Festzeit.ch Forum » Sport » Kampfsport
| Autor | Beitrag 31 - 39 |
|---|---|
| CoupeDanemarkMi 23.6.10, 10:23 | Hm jo, weiss au nid... MMA schient mr mehr sone Männersport und teilwyys bitz sinnlooses vermöble, aber wirds glaub gliech mol go aaluege. 2 Sportarte paralell han i mr au scho überleggt, denn würd i vermuetlig Kickboxe und Ringe. Aber das isch halt sowohl e Zyt- als au e Gäldfroog. Pankration isch übrigens die ursprünglichi Form vo MMA, han i no usegfunde. Nur dass dört friehner bis zum Tod kämpft worde isch  Für was is will.. hm... sicher in erschter Linie aifach mol, dass i wieder bitz öbbis mach, chli Muskle/Kondition/Koordination wieder uff Vordermensch (me muess jo politisch korräkt si  ) bringe.Wenn i merk, dass i e gwüsses Talänt ha, wär i ev. au für Wettkämpf zha. Sälbstverteildigung isch e positive Näbeeffäkt, wo sich denn automatisch druss ergit... will aber nid speziell uff das trainiere. Jä gits do inne öbber wo MMA macht? Oder cha mr öbber öbbis empfähle zum mol go schnuppere? Ebe, Pries/Leischtig muess aifach stimme. Ha mol öbbis bi dr Kampfkunst-Akademie-Basel gseh, aber 100.- im Monet sinn halt scho zimmli viel für mi, zumals nume 2 Trainigs pro Wuche sinn. |
| cyberb00mMi 23.6.10, 11:11 | MMA isch mitnichte "sinnloses vermöble" ... MMA dreht sich stark um Taktik und Strategie, zumindest im Wettkampf-Bereich. Sprich z'merke oder vorher z'wüsse wo dr gegner sini schwachstelle het und wie mer die zum sieg cha nutze. dementsprechend mue mer au sälber wüsse wo mer sini stärke het und die klug usspiele. MMA isch nid "zwei persone chloppe sich und wer zerscht KO goht, het verlore"  das mit em parallel zwei arte het dr vorteil dass mer beidi sicher tiefer und intensiver erlernt, nachteil isch aber sicher au, dass mer villicht denn au eher z'viel lernt im sinne vo sache wo nur im kata funktioniere aber nid uf dr stross oder im wettkampf. rein für kondition und muskle vermuet i eifach mol wird kickboxe sicher guet si. muesch natürli au ordentlich stoff geh. ohne fleiss kein preis, aber dänke das isch dr bewusst  zum go MMA schnuppere hesch leider nur zwei möglichkeite in beider Basel: d'fightakademie wo gseh hesch. um mol MMA go aluege und bitz schnuppere isch jo eigentli egal wieviel denn d'schuel chostet. schnuppere isch bi seriöse schuelene kostelos. oder gohsch, isch au scho gnennt wurde, in fight-club nach liestal... mehr findet sich grad i dr region nid, zumindest wo im dojoguide iiträgt sind. (www.dojoguide.org) mir hend mol dr Peter Mettler im Dojo gha, i mache jo JiuJitsu. de typ isch sehr glenkig, usduurend und stark. also rein vom körperliche her wirsch in MMA sicher es guets training finde. |
| CoupeDanemarkMi 23.6.10, 11:55 | Cooli Sach, merci scho mol für dTipps. Dass i muess trainiere und nid nur cha Düümli dreihe, isch mr klar. Isch au dr Sinn vo dr Sach, vor allem will i au bitz überschüssigi Energie loswärde .Shaolin-Basel bietet schienbar au MMA aa... was meinsch zu däne? Die hätte je 2x pro Wuche MMA und Krav Maga, was sicher au no interessant wär. Sunscht lueg i mol bitz in dr nöchere Umgäbig vo Basel. Wie gsait, 100.- im Monet isch scho rächt happig. Aber zum mol go schnuppere, wärs sicher öbbis. |
| cyberb00mMi 23.6.10, 12:07 | Krav Maga empfiehl dr nid wenns dr no um dr fitness-aspekt goht. krav maga isch sehr effektiv punkto selbstverteidigung. wie s'shaolin-basel-mma isch, cha dr nid us eigener erfahrig säge. aber het glaub paar schüeler do uf festzeit, evtl üssert sich jo eine per nachricht oder so, mue jo nid public si wenns evtl au negativi pünkt het |
| wamMi 23.6.10, 12:33 | http://www.rugbybasel.ch/cgi/startpage.pl für was kampfsportarte lerne?? |
| CoupeDanemarkMi 23.6.10, 13:14 | Fitness isch aigentlig zweitrangig. Will aifach wieder bitz öbbis mache, wo au bitz Kraft bruucht. Glaub am beschte isch, wenn i aifach mol gang go luege. Rugby wär cool, hä mr in dr Schuel ame gspielt, aber do fählt mr definitiv dKondition. Das chan i so noch 11 Johr Liechtathletik sage und au, dass i das, zumindescht bi Laufsportarte, nid durch Training anebechum (anderi Sache göhn scho). |
| kevMi 23.6.10, 13:55 | Zitat: ReservoirDog gits so was au im fricktaaaal??? |
| wamSo 27.6.10, 19:48 | nid, dass i wüsst.. ämel nid in de obere lige.. |
| ToxicatedSo 27.6.10, 22:40 | gits ide schwiiz irgendwo en baseball training^^ kendo allei ish langwillig^^ |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©