@Freakz: ja, das gseh ich uf e art genauso wie du. das muess me au nid unnötig schön rede... aber zug isch immer no günstiger als mit em auto. e auto kostet im johr rund 1'000 franke versicherig und pro monet zahlsch öppe 50 franke benzin, wenn de regelmässig fahrsch. also kostet di e auto im johr im schnitt öppe 1'600.- und mit dere rechnig fahrsch nid sooo viel drmit umme. Das macht pro monat e chli mehr als 130.- köschte für e auto (occasion, teilkasko versicheret, bi eme neuwaage isch d'versicherig tüürer und de wärsch monatlich uf öppe 200 franke oder mehr)

für e monatsabo bi dr bvb zahlsch rund 70.- das macht im johr 840 franke, also rund d'hälfti. wenn de denn no e halbtax machsch (150.-/johr) bisch mit de abo-köschte uf 990 franke im johr und zahlsch züri-retour 40.-

chasch somit also all vier wuche uf züri fahre (guet... wer will scho uf züri ), damit de uf em glieche pries bisch wie wenn de s'auto (occasion) nimmsch.

denn chömme bim auto no verstecki koschte: bereifig, unterhalt, rächnisch pro johr nomol 200.- im schnitt. wenn me sich über autos mal e plan ufstellt gseht me, dass es uf's johr usgrechnet eigentlech au no e ttüri sach isch und me mit em zug ebbe trotzdem no billiger weg chunt. zudem hesch keini verpflichtige, wenn de s'auto stoh losch und dr zug nimmsch. und bi dere rechnig do isch dr pries vo de öv's in basel au scho mitgrechnet.

wenn sich eine s'GA kauft für 3'500.- im johr (plusminus), denn gang ich mal drvo us, dass er e pendler isch und mindestens jede dritte tag e strecki wie basel-züri fahrt. also rund 120 mal e strecki fahrt, wo normalerwies 80.- würd koste. das wäre rund 14'000 franke im johr... und me het in dem moment au grad öv's in dr ganze schwiz drbi, also chasch zu dene 14'000/johr nomol mindestens e tuusiger druf rechne. au dört lohnt sich das. well wenn de mit SO eme reisedrang s'auto nimmsch, bisch pro johr mit de autoköschte wit über dene 3'500.- es rächnet sich also allemal. wenn de natürlech nur eimal im monet zug fahrsch, denn muesch au nid e GA kaufe, das verstoht sich vo selber, in dem moment chunt wieder die rechnig mit em halbtax und em monetsabo für d'bvb z'trage. alles in allem fahrsch monatlech also mit öv's 600 franke undmehr pro johr günstiger, als wenn de s'auto nimmsch... und das het mit dr ökologische sicht no nid mal was z'tue.

PS: für die 600.- ihsparig im johr füllsch zudem wieder 10x dr tank vom auto wo denn erst no länger hebt, well de ja mehr zug fahrsch und s'auto gar nömme sooo oft bruchsch im gegezug muess me natürlech abwäge, wie stark eim d'unabhängigkeit gwichtet, wo me mit em auto gegeüber de öv's het, das isch klar, aber das muess jede für sich selber wüsse.

ich bi gege d'abschaffig vom nachtzueschlag, aber ich stuef mi politisch links ih.

gegä die abschaffig??
kum, du bisch doch rächtsradikal!!

scheisse und ich ha gmeind, ich chönnt mi tarne

S Nachtnetz isch e zuesätzlichi Dienstleistig, wo zuesätzlich mues finanziert werde.

Punkt.