Festzeit.ch Forum » Sonstiges » Schande für die Schweiz - cablecom
| Autor | Beitrag 1 - 15 |
|---|---|
| neokataMi 17.5.06, 20:56 | Ha in mim Blog hüt e grosse Itrag gschribe über cablecom, und ha denkt vilicht interssierts euch au...euri Meinig würd mich au interessiere zu dem Vorfall. __________________________________________ So hüt het mer öbber wirklich de Rescht geh, jetzt mol öbis über "cablecom highspeed internet" z schribe (wobi highspeed nid zuetrifft, eifach mol witerläse...) Agfange het das ganze mit monatlicher Werbig per Poscht, plötzlich han ich vo dene es Telefon becho. Si hen mir empfohle zu cablecom z wächsle mit em Internet, do das günschtiger und attraktiver sig. Ich bi kurz devor gsi, de Wechsel vorzneh. Wenn do nid das Problem gsi wär mit dr Technik. Die Frau het mir bezüglich däm Thema nid chöne witerhälfe, do si selber kei blasse Schimmer vo irgendöbis het, ussert vo intrige Spili. Isch jo egal was es gsi isch, uf jede Fall wär dr Wächsel zu dem Abieter uf ca. 150 Franke cho plus Techniker wo Kabel verleggt. Nach tagelangem Telefoniere mit cablecom und em Chef sin mir denn zum Entschluss cho, mer löns blibe. Das isch die bescht Entscheidig gsi, wo mer hätt chöne träffe. Si hen nur no gmeint, dass Bluewin mit de Prise ufegoh wird endi Joor. Aber wer macht das scho nid... Nach langem Nochforsche und Telefonat mit Bluewin bin ich richtig shockiert gsi vo cablecom und dene Ihre versteckte Bedingige. In de AGB's stoht unter Punkt 6: 6 Fair Use "...der Kunde darf durch seine Internetanknüpfung andere User nicht beeinträchtigen, behindern oder einschränken...durch das andauernde Ausschöpfen seiner Übertragungskapazität. Cablecom behält sich vor...eine Reduktion der jeweils vertraglich festgelegten Werte für Up-/Downstream zu veranlassen. Ausserdem kann sein Interentzugang...gesperrt werden." E absoluti Frächheit, und wenn mer zudem no weiss, dass über cablecom alli die glich Leitig benutze und über Bluewin jede die eigeni Leitig het, isch das absolut drnäbe. Mag vilicht "fair" si, wills Internet wirklich langsamer wird bi de andere denn, aber vollkomme übertribeni Konsequenze het. Und mi Kolleg het jetzt genau das Problem. Bi ihm fallts Internet zobe nämlich immer zu dene Spitzezite komplett us. Und so öbis isch vollkomme inakzeptabel und e Schand fürs ganze Land! "cablecom - touch your worlds" - na denn - vil Spass liebi cablecom-Users! Ach übrigens: Die hen gege s Dateschutzgsetz verstosse...ich weiss jetzt nämlich wär cablecom Internet het bi uns im Huus, die het mer schön d Lischte vorgläse  . |
| visionaryMi 17.5.06, 21:01 | Also ich bi z friide. Und e gwüsse Rächtsschutz gege die kommerzielli Nutzig vo private Flat-Rates muess scho gwährleischtet si für e Firma. |
| SchmätterlingMi 17.5.06, 21:01 | naja... do würd ich mol meine, meh sött dr vertrag lääse, bevor meh ihn abschliesst  isch scho frech was sie mache... aber wends nid liesisch, selber schuld  |
| neokataMi 17.5.06, 21:04 | @visionary was heisst do kommerziell? wenn ich zB irgend e private webserver bi mir deheime stoh ha und glichzitig am abelade bi - das isch zB dene vo bluewin völlig egal, will die kei problem hen mit ihrne leitige. @Schmätterling ich han en zum glück nid abgschlosse...aber wer list das scho zerscht dure wemmer sowieso kei ahnig het und die frau am telefon drängt, de vertrag grad am telefon z mache... 1 mal bearbeitet, zuletzt Mi 17.5.06, 21:05 |
| gothbarbieMi 17.5.06, 21:05 | jo wenn di liebe kolleg usefliegt und nimm ihne kunnt. denn söll er alli uf scabelcom icon unte rächts , und denne wäg de verbindig, alli kabel usstecke und wieder iistecke wie es heisst und denn isch alles wieder in ordnig. ich ha bis jetzt nie probleme ka ... |
| neokataMi 17.5.06, 21:08 | es chunt au druf ah wie vil cablecom-kunde grad die glich leitig benutze...wenn das öbbert elei isch gits keini problem...und de sinn vo dene kabel isch glaubs nid dass die wege dem jede obe müend usgsteckt werde... |
| r2kMi 17.5.06, 21:08 | sodeli..... ich schaff au mi eme kabelinternetprovider und so disussione hei mir au scho oft intärn gha. Was Cablecom macht 100% rächt. Je nach Provider (so zum bsp. bi uns) störts neimert aber isch nid gärn gseh |
| SchmätterlingMi 17.5.06, 21:08 | jo, das wer doof aber jo... ich denk, die meiste lääse d verträäg nit (ich au selte) und es cha scho doof use choo isch no extrem, was alles in dene stoht, wenn meh genau liest und weg dr ahnig... dütsch cha jede(oder vieel, do in dr schwiz), und für "schwirigi" wörter gits dr duden oder wkipedia (schhliichwerbig )aber wie meint die das? chasch j0 nid übers telefoon unterschriieb |
| neokataMi 17.5.06, 21:11 | @r2k es mag vilicht scho "rächt" si, aber es isch e risige nochteil, wenn mer das nid weiss...si verstecke das eifach so guet wie möglich...und die frau am telefon isch au nid wirklich sehr fründlich gsi...die het mi immer welle dränge, endlich de vertrag z mache |
| SchmätterlingMi 17.5.06, 21:13 | klaar das en nid liesisch |
| r2kMi 17.5.06, 21:14 | du ich bi hütt an dr orbit gsi und dört bisch au vo de verkäufer (zum glück nid vo alle) an d Ständ zoge worde --> isch au nid nätt Isch eso, so Callcenterlüt sind sehr oft nid sehr motiviert (isch au verständlich). |
| snowbodyMi 17.5.06, 21:27 | @ schmätterling: es gitt au mündlichi verträäg...  |
| visionaryMi 17.5.06, 21:38 | ->neoPlayhat fotosHeute, 21:04 @visionary was heisst do kommerziell? wenn ich zB irgend e private webserver bi mir deheime stoh ha und glichzitig am abelade bi - das isch zB dene vo bluewin völlig egal, will die kei problem hen mit ihrne leitige. Hesch jo meischtens weniger e private Webserver wo stark bsuecht isch über ADSL dehei und wenn er nit stark bsuecht isch, merkt das d Cablecom kum. Also ich find d Cablecom kuul, so spar ich mir d Tel. Grundgebüre, well ich fürs Tel elei dr Aschluss vo dr Wohnig vo miner Mom obedra ka abeleite. 1 mal bearbeitet, zuletzt Mi 17.5.06, 21:39 |
| SchmätterlingMi 17.5.06, 21:50 | oke aber... wie bewiest meh so e vertrag? also, wird das ufgnoo? sust cha ich jo au sage, das mir e vertrag hend, und du mir jede moonet musch 50 fr zahle well, hmm, jo, eifach |
| neokataMi 17.5.06, 21:58 | nei do bechunsch denn poscht und muesch no unterschribe und zrugschicke |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©