Festzeit.ch Forum » Politik / Religion » Leuenberger der Umweltverschmutzer!
| Autor | Beitrag 1 - 15 |
|---|---|
| RheinPiratMo 15.3.10, 01:13 | Das FZ leider nur ä ufflösig vo 648x648 bietet hanni dr text extärn miesse hoste http://saved.im/mty3mji3y24x/leuenberger.jpg Was meinet ihr derzue? 1 mal bearbeitet, zuletzt Mo 15.3.10, 01:57 |
| SplinterMo 15.3.10, 01:16 | Das meini allgemein zum Leueberger: http://www.youtube.com/watch?v=59Z-Ub0MVw4 |
| dave92Mo 15.3.10, 08:24 | jo los, hänkemer en mänsch uuf, weler naiv esch... ganz ehrlech han ich vor eme johr erscht erfahre, dass di dütschi bahn d energie us cholechraftwärch nemmt... hänkemer ned de leuebärger uuf, welers ned gwösst het (das nemi nämlech schweer ah!) sondern prangeremer di dütsch bahn ah, well si öberhaupt soöppis mached! |
| ArkinaMo 15.3.10, 08:48 | hahaha findi jo geil, zugfahre isch umwältbelastender als autofahre  ich ha das gar nid gwüsst! Wie isch das in dr Schwiz? vo wo beziehn SBB strom? Atomkraftwärk? naja ich dänks au, är wirds nid gwüsst ha, het welle e guets bispiel abgäh und isch so ins fettnäpfli trampt. Medie dien uff so sache immer gärn umetrample. |
| holysmokeMo 15.3.10, 09:05 | d SBB het viel strom us wasserkraftwärk, also nur zum teil verglichbar mit dütschland. Was bi dere Diskussion "Zug isch umwältverschmutzer" vergässe goht isch nit nur de fiinstaub - sondern no viel wichtiger: Elektrischi Energie chasch us fascht allem härstelle, nit nur mit Kohle! Und somit hetme überhaupt erst d MÖGLICHKEIT nit müese uf Kohle/Öl/Atomenergie müese z setze! Was isch do dran Naiv? 1 mal bearbeitet, zuletzt Mo 15.3.10, 09:06 |
| StinsonMo 15.3.10, 09:14 | Hauptsach me het wiedermol ebbis z motze... me kritisiert sehr gärn, aber sälber dr arsch ufrisse, nei Danke. Die Haltig vo villne Schwiizerinne und schwiizer kotzt mi eifach nur aa... Mänsche mache Fähler, dr Leuebärg isch e Mänsch --> Au dr Leuebärg macht mol Fähler... Huere Schiss Mediewahl nach Skandal und negativer Brichterstattig...Wo sind do die GUTE und NEUTRALE Medie bliibe? hämmer keini andere Problem im Land? ahh nei, sind jo do in de Schwiiz... im Paradiis uf ärde  2 mal bearbeitet, zuletzt Mo 15.3.10, 09:17 |
| ladynkayMo 15.3.10, 13:25 | Zitat: WhyIsTheSkyBlue wo er rächt het, hettr rächt Hauptsach me het wiedermol ebbis z motze... me kritisiert sehr gärn, aber sälber dr arsch ufrisse, nei Danke. Die Haltig vo villne Schwiizerinne und schwiizer kotzt mi eifach nur aa...  so hani au dänkt, woni das gläse han! aber i ha die meinig grad erscht ime andere thread gschriebe, ha dänkt, do nid scho wieder....  |
| RheinPiratMo 15.3.10, 13:29 | Dr Leuebärger isch ä machtbesässeni person. Und me kennt jo uss dr gschicht und es gid mehr als knueg bispiel derzue. Es isch nie gued wenn öppert zu lang an dr macht sitzt, und das trifft au uffe leuebärger zue. Sini Politik isch unhaltbar. Chli umwältschutz isch jo gued. Aber das was dr leuebärger vor het isch unter aller sau und wills wolk zum "wohle" vom klima ussbeute. |
| dave92Mo 15.3.10, 14:33 | was het er do för interässe, s volk uuszbüte? |
| ladynkayMo 15.3.10, 14:43 | lohnen doch redä...die eine luege als usbüte ah, die andere wüsse, dass es am mensch muess weh tue, bevor er was macht und sache igseht...und die einzig möglichkeite am mensch weh zmache uf politischer ebeni füehrt über gäld...(zumindescht in dr schwiiz!) |
| holysmokeMo 15.3.10, 15:33 | die rächte wän doch ehh d menscherächt abschaffe, wieso chame d schwiizer bevölkerig denn nit eifach versklave? no musmes au nit über s gäld mache... hehh, ich dörf au zynisch sii  |
| ladynkayMo 15.3.10, 15:36 | Zitat: holysmoke simmer also wieder bi links/rächts uf ironie abgschobe...ganz guet! die rächte wän doch ehh d menscherächt abschaffe,..  aber btw, i ha mini usag vori nidmol zynisch gmeint,... es isch leider würklich so.. |
| DieSchlingeDi 16.3.10, 01:00 | D Schwiiz mit ihrne rund 7.5 Mio. Iwohner emittiert 0.1 % vom wältwiite menschliche Usstoss an CO2. Unseri CO2-Produktion liegt somit tiefer als diejenige vo Länder mit teilwiis dütlich chliinere Iwohnerzahle wie z.B. Katar, Kuwait oder Irland. Die tiefe CO2-Emissionen vo dr Schwiiz sind zruckzführe uf die umweltfründliche Elektrizitätsproduktione mit Wasser- und Kernkraft und uf die bishär ergriffene Massnahme zur Sänkig vo de Emissione. Es isch Zyt, dass au s Departemänt Leuenberger zu dr guete Position vo dr Schwiiz i däm heikle Thema stoht und d Schwiiz nit immer schlächter anestellt als es dr Realität entspricht (z.B. bi internationale Organisatione), numme zum sini hoche Priise und Gebühre z rächtfertige! Und wenn scho, denn sell är sich sälber mol an dr Nase näh und afo! Aber es isch nit s erschte Mol, wo dr Leuenberger nit ganz noch däm läbt, wo är sälber verzellt... 3 mal bearbeitet, zuletzt Di 16.3.10, 02:15 |
| funnyjokerDi 16.3.10, 01:41 | Bi so CO2 rächnige muess me jo scho e chli luege, wie me das züg usrächnet. die alte kohlekraftwärk sind dräckschleudere, aber die modärne sind gar nit e so schlächt. wenn me z.b. überlegt, wieviel energie es brucht um e solarzälle z baue und wieviel energie die jemols erzüge wird oder wohär d energie kunnt um pumpspeicherkraftwärk z betriebe, denn gseht me schnäll emol, dass es e absolut ökologischi energieerzügig nit git. ps je nachdäm, was für e bus me nimmt, kunnt me äu uf e massiv höchere CO2-usstoss 1 mal bearbeitet, zuletzt Di 16.3.10, 01:44 |
| ladynkayDi 16.3.10, 10:01 | Zitat: DieSchlinge du vergliichsch uns tatsächlich mit denä länder? z.B. Katar, Kuwait oder Irland. zum zeige, dass mir guet do stönd sorry, aber dä isch wiedermol so typisch! Zitat: DieSchlinge nei, es isch leider no lang nid zit! au d schwiz hett no e verdamt grosse handligsbedarf, wenn mr würde uf uns luege und uns nid mit schlächtere vergliiche zum sälber guet do stoh, resp. so tue als würd mä guet do stoh...Es isch Zyt, dass au s Departemänt Leuenberger zu dr guete Position vo dr Schwiiz i däm heikle Thema stoht aber gwüssi dänke, "mir sie besser als dä (ziehnd irgend e überhaupt nid vergliichbare vergliich füre) - sach erledigt!" 1 mal bearbeitet, zuletzt Di 16.3.10, 10:03 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©