Ich rauch au.

Du hesch scho recht vo wege "Bünzlimentalität" und Paragraphedschungel, aber ich bi dr Meinig, d "Raucher" häns nid andersch verdient. Es git seeeeeehr vieli Raucher wo ABSOLUT kei Rücksicht nämme ufd Nichtraucher. Mängmol isches eim so vorkoo als ob si grad äxtra e Zigi azünde wenn me näbedra am Aesse isch.
Ich denk, s Verhalte vo dene EGO-Raucher het SEHR wesentlich zu dem Abstimmigsresultat biitreit. Zume gwüsse Mass sin also d Raucher sicher selber schuld, dass es jetzt su sonere extreme Gegereaktion koo isch.
Ich finds in Bars und Discos au bitz doof, dass me nüm dörf rauche (aber bi 4-5 Zigis, woni pro Tag im Schnitt rauch halti das au no us), aber ich freu mi extrem uf di rauchfreie Aessrestaurants!

Denn rauche si nüm dinne will si nüm dörfe und wennd use gahsch muesch durch e rauch vo allne raucher wo dusse sind?

@fineline
du luegsch glaub z viel färnseh...

zuedem muesch DU grad als letze was sage.. was du do alles ind luft lasch

Hett doch nütt mit däm zdue. Verstand mi nid falsch
- ich begriff lütt wo bim ässe kei Rauch ins gsicht blose becho wänd. chani völlig verträtte.
- Ich begriff au lütt wo nach emne Ussgang nid wie e Äschebächer stinke wänd.

Aber ich ha schwiirigkeite demit, wenni muess zueluege wie stapelwiis gsetzt erlo wärde will gwüssi idealischte (und jo, es sind idealischte wo so sache initialisiere) meine si miend ihri aasprüch uff die ganz bevölkerig umwälze.

villicht bini jo naiv, aber ich glaub immerno an e stück gwüsse menscheverstand. ich bi dr meinig, dass jede Beizer sött in dr Lag sy, e Rauchfreie und e Raucherabteil iizrichte. Oder Rauchfreii Zyte, so wies zum bispil d'Migrosrestaurants gmacht händ.

Verstand mi nid falsch, es goot mir jetzt nid nur spezifisch um das gsetzt, ich gse eifach, dass das nid die letscht initiative gsi isch. es wird wittergo mit andere sache. es gitt immer unzfriideni lütt wo sgfühl händ, dass ihre aaliige swichtigschte isch und wo meine dass die ganz gsellschaft glich miend dänke wie si.

Jä guet, jetzt darf me nümm Rauche in Basler Lokalitäte.
- Dass de Umsatz in de Gastrobetriib zrugg go wird isch erwiise. Me gsets im Tessin und in Dütschland.
- Jede Iigang vor jedere Lokalität wird zuegstellt sy mit lütt wo rauche. Ich has erläbt in Stockholm, ich has erläbt in Australie, es isch e Witz.
- Es wärde nid meh lütt mit rauche uffhöre wäge däm. Das Zyyl isch e puuri Fantasie vo dene wo die Initiative iigfiehrt händ (Lungeliga...)

Und näbebi... Ich ha scho des öfteren uffghört rauche und ha in dene Zyte woni mi als nichtraucher bezeichnet ha au nid drab gstört wenn anderi um mi ume graucht händ.

Ich weiss, villi begriffe das nid, aber ich gse e grossi gfohr vor ere Marionettegsellschaft. Das hett jetzt nütt spezifisch mit em rauchergsetzt zdue, sondern mit dr stiigende aazahl gsetzt wo irgendöppis verbiete oder iischränke. und das isch mis gröschte Problem woni ha mit däm gsetzt, wills eifach e wittere Schritt in die Richtig isch. Und es wird wittergo. Em individuum wird jeglichi sälbstverantwortig entzoge.

De Punkt isch, dass es so wird wittergo, und dass JEDE vo uns gly denn moll betroffe isch, iigschränkt wird will öpper anders gfunde hett es sig besser so.
think about...

@fineline: isch e kli z lang worde aber i stimmer überii, nur, i dänk scho das lüüt ufhöre wäg däm. well si hocke inere beiz und gsehn nümm ständig diä sch--- ziggis ummeligge und qualme. s rauche "unbequem" z mache hilft doch sicher sich au moll e ruck z gäh und keini z rauche, wells grat so bequem isch.
aber es paar wo hart blibe wirds sicher gäh

Was du aber bi dine ganze Argument vergissisch isch, dass es e ABSTIMMIG gsi isch ... me het das Gsetz nid eifach so vo ooobe aabe igfüehrt. S Volk het das so welle!!!! Mir läbe nunmal inere Demokratie und mir hän die Gsetz wo mir verdiene. Wenn z.Bsp. e Gsetz "gege Alkohol" als nägschts käm, wär s Abstimmigsresultat sicher andersch ... d Nichtraucher sin halt eifach e Mehrheit im Volk. D Raucher müen das demokratisch akzeptiere. Alles andere isch Ummehüülerei.