Rauche isch nit emol läbensnotwändig hingege schnufe scho.... wenn ihr euch das eurem Körper wännd adue bitte... aber lönd uns Nichtraucher do druss.

sehr guet, hoff du losisch witerhin uf mi, denn läbsch länger

Ime gwüsse Sinn scho ... es het viel zwenig Nichtraucher-Restaurant gha in Basel bis jetzt. Ich bi au Raucher, aber ich finds gruusig, wenn ich am esse bi inere Beiz und eine näbedraa qualmt mi voll. Rücksicht nimmt nämlich nid jeede und wartet mit em Glimmstengel ... Es ka doch nid sii, dass e Minderheit (d Raucher) dr Mehrheit (Nichtraucher) d Luscht am uswärts ässe duet vermiese...

Jetzt hingege chönne d Nichtraucher endlich ufatme, und dir chani als Gegeargument, in dim eigene Stil, nur sage: Wieso regsch dich uf ... es zwingt dich jo niemer zum Rauche , also kasches jo im Restaurant genau so guet lo bliibe

Ich bi entdüscht vom Wahlresultat vo gescht.

Vorewäg: Ich begriff nichtraucher, wo keini Raucher im Restaurants wänd. Ich chas verträtte, dass me do nichtraucher-Rüüm schafft. S'Ähnliche bi Bars... Aber bim ässe chani wirklich sage, dass ichs nochvollzieh cha, wenn me kei Rauch ins Gsicht Blose kriege will.

ABER

Bruuts do jetzt wirklich e Gsetzt wo Grundsätzlich s'Rauche verbietet?

Für die wo sich übere Gstank beschwere:
Ich bi scho in mehrere Nichtraucher-Discos gsi. Und Jo... OK, Rauch hett me nümm gschmöckt, defüür sone Süürliche Gschmack, e gmisch vo verschiidenem Schweiss und Getränk. ihr wärdets gse sobald s'Fame Rauchfrei wird. es isch ganz ganz wüescht. Und denn sagi... lieber Rauch als das.
Zweitens bini eifach einisch meh entdüscht vo dr schwizer Bünzlimentalität. Ei verbott meh uff dr lischte vo unserem Gsetzesjungel. Sorry, ich bi jetzt grad 2 wuche in emne land gsi, wo me sich über so sache gar nid gedanke macht, und wiso nid?? will me kei zyt dezue hett, will me sich nämmlich drumm kümmere muess, dass me öppis zässe hett, dass me sini rächnige zahle cha. aber do in dr schwiz händ mer zyt uns gedanke über so pipifax zmache. ischs uns so langwiilig??? Ich versprich euch eins, hütte ischs s'Rauche, morn isch es de Alkohol und als nöchsts chunnt d'Schoggi.
Egal was mer mache, es fühlt sich immer öpper aagriffe, es isch immer öpper unzfriide und es isch immer e Wältverbesserer ume wo öppis ändere will, wills ihm nid passt. Je meh Gsetz dass mer händ, umso meh wärde mer zu ere Marionettegsellschaft. Hejo, wenn öppis verbotte isch muess me s'hirni nümm iischalte, will es isch jo scho verbotte.

Es goot bi däm Gsetz doch nid eifach ums Rauche oder nid Rauche.
Appelliered doch moll and lütt, dass si ihre eigene Menscheverstand iisetze, als dass me immer alles vorschriibe miend! Gönd moll nach Australie oder so, dört sind si no extremer als do und me f¨ühlt sich wie e kleins kind, will eim alles vorgschriibe wird, was me darf und was nid! Und wenn mer do so wittermache sind mer glii glich witt! Aber mached nur so witter wenn drs geil findet uff allne Ebene vo dr Authorität iigschränkt zwärde.

Ich finds in Ornig, s'Stimmvolk heds welle, also. Aber ich bi mal gspannt uf d'Folge vo dem ganze. Ha ghört, dass in Genf d'Raucher vor de Beize vo Awohner mit Fläsche und so beworfe werde. also nur no mit Helm vor de Beiz rauche.