich eifach nei. das will ich nid und das loss ich nid zue. Ich finds truurig, dass immer d'Regle und d'Kirche im vordergrund miend sto. De glaube isch das wo zentral sött si! alles andere chasch dr sälber usssueche. Jede isch gnueg alt zum entscheide, was für ihn s'beschte isch. S'Wüsse, dass me nid ellei uff em wäg isch, das isch doch s'A und s'O! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©