Festzeit.ch Forum » Sonstiges » was bedeutet JESUS für DICH???
| Autor | Beitrag 76 - 90 |
|---|---|
| naschiiMi 5.4.06, 13:21 | 1 mal bearbeitet, zuletzt Mi 23.11.16, 14:16 |
| finelineMi 5.4.06, 13:28 | Das isch e schwiirigi aber mega gueti frog. Ich mach mer weniger gedanke, wie e Kirche sött ussgse... es goot mir meh um e Ruef vom glaube. Wieni scho gseit ha, wird de Glaube sehr oft vo dr völlig falsche richtig aagluegt... aber das hani jo scho beschriibe. I find eifach, es sött meh kommuniziert wärde, was de Glaube wirklich isch. E "nid-christ" sött gse: "Oh, das isch e Christ, är isch glücklich, will är e Bindig zu Jesus hett und sich debii sicher und geborge fühlt" und nid "Oje, e Christ, das sind doch die, wo kei Sex vor dr Ehe wänd". Und das isch genau das wo falsch isch, wo falsch kommuniziert wird und wo de Glaube ins völlig falsche liecht stellt. Das müessti sich grundlegend ändere. Will alli Regle sind mines Erachtens nid unwichtig, aber zweitrangig, will eifach d'Beziehig mit Gott im Vordergrund stoot. Ich hoff das beantwortet dini frog einigermasse. |
| naschiiMi 5.4.06, 13:32 | 1 mal bearbeitet, zuletzt Mi 23.11.16, 14:16 |
| HunterSThompsonMi 5.4.06, 13:35 | ich chan nid vill afoh mit jesus....allgemein mit dr chirche ich glaub ans jenseits, an en gott... aber nid a DEN GOTT vo de chrischte... es isch ganz natürlich dass sich mensche s'jenseits vorstelle, komisch wirds aber wenn eim vorgschriibe wird was me dörf und was nid damit me in DAS JENSEITS(also in himmel) chunt. vor allem find ichs komisch dass gwüssi LÜT(also d'oberhäupter vo dr chilche) meine si chöne in namen gottes rede...mit wellem recht spreche si im namen gottes? Luschtig isch au dass sich d’religion vo 2.3 milliarde mensche uf e gschticht stütz, wo 2000 joohr alt isch. Betonig uf GSCHICHT. Niemer chan garantiere das das alles würklich so passiert isch. Niemer. Und wenn me die manipulation vo dr gsellschaft im mitelater durch d’chilche mol ibezieht... denn chan ich säge dass die version vom BUCH(bible) wo me in jedem lade chan chaufe, zu 99.999% nid vollkomme wohr isch. Ich chönt jetzt no es paar schlagfertigi argument meh us dr hosetäsche zieh. Bringt aber so oder so nüd, weil die lüt wo dr weg zu jesus gfunde hend, mit dene cha me über das so oder so nid diskutiere. Saleee  |
| naschiiMi 5.4.06, 13:38 | 2 mal bearbeitet, zuletzt Mi 23.11.16, 14:16 |
| bluegreyMi 5.4.06, 13:40 | Ich bin nicht sonderlich Gläubig! Aber ich bi dankbar, dass mer durch Jesus es paar Freitäg gschänkt becho hei! |
| finelineMi 5.4.06, 13:43 | @ Perskindol Mängisch frog ich mi, öb ich mir die Sach z'eifach mach. Aber ich bi mir trotzdäm sicher, dass ich de Wäg ins jensitts finde wird. OK, ich mach mir nid vill gedanke derüber, wenn ich ehrlich bi. Aber ich weiss, dass ich E guete Christ cha si, egal öb ich jetzt mängisch scheiss schnur (frog mini lütt wievill scheiss ich schnuur ) oder öb ich jetzt rauch oder moll zvill bier trink. Ich find, das hett kei diräkte Zämmehang. Weisch was s'schöne am GLAUBE isch? är weckt s'guete im Mensch. klar, jetzt chönnt eiene cho und sage "weisch wievill krieg uff religion basiere". denn muess ich eifach sage, dass es nid krieg sind wo uff glaube basiere. es sind Krieg wo uff Kirche basiere. Mit glaube bruuchsch kei Krieg. Mit glaube lehrsch akzeptiere, dass nid jede so si cha wie du. Nid jede dänke cha wie du. und das extrem wichtig. |
| naschiiMi 5.4.06, 13:50 | 1 mal bearbeitet, zuletzt Mi 23.11.16, 14:32 |
| JackyKiller2Mi 5.4.06, 13:51 | I bi Chillepfläger gsi und stand au derzue Chrischt 'si. Aber für mi isch scho Gott massgäbend, und nid dr Jesus. |
| finelineMi 5.4.06, 13:53 | Hoi zipfel Jesus... Gott... Heilige Geist. Schluss ändlich chunnt das au nümm druff aa. de wichtigi Gedanke isch doch eifach dä, dass du weisch, dass gott do isch. Egal in welere Form. |
| naschiiMi 5.4.06, 13:54 | 2 mal bearbeitet, zuletzt Mi 23.11.16, 14:15 |
| CartierRoyalMi 5.4.06, 13:56 | also ich glaub nid an gott!! ich glaub zwar dases so öppis wie schicksal git aber nid das es e höcheri macht git......usser d natur...ich dänk das passiert eifach ohni das mes grad uf gott schiebe mues...... |
| BacktothepastMi 5.4.06, 13:56 | Wieso glaubt me eigentli nümm an Zeus, Hades usw.? An alli griechische oder römische oder keltische Götter? Wills die gar nie geh het.. dMensche händ en erklärig brucht.. en erklärig fürs Läbä, für dWelt.. und hüt finde sich alli die verschiedene Götter mit ihrne verschiedene Funktione in einere Figur.. jä.. genau die.. abr wenn jetzt öper zu euch würd ko und sägä er glaubi an Jupiter und Mars, denn würdet ihr en uslache.. die evolution vo polytheismus zu monotheismus isch übrigens uf jedem erdteil erfolgt.. skomische isch eifach das eure Gott.. dr einzig und wohri.. us allne andere götter entstande isch.. abr an die glaubt niemerts me.. Für mi gits öpis.. abr das isch scho im mensch dinne.. und i wirds nid gott nenne.. will die bezeichnig vo de gläubige selber scho in dreck zoge worde isch.. i nenns mol sguete im mensch.. und i glaub das het jede.. abr i bruch ke religion und ke kirche und ke bible und eigentli gar nüd um an das zglaube.. es isch gar ke glaube.. und wenn ihr dbible mol genau läset.. (jä ich als atheischt ha se zweimol gläsä.. will schliesslich bildet me sich e meinig nur durch wüsse) wärdät ihr vill sache drin finde wo eher richtig science-fiction als gottes worte töne.. |
| HunterSThompsonMi 5.4.06, 13:56 | mhm...mini frooge sind aber immer nonig beantwortet und wiso bisch du dir so sicher dass du zu jesus gfunde hesch? erklär mr dass dass isch so oder so sgröschte phänomen vo de religione. wiso sind ihr euch sicher dass es jesus isch? het er euch gseit "hei ich bin jesus" oder wie isch das gluffe? |
| finelineMi 5.4.06, 14:03 | @ Perskindol Sage mirs moll so... ich bi dezue erzoge worde... ha mir nid zvill gedanke gmacht. Aber denn bini an e Punkt cho, wo ich eifach diräkt mit Gott persönlich konfrontiert worde bi. E punkt wo ich ha müesse sage, dass das kei Glück, kei Zuefall und ebefalls kei Schicksal gsi isch. Nei, ich ha e diräkti Antwort kriegt. Und sitthär isch für mi glasklar, dass Gott do isch. Ehrlichgseit wünschi jedere Person e sone erläbnis. In irgend ere form. Aber für das muess de Mensch sich zerscht moll öffne und d'Möglichkeit offe lo, dass so öppis passiert. Wenn me vo afang a seit "Gott, das isch gugus, das gitts nid"... Jo, denn chasch sicher si, dass de nid so schnäll mit Gott konfrontiert wirsch. Will dus nid zuelosch. villicht bisch scho mehrmolls mit gott konfrontiert worde und heschs denn eifach uff Glück, Schicksal oder Zuefall zrugggfiert. Das söll jetzt nid als Vorwurf töne. Was ich sage will isch, dass wenn me Gott erläbe will, denn muess me sich sowitt öffne, dass mes zuelosst. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©