@Hirad
So eifach ischs ebe nid. Unsere hütigi Kapitalismus basiert uf Usbeutig. Eifach gseit heisst dass:
Mir produziere billig immene Entwickligsland oder hole dört billig unseri Rohstoff und verkaufe denn das Ganzi bi uns zummene erschwingliche Pries (oder veredles ebe ums zummene übertürte Pries zverkaufe). Billig ischs deshalb, wege dr dörtige Währig und dr nid usbildete Mensche.

Sobald mir aber nümm immene Entwickligsland produziere bzw. unseri Rohstoff nümme dört beziehn, wirds tür für uns! Falls d Entwickligsländer uf es ähnlichs Niveau wie z.B. d Schwyz kömme, isch au nüd meh mit billig für uns (genau deshalb isch me au nid dran interessiert, die Dritti Welt unbedingt technisch und geistig uf unsere Stand zbringe)!

Mir verdanke unsere Wohlstand also am Kapitalismus, welle in erster Linie ufem Buckel vo Entwickligsländer lastet (und wers nid glaubt, söll emol uf diverse Produkt lese wo die hergstellt worde sin ).

Die gross Frog isch jetzt, was passiert, wenn Länder wie Afrika vo sich us gliech durestarte wie China?

Die nögscht Problematik bi unserem Kapitalismus wird in dr nögschte Johr zgseh sie. Mir versueche alli Märkt z öffne, um immer billiger alles z kriege.

Drbi gits aber mehr Verlierer als Gwünner, denn vieli Lüt verliere ihri Arbeit well dodurch numme no Grosskonzern ihr Produkt an Maa bringe könne. Wenn jetzt z.B. am Afrikaner dodrbi sini Existenz wegnimmsch (wie jetzt am Vorzeigebiespiel offene Milchmarkt. Vieli Afrikaner beiteilige sich an dr Milchproduktion), denn stöhn sie mit no weniger do als jetzt scho.

Also was würdet Ihr in sommene Fall mache? Ganz eifach: Uswandere und s Glück im Usland sueche, wie damals vieli in d USA usgwanderet sin. Und jetzt numme no 1+1 zämme zähle.

jetzt werds aber kapitalesmusfeindlech

also ich fende kapitalesmus guet. ergendwer het mol gseit (sry, weis nöme wer):
"Kapitalismus mag ein scheiss system sein... aber immernoch das beste von allen"

Also de CharnyBarny treffts genau... ond do gset mer s problem au. sie händ s knowhow ned ond es esch doch sehr utopisch z glaube, dass sie sech das no aeignet. ond ich fende, dases secher ned eusi ufgab esch, ene das know how z vermettle, resp. afrika met gäld z onderstötze, wo denne eh an ergendwelchi riichi afrikaner got. wie öber gseit het. sie händ kapitalesmus oder vode politik här au demokratie nie kennt. jetzt chöme mer westler ond dränge ene das system uf. mer händ veeeeli johr ziit gha das z wärde womer send... ond trotzdem wartet mer jetzt druf, dass alli demokratie händ ond kapitalesmus anerkennet...

mech donkts, dass alli do grad voll öber kapitalesmus abeläschderet ond säget, wie scheisse das alles esch. mol ehrlech, so schlächt gots euch doch ned oder? jede chan öbis us sech mache. met isatz ond motivation. bests biispel: china.

Kapitalismus isch s einzig wohre.

Alli Gegner sölle suscht emol zum Kim Jung Il odr wie dä heisst go, s ach so tolle kommunistische Korea go aluege

Kapitalismus basiert druf das Mensche us eigenem Atrieb Gschaeft moeche mitenand was zum Vorteil vo beide Site isch... Niemts zwingt oeper oepis zkaufe oder zverkaufe. dAfrikaner wei Handel und kei Entwickligshilf, vorallem wilsi konkurrenzfaehiger sin mit ihrne Produkt als Europaer und Amerikaner wo selbst mit Subventione mueh hei zueberlebe.

China isch sit Joore dr Motor vo dr Weltwirtschaft und het drzue bitreit das euse Wohlstand gstiege isch, und in Zuekunft wird das no viel meh so si... schliesslich warte 1,25 Mrd. Chinese druf TVs, Autos, Kuehlschraenk, Radios etc. zkaufe... es wird dr groessti Konsumentemarkt vo dr Welt werde. Was soet also schlecht dra si das Afrika dr glichi Weg ischloht?

Wie scho gseit, free trade wuerd Afrika erheblich helfe dasi in dr Lag sin wesentlich meh vomene Rohstoff herzstelle zu niederigere Prise (und bi gueter Qualitaet)... die kurzfristige Verlier vo dem sin nit dAfrikaner sondern dBuure in Europa und de USA. Die sin naemlich of nit konkurrenzfaehig und lebe nur will dAllgemeinheit fuerse zahlt.

Wenn Afrika jetzt ihri Rohstoff immer in riche Weste verkauft, denn wird das nie eso werde. Die Riche afrikaner (wo d Mine bsitze) werde mit dem vill Geld verdiene, aber de Bevölkerig wirds nüt helfe, si werde denn halt vomene lokale Schwarze zwunge für praktisch nüt zu extrem schlechte Bedingige in Mine z schaffe... Und Profitiere duet trotzdem dr Weschte, au wenns e Prisufschlag für dr Gwünn vom lokale Bsitzer git. Aber für d Bevölkerig änderet sich genau nüt...

jo klar esch das so. aber ehrlech gseit hani do öberhaupt kei gwössensbess! ich ben doch ned vörs triibe dörte verantwortlech... werom sötte mer euses system ändere, nor damets dene in afrika besser got? osserdem düend d afrikaner eri rohstoff ect. freiwellig verchaufe! dasch doch ned euses bier, öb dörte ergend en riiche afrikaner hocket wo vell gäld macht ond sini agschdellte nüt get.

es esch krass jo, aber so esch s gschäftsläbe halt. nor die wo sochli nachem motto: "du musst ein schwein sein in dieser welt" chöned vell chöle mache. de "bigboss" us afrika.. de mues jo emol d idee ond de muet gha ha, so öbis ufd bei z stelle. jetzt müesst sech d bevölkerig es biispel a dem neh ond versueche s gliich erreiche. d chinese send nor so wiit wöll sie sech s ziil gsetzt händ, eifach besser z si als mer

Lueg, villi Mensche (grad in Afrika) hend kei gueti oder gar kei Bildig, und sind dodemit in Europa oder de USA überhaupt nid konkurrenz- oder Überlebensfähig. Was füre Job söll e Analphabet in dr hüttige Gsellschaft scho überneh?

Und allgemein zu afrika: Du redisch jetzt devo, dass Afrika dr glichi Weg ischloh söll wie China. In China het me gseh, wie verheerend de Weg für die chinesische Bürger isch. China het sich extrem lang eifach unterem Wert verkauft, und debi die eigene Arbeiter lide loh. China isch früener eifach e günschtigs Produktionsland für dr richi Weschte gsi, und nid meh!

In Afrika gilt genau s gliche. Was bringts Afrika, wenn si alli ihri Produkt in Weschte verkauft? Was afrika brucht isch nid e Finanzielle Wohlstand, sondern meh Produkt wo im Kontinent blibed. Die Arme vo Afrika wend verdammt nonemolle nid $$$ sondern ganz eifach e stück Brot, e vernünftigs Huus, Bildig (isch dört scho luxus...) und Überlebenschancene...!

Wenn Afrika jetzt ihri Rohstoff immer in riche Weste verkauft, denn wird das nie eso werde. Die Riche afrikaner (wo d Mine bsitze) werde mit dem vill Geld verdiene, aber de Bevölkerig wirds nüt helfe, si werde denn halt vomene lokale Schwarze zwunge für praktisch nüt zu extrem schlechte Bedingige in Mine z schaffe... Und Profitiere duet trotzdem dr Weschte, au wenns e Prisufschlag für dr Gwünn vom lokale Bsitzer git. Aber für d Bevölkerig änderet sich genau nüt...

Ja, dAmerikaner hei Afrika ind Armuet und in Tod gstuertzt... am meiste hei sich dAfrikaner selber ins Elend manoevriert... und die Programm vom Bush sin scho sit Joore am laufe und hei bereits Millione grettet, do bruchts keini Zuesage... sogar dr Bono het gseit dr Bush sig e Held

Und das mit de Subventione stimmt scho... nur sins grad die Linke wo sich fuer Subventione und Protektionismus stark moeche... und nit Kapitaliste und Unternehemer, ich unterstuetz dAfrikaner absolut in ihrem Wunsch e fairi Chance ufem Weltmarkt zbecho... das bringt nit nur meh Wohlstand und Hoffnig fuer Afrika sondern au niedrigeri Prise und Stuere fuer Europa bzw. dUSA... das Luet wo den was zArbeite hei nit fluechte muese loest au sFluechtlingsproblem nebebi...