Festzeit.ch Forum » Politik / Religion » US Wahle 2008
| Autor | Beitrag 151 - 165 |
|---|---|
| holysmokeFr 19.9.08, 10:00 | ganz e so falsch isches jo nit wiemes jetz gseht. aber het nit de clinton 80milliarde überschuss gmacht jedes johr, und de tolli busch 1billiarde verlust jedes johr? das gäld griegesi zur hälfti vode japaner oder? diä verkaufe sich regelrächt... i frogmi eifach wiso das de breite masse nit bewusst isch, und si nit meh zum obama tendiere... |
| TexanDudeFr 19.9.08, 10:03 | Will dr Obama kei Ahnig het, ebeso wie dr McCain... si beides keini Wirtschafter. Und dr Obama het sich mit sine Ussage zur Wirtschaft sowiso scho disqualifiziert mit billigem Populismus und unrealistische Versprechige |
| holysmokeFr 19.9.08, 10:04 | es sin aber (zumindest das wo ich mitgriegt ha  ) sehr wichtigi versprächige.zum bispiel de ufbau vonere sozialversicherig. das isch jo huere hart jetz det ähne ohni das zügs. und das könntesi sich jo locker leiste wennsi nümm düen kriegerle! |
| TexanDudeFr 19.9.08, 10:10 | Das isch aber nüt wo dWirtschaft stüzt sondern dWirtschaft belastet... drum sicher im Moment nit sdrängenste Problem... Und das mitem kriegerle isch sone Sach... sie sin in Irak, sie hei dr Saddam gstürtzt, sie trägä dVerantwortig füre Irak und das bedütet sie hei dörte zbliebe bis dSituation im Griff isch... will wensi dIraker eifach im Stich leu sisi völlig erledigt in dr Welt, userdem wird den au alles Geld für nüt investiert worde si im Irak, und dSoldate si für nüt gstorbe... meh het Operation Iraqi Freedom agfange jetzt muesmese au beende, alles andere isch e Betrueg ande Iraker und de Amerikaner |
| holysmokeFr 19.9.08, 10:18 | das belastet d wirtschaft nit. sondern hauptsächlich de staat, am afang sowieso. und dr wirtschaft gohts eigentlich garnit schlächt, was sell denn diä ussag. es isch eifach s falsche system gse bzgl hypotheke und wär frissts jetz widr us? nit d wirtschaft, sondern diä agstellte und de staat. diä hän eifach e absolut falsche nationalstolz! si chönne d verantwortig im irak abgäh, für das gits unzähligi organisatione. aso es isch wirklich froglich wemme sich ufgrund vo dene ereignis im irak gege s wohl vom eigene volk entscheidet! |
| TexanDudeFr 19.9.08, 10:25 | dWirtschaft würd aber schlussendlich trotzdem dKoste träge sowie dr Einzelni... oder meinsch die Sozialversicherige werde nit mit höchere Stüre finanziert? Was passiert weme dWirtschaft reguliert und sich türi Sozialsystem leistet chasch in Europa gseh... dr kontinentali Kapitalismus isch scho lang nüm konkurenzfähig zum anglo-amerikanische... oder em chinesische... Inde USA übernäme halt Kirche und privati Organisatione dVorsorg für dMensche und nit dr Staat, es isch e System wo über Eigeverantwortig und freiwiligi Solidarität lauft, nit wie bi eus über dr Staat wo vorschrifte erlosst und dMensche zu Solidarität zwingt... Was für Organisatione? NGOs? dUNO? Die hei weder Truppe no Geld... die chöne gar nüt userd Konferenze abhalte und den irgend e Text zverfasse wo keine interessiert... nei, nei... dIraker selber sägä das dUSA dVerantwortig hei und die hei au am meiste investiert im Irak also wei si au dr grössti Ertrag drus... |
| holysmokeFr 19.9.08, 10:30 | mir sin nit konkurenzfähig? |
| TexanDudeFr 19.9.08, 10:36 | dEU? oder dSchwyz? dEU tümpelet nur so vor sich ane, es seit keine das sie kei guete Lebensstandard het... aber sWachstum isch lächerlich, und das scho lang, dMacht vode Gwerkschafte ruiniert jedi Industrie, die hoche Stüre und reglementierige verschrecke investore, die viele Ferie und kurze Arbetstäg zum Teil koste e Vermöge, dr Arbetnehmerschutz isch zstark... Europa chönt soviel besser si |
| holysmokeFr 19.9.08, 10:41 | im vergliich zur schwiiz isch d EU schwerfellig, jop. aber das isch nit zwingend negativ. es isch halt sehr "ruhig". es ka nit schnäll uffe, es ka aber au nit schnäll abe miter wirtschaft. und sorry, schlussändlich gohts ums wohl vodr bevölkerig und nit ums wohl vo es paarne wo leitendi positione idr wirtschaft hän. allerdings kani dir zuestimme das d gwärkschafte ame ächt absurdi vorstellige hän. zB chuum gits gwünn verlangesi lohnerhöhig, statt demit e polster z bilde. |
| TexanDudeFr 19.9.08, 10:47 | Mit was isch em Volk meh do? Mitemene Staat wo vorschriebt wieme lebe mues und das alles mit hoche Stüre finanziert und dr Bürger wie e Kleikind behandlet oder e System wo dEigeverantwortig vom Bürger ins Zentrum stellt, wo niedrigi Stüre sGeld bim Einzelne leu und jede sini Vorsorg und Lebensplanig individuell gstaltet? Ich persönlich zieh sZweite vor, ich cha selber entscheide was ich will und für was ich mich isetz, wenn ich will solidarisch si den zahli and Kirche Geld us freie Stück, ich bruch kei Staat vomi dirigiert und mir seit was ich für Vorsorge brucht und was min Mindeslohn söt si Eigeverantwortig statt Staat... isch dr no nie ufgfalle das vieli Mensche sägä sLebe im Usland isch agnehmer obwohlme me schafft und weniger verdient? Das isch wilde din eigene Herr bisch und nit sKleikind vom Staat wie bi eus |
| ARK0NFr 19.9.08, 10:49 | Zitat: xXxNostradamusxXx 100% agree!!Mann tscheggets mol ändlich, dr Barack het NULL Chance, scho elei wäge sinere Huutfarb... Unterschätzed dr Rassismus vo de Amis nid ! Und was mit Europäer für guet halte heisst in de USA gar nüt !  Meined ihr die "lose" uf UNS ???! Wär biz naiv, nit  |
| holysmokeFr 19.9.08, 10:55 | Zitat: Reaganomics d USA isch doch s beste bispiel dases nit funktioniert. 20'000 obdachlosi in NewYork. und kei chance us däm eländ use z choo!Mit was isch em Volk meh do? Mitemene Staat wo vorschriebt wieme lebe mues und das alles mit hoche Stüre finanziert und dr Bürger wie e Kleikind behandlet oder e System wo dEigeverantwortig vom Bürger ins Zentrum stellt, wo niedrigi Stüre sGeld bim Einzelne leu und jede sini Vorsorg und Lebensplanig individuell gstaltet? und mir schribt nüemerts vor wieni z läbe ha?? höchstens mi arbetgäber -> wirtschaft. was sin denn das für argument. Zitat: Reaganomics i gseh du bisch imene riiche land ufgwachse, mit guet verdienende eltere. stimmts? höhö nit schwer z errote.Ich persönlich zieh sZweite vor, ich cha selber entscheide was ich will und für was ich mich isetz, wenn ich will solidarisch si den zahli and Kirche Geld us freie Stück, ich bruch kei Staat vomi dirigiert und mir seit was ich für Vorsorge brucht und was min Mindeslohn söt si jäh, für waaaaaaaaaaaaaaaaaaaaaaas bruchts au e mindestlohn. wiä kunnte nur uf so absurdi sache. hey, wennde moll i dere situation bisch dasde de ganz taag schaffsch und trotzdem nit kasch devo läbe, was denn, waaaaas machsch denn. schribsch dr kirche e brief? bättisch denn zu gott und hoffsch dases brot rägnet? ohjehhhhh. Zitat: Reaganomics wieso bisch du noni usgwanderet?Eigeverantwortig statt Staat... isch dr no nie ufgfalle das vieli Mensche sägä sLebe im Usland isch agnehmer obwohlme me schafft und weniger verdient? Das isch wilde din eigene Herr bisch und nit sKleikind vom Staat wie bi eus |
| proiureFr 19.9.08, 11:00 | s goht doch efach drumm, dass meh möglichst viel freiheite losst und dr unternehmenswille und d kreativität vo de lüt nit mit überreglementierig und hocher stürbelaschtig zerstört! und btw, e starki wirtschaft schafft em staat gnueg mittel. aber die balance muess meh efach finde und ebbe nit d lüt vom unternehmensgang abhalte |
| holysmokeFr 19.9.08, 11:04 | jop, genau, d balance machts. me dörf eifach nie vergässä dasme nit ellei isch und das halt nit alli diä gliche vorussetzige hän und halt nit alli s gliche glück hän zB in e riichi familie ine gebore z sii. |
| ARK0NFr 19.9.08, 11:10 | lol Reaganomics de holysmoke het der hauptsächlich gseit, was ich au gseit hätti. Wasi aber no erwähne will, Thema USA, nitnur soviel Obdachlosi, sondern 50 Millione Mensche ohni Krankeversicherig! Krankeversicherige sind dörte NIT verpflichtet öpper ufzneh. En Arbeitslose nähmets erscht recht ned uf und öpper wo krank isch aunit! Du wirsch bide Spitäler abgwiese wenn kei Krankeversicherig hesch. Das isch en enorm krassi zweit Klass Gsellschaft. Ich empfiel dir mol de Film Sicko zluege... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©