Festzeit.ch Forum » Politik / Religion » 1'000'000'000: Ein Milliarde Menschen leiden an Hunger
| Autor | Beitrag 61 - 71 |
|---|---|
| RadioaktivesKindMo 22.6.09, 10:54 | Ou ja uff eine wo mit em Darwin chunt ha i gwartet. Sorry WHF das isch aber dr gröscht Quatsch wo ich jetzt gläse han. Nochdäm was du gschriebe hesch handlet d Schwiz jo total gege d Natur, mir erhalte Behinderti und Alti lüt extrem lang am lebe obwohl si jo eigentlich die schwächste sind. Soviel mol züm Westliche Luxus d Lüt länger am läbe zhalte obwohl sie jo zschwach wäre wie du schribsch. Nid falsch verstoh es isch scho richtig was mir do und die Mensch pflege. Zü dim dritte Abschnitt. Das isch jo öbe dr glich Quatsch wie jojo dr Märt wierds scho richte. Das isch aber nid dr fall will die lüt händ Hunger will sich do es paar wenigi uff dr köste andere berichere, und das isch sicher nid natürlich. |
| InziMo 22.6.09, 12:02 | Zitat: RadioaktivesKind hitler (evolutionstheorie) het au mit däm Argumänt umegworfe.. oder d NSDAP... jo d Jude sind die schwächschte und wehre sich nit und stärbe dorum...Ou ja uff eine wo mit em Darwin chunt ha i gwartet. Sorry WHF das isch aber dr gröscht Quatsch wo ich jetzt gläse han. Nochdäm was du gschriebe hesch handlet d Schwiz jo total gege d Natur, mir erhalte Behinderti und Alti lüt extrem lang am lebe obwohl si jo eigentlich die schwächste sind. Soviel mol züm Westliche Luxus d Lüt länger am läbe zhalte obwohl sie jo zschwach wäre wie du schribsch. Nid falsch verstoh es isch scho richtig was mir do und die Mensch pflege. Zü dim dritte Abschnitt. Das isch jo öbe dr glich Quatsch wie jojo dr Märt wierds scho richte. Das isch aber nid dr fall will die lüt händ Hunger will sich do es paar wenigi uff dr köste andere berichere, und das isch sicher nid natürlich. kunnt öppe uf öpis ähnlichs use.... 1 mal bearbeitet, zuletzt Mo 22.6.09, 12:02 |
| RadioaktivesKindMo 22.6.09, 14:57 | Ebe uff das ha i welle aspiele wäg em WHF sim posting. |
| superwayneMo 22.6.09, 18:13 | 1 mal bearbeitet, zuletzt Mi 12.8.09, 00:22 |
| theVisionSa 4.7.09, 13:23 | 1 mal bearbeitet, zuletzt So 9.8.09, 14:00 |
| WannaHaveFunSa 4.7.09, 14:40 | Leider isch es aber "normal" us em ganz eifache Grund well dr Mensch nun hald mol so tickt. Nur will öppis hart isch in dr Realität und eim die Situation nid grad in Kram passt, cha me das nid als "unnatürlich" ahluege. Denn cha ich grad so guet sage: Wäre mir nie dört übere, hätte die Lüt dört ähne die Problem nid. Du hättisch aber au kei Riis zum fuettere oder müesstisch für 500g 150.- ahnelege. Wräsch dr erscht wo e dummi Röhre hät wohrschienlich. Ich sag nid, dass es nid hart isch oder dass ich das für fair empfind. Es isch e Tatsach wo sich so nid ändere lost ob das im Räscht vo dr Wält passt oder nid. Wenn de e bessers Gwüsse hesch, denn schieb doch d'Hälftli vo dim Lohn dört abe, es änderet sich genau NIX! Us em eifache Grund well 90% vo dr Bevölkerig immerno e dumme Rüssel schwingt, wenn sie plötzlich müend 50 Rappe mehr zahle uf dr Liter Benzin. Es soll mr doch keine sage, das si sozials Gwüsse so wit goht, dass er uf alles würd verzichte??? Das het mit Ignoranz oder so überhaupt nüd z'tue in dem Sinn und zwar eifach, well die Dimensione vom Schade unsere Horizont bi wittem überschritte. Hesch s'Gfühl, du änderisch öppis, wenn de jede Monet 20 Stei dört ahne schicksch? S'einzige wo de änderisch isch d'Luxusklass vom Auto, wo dr Inhaber vo dere ach so geile Charity-Gruppe spöter fahrt. Hör mr doch uf mit so Seich. Zum Glück isch dr Hauptsponsor vo Amnesty International nid d'Shell gell, wo dört goht go Löcher buddle zum's Öl usejage und em Rescht vo dr Bevölkerig e zerstörti Landschaft zrug lost. Macht aber nüd, well die geile Europäer finanziere denn als Dankschön irgendneume e neue Tiefbrunne, damit de in dr Werbig wieder gsehsch, was für verschmutzts Wasser sie mien suffe und dass dr Grundwasserspiegel wieder gsunke isch, damit dr nächst 100 Meter tiefer cha go grabe. Das Züg isch eifach nicht getan drmit, wenn me dänkt me spändet e paar Fränkli dört und do. Es isch au nid getan drmit, dass me Ässe wo vorstoht in dene Mängene verteilt, wells schlichtweg unwirtschaftlich isch. Und wenn me in dem Moment vo "unwirtschaftlich" redet, denn gohts nid nur um Knetemonete, sondern au do drum, dass du dir do durch Importgüeter selber chasch di Frass uf dr Tisch stelle loh. Wäre mir Idiote nie dört übere gange, würde die genauso läbe wie friener au und sie wäre glücklich drmit. Aber so isch es nun hald eifach nömme. Und es isch scheiss egal, ob me wäge dem grännt oder schreit, aber s'Übermass isch derart voll, dass me mit so tolle Sprüch wie "verteilet doch dr überschüssigi Ries eifach..." eifach nömme würklich cha helfe. Immer rede alli vom Riechtum und vom Wohlstand. Denn gang doch gratis go schaffe und füll di Ranze in dr Gassekuchi! Tschöööss... vo dem "Ich-beelend-die-ganz-Weltsituation" hanni sowas vo d'Nase voll langsam. Dä mit em Darwin isch e Provokation, nüd anders, ich weiss selber, dassi mit dem nid muess argumentiere. Schlussendlich bliebts aber drbi: Mir dezimiere uns selber, ob das dr Menschheit und allne Weltverbesserer, Emos oder weiss-dr-Teufel, wer susch no alles die Ihstellig teilt, passt oder nid, dass die ganz Welt vor d'Hünd goht oder nid und alles sowieso ungerecht und scheisse isch. Ja es isch schlimm - TATTAAA! Danke, das weissi selber au (JA! Ich weiss es würklich und glaub mr's oder nid, ich finds au schlimm, das meini sogar todernst!), trotzdem intressiert's dr Grossteil vo dr Bevölkerig mehr, ob sie spöter no öppis in dr AHV-Kasse hän, als ob die dört öppis zum Bisse kriege! Das isch doch absoluti Hüchlerei so öppis! Sich drei Stund am Tag über irgendwelche Kack-Scheiss-Tratsch go unterhalte und eimal im Monet über so öppis nochedänke und plötzlich bricht e Welt zämme... Mach doch mol d'Auge uf! Es isch no nie e Zuckerschläcke gsi, es sei denn, du hesch Eltere, wo dr alles hinde dri schiebe. Und die gänd's au lieber dir als eme Dritt-Land-Stöpsel. Und du selber investiersch es wohrschienlich au lieber in e PS3 als in e Butterbrot, wo de chönntisch übere schicke oder??? Spötischtens denn wenn's drum goht, wo du dini eigeni Knete am beste sollsch ahneschiebe bi dem Thema chunt denn vo allne tolle Friedensprediger sowas wie "Ja, weisch, das chunt ja eh nie dört ah... das muess me anderscht löse, aber als kleine Mensch in dere Gsellschaft ha ich doch gar nid d'Möglichkeit richtig z'hälfe." und schwupp isch dr gueti Vorsatz wieder weg und me schiebt das Geld irgend ere dumme Organisation in Arsch, damit die dört gönd go zeige, wie me Ackerbau betriebt. Scheisse nur, dass für jede technische Fortschritt dört ähne die westlichi Welt dr zwanzigfachi Sprung macht. Also müesstisch nid nur die go fördere, sondern unsere Fortschritt für e Zyttli zum Stillstand bringe, susch hesch nämmlich in 20 Johr genau die gliech Schisserei wieder an dr Backe. Nachdäm ich mi Bock mit em Darwin scho gschosse ha wart ich jetzt in dem Fall gern uf e Klugscheisser wo sowas bringt wie "äääääh... ali sin immer so materiel orientiert und schliesslich isch Geld ja nid alles uf dr Welt." Toll, es isch tatsächlich nid alles, aber wenn dr Papi oder s'Mami e Furunkel am Arsch het isch dr weltverbesserndi Sohn doch plötzlich froh, wenn d'Forschig öppis unternimmt, au wenn me öppe 1.8 Milliarde brucht, e Medi z'entwickle. Dört frogt denn kei Sau noche! Wenn de s'Geld vo zum Biespiel em Militär willsch spare und übere schicke, denn hol dr e Unterschrifte-Boge und gang go sammle, dass es zu ere Abstimmig chunt! Und wenn de das 1000 Mal gmacht hesch und es isch immer no abglähnt worde, denn probiersch es nomol. Und wenn de denn gsehsch, dass es immernonig funktioniert, denn muesch viellecht eifach mal ihgseh, dass das wo d'Lüt uf dr Stross so grosskotzig ummeprolete mit ihrem ganze Sozialscheiss in Würklechkeit eifach nid so stimmt, wenn sie elleige e Stimmzetteli dörfe usfülle. PS als Nochtrag: Und dä mit em Krieg chasch in dem Fall als Argument grad mal genauso rauche wie mins mit em Darwin. Die politische Situatione betreffend em Krieg sind dahingehend so verstrickt mit anderne Länder, do chasch di grad so guet mit dr ganze Welt ahlege. Es sage jo sowieso alli EU-Beführworter, dass mir als Schwiz elleig in dr Welt sowieso nüd z'sage hän, well mr z'chlei und zue unwichtig sin. ich gseh nid ih, wieso die Meinig beträffend dem Thema jetzt plötzlich anderscht soll si. 2 mal bearbeitet, zuletzt Sa 4.7.09, 14:51 |
| EntonSa 4.7.09, 14:43 | Wenn de Absätz gmacht hättsch, wär di Text vill töller z'lääse. ^^ |
| WannaHaveFunSa 4.7.09, 14:50 | machi no... danke für dr hiwies so, erledigt... usser e zrug-gemotze chunt sowieso nix zrug. sorry, aber es närvt würklich langsam das "ach es isch alles so schlimm"-blahblah. es ISCH schlimm, aber es isch eifach nid SO liecht zum löse. und für gwüssi sache gits au eifach nid würklech e lösig, do cha me no so lang go drüber lamentiere. 1 mal bearbeitet, zuletzt Sa 4.7.09, 14:52 |
| EntonSa 4.7.09, 14:56 | Bitte  Es git immer Lösige, nur wird dr Wäg extrem schwierig si. Alli 1'000'000'000 cha me niemols rette, das isch klar. Aber irgendwie muess es doch möglich si, nid alli verhungere z'loh, das cha me jo nid abstritte. 1 mal bearbeitet, zuletzt Sa 4.7.09, 14:57 |
| WannaHaveFunSa 4.7.09, 15:09 | ja logo chasch e paarne helfe. denn chunt aber wieder irgendeine wo findet "ja und wer entscheidet wem me hilft? bisch gott oder was?" das isch denn ebbe au nid recht. chasch mache wie de willsch, es isch immer fallsch und am schluss bisch d'pfiffe wo elleig dostoht. (chum... schrieb bitte öpper sowas wie "ja... und das isch jetzt dini begründig, dass me eifach GAR nüd me macht?" |
| EntonSa 4.7.09, 15:15 | Naja, lieber zuefällige Lüt hälfe, statt gar niemerem hälfe, imho  Am Beschte wärs jo sowieso, wenn me mol an dene grooße unbruchte Flächene alles "fruchtbar macht" was pflanzt... klar, würd Zyt näh, aber e Schritt wärs scho mol o-o Drzue chunnt jo no dass es wirklich extrem vill Übergwichtigi in gwüsse Ortschafte git. Wenn me dört nid überflüssig vill exportiere würd, und me irgendwie an de "Notfallsstellene" was ufbaue chönnt, wärs doch au was positivs. =o Klar, d'Firme mache wohl wenig profit wenn sie sowas "gratis ufbaue würde"... do liegt aber glaubs au s'Problem. :/ |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©