Festzeit.ch Forum » Politik / Religion » Militär-CH muess freiwillig werde - Initiative!
| Autor | Beitrag 136 - 150 |
|---|---|
| LaFaTequillaMo 12.7.10, 10:14 | me merkt eifach, dass do im fz forum zT eifahc voll die bünzzlis ummerenne  d ziite hän sich gändert - s militär in dr hüttige form isch ganz eifahc nüm ziitgerächt |
| YelinaMo 12.7.10, 10:30 |  |
| WannaHaveFunMo 12.7.10, 10:40 | Also ich ha mini Dienst-Täg absolviert... D'RS gmacht und d'WK's erledigt. Alles in allem muessi sage, dass es für mi e gueti Erfahrig gsi isch. Wenn me das ganze freiwillig würd mache, fändi das gar nid so schlimm, es git glaub gnueg Lüt, wo denn motivierter an die Sach würde ahne goh. Usserdäm isch es e Kostefrog, da chönnt me evt. e Mängi spare. Uf dr andere Site falle mr spontan 100 Nase ih, dene würds ganz guet tue mal z'lerne, sich müesse unterzordne. Mir hets ämmel au im Bruefsläbe e chli öppis brocht und me goht mit Kritik und Hirarchie im Job besser um. Freiwillig ok - abschaffe nei! |
| LaFaTequillaMo 12.7.10, 10:49 | was heisst do freiwillig ok abschaffe nei? freiwilli gheisst für dich , wär nid is militär goht söll in zivieldienscht? ps: apropos militär vllt weiss ja grad öbbr  was muessi mache drmit ich doppel T bekum und garnix mache muess ussr irgendwie 0,5 vom jooreslohn bis ich 30bin zahle muess?  |
| WannaHaveFunMo 12.7.10, 11:14 | Nei, das heisst's nid. In dem Fall isch dr Zivildienst au freiwillig. So gerecht muess me si, s'einte abschaffe und s'andere als "Zwang" witterfüehre isch au nid durchfüehrbar. Wie gseit, es git glaub würklech gnueg Lüt, wo das freiwillig mache. So schlimm isch dä Verein au nid. Ich ha zumindest cooli Lüt kenneglernt, bi im ganze Land ummecho und ha hald mal e Erfahrig gmacht, wo me susch nid macht. Und wenn's eim mängmol stinkt, denn isch das hald eso. Ganz näbebi... s'Militär würd sich au gern nützlich ihsetze, leider wird das oft verwehrt. Drum chani dr Unmuet unter dr Bevölkerig guet verstoh wenn's um das Thema goht. Wo ich im einte WK gsi bi, hets im Mattequartier in Bern eimal mehr e Überschwemmig geh. Mir wäre gern go helfe (WK isch sowieso in Bern gsi) und hend das unserem Kadi gseit, er soll uns dört ahne schicke, vo uns us nur zum Sandsäck schufle. Hald eifach, zum chönne Unterstützig biete. Er het gseit, er würdi das no so gern mache, aber er darf no nid mal dr Ahtrag stelle. Solang dr Bundesrot (damals no dr Sämi Schmid) uns nid ahfrogt, dörfe mir nid helfe. Mir wäre alli gange go dr Katastropheschutz unterstütze, no so gern! Aber es isch vo dr Regierigs-Site nid erlaubt worde, well me kei Militärpresänz het welle. Mir wäre als Soldate gern nützlich tätig gsi, aber was willsch mache, wenn's dr nid erlaubt wird? Selbst denn nid, wenn unsere Vorgsetzte gern dört Unterstützigsdienst gleistet hät? Es liegt nid immer nur am Militär selber. Dä Verein chönnt eigentlech sehr guet au nützlich si, aber denn müesst me mal e Initiative starte, wo mir als Soldat erlaubt, in solche Gebiete dörfe z'helfe und nid e Initiative, wo me dr ganz Verein will abschaffe. Ich ha in minere Militärzyt au mit em Zivildienst zämmegschaft und wenn's druf ah cho isch, het me no immer d'Soldate vom Militär füregschobe, wenn me dr Arsch mal hät solle hoch becho. Das isch au nid ganz fair. Dr Kolleg vom Zividienst isch go "Not-Telefonleitige" ufbaue, falls mal d'Verbindige abbreche,. Dört hanni denkt, dass das sogar würklech no sinnvoll isch! Luschtigerwies hends denn die wo nach ihm cho sin wieder abbaut mit dr Begründig, die Leitige brucht me nid, die sin veraltet. ALso isch das dört genauso e Beschäftigungstherapie und total für d'Katz. Denn doch lieber Militär. Je nach dem wo de ihteilt bisch, macht das Ganze ebbe trotzdem au no chli Spass, me muess sich hald mal chli bewege und lerne sich unterzordne. Und in dem gseh ich als "Charakterbildig" also würkelch keini Problem. |
| martiinMo 12.7.10, 11:31 | Wie isch das eigentlich wenn me UT isch füre Militärdienscht? MUES me denn Zivilschutz/Zivildienscht mache? Edit: het sich erledigt, bin dopplet untauglich =D 1 mal bearbeitet, zuletzt Mo 12.7.10, 11:43 |
| MonarchyMo 12.7.10, 13:24 | Zitat: D0pamin s argument wegem geld findi eifach billig,wie wenn mer andere länder weniger geld würde in arsch stecke den chönnte mer au milliarde beträg spare^^ das geld womer det ane schicke nütz eus au nüt^^ Zitat: D0pamin ahja..blibe mer doch lieber alli bubis |
| MentorMo 12.7.10, 13:32 | fuck GSoA |
| LaFaTequillaMo 12.7.10, 14:32 | WannaHaveFun thanks für dii bricht, isch no intressant zum läse jo das fändi i.O. - freiwillig militär und freiwillig zivildienscht! aber ich mach e 100% wett, dass dbsuech vom militär/zivild. um ca. 70% wenige rwärde als im mom. will denn jede nochdr lehr / dr usbildig straight goht go schaffe und in däm alter viel gäld verdiene und sichr nid zerscht militär macht^^ |
| TseddiMo 12.7.10, 15:00 | han soebe grad e WK hintermir und find immer mehr das militär gäldverschwändig isch...vieli soldate und keini würklichi ufgabe... darum fahrt mr halt de ganz daag sinnlos mitem duro ide gegend ume oder macht beschäftigungstherapie... sölle doch e bruefsarmee mache für lüt mache wo au wänd anstatt meh als 100000 wo nid wänd also go gsoa 3 mal bearbeitet, zuletzt Mo 12.7.10, 16:26 |
| blablablaaMo 12.7.10, 18:11 | Nach knapp 1 Wuche hedd GSoA in Luzern knapp 600 Unterschrifte! Nid "viel" aber in 1Wuche respeect Wenn me das ez uf jedi Grossi Stadt würd rechne, Basel, Züri, St.Galle, Genf, Bern, Luzern 6*600*4 = 14'400 Schwiizwit/Monatlich 100'000/12'000 = knapp 7 Mönet^^o.O Wenns überhaupt stimmt, was ich ez usgrechnet han...^^xD Hoffs emel MEGA!! Grüess und hoff ihr werdet au no sammle!  DANKE FÜR EURI BIITRÄÄG! |
| ChaosEngineMo 12.7.10, 18:20 | Zitat: Tseddi ich weiss jo nid inwas fürere "Pimpel-Kompanie" du bisch , aber bi uns gitts so öppis nid.han soebe grad e WK hintermir und find immer mehr das militär gäldverschwändig isch...vieli soldate und keini würklichi ufgabe... darum fahrt mr halt de ganz daag sinnlos mitem duro ide gegend ume oder macht beschäftigungstherapie... sölle doch e bruefsarmee mache für lüt mache wo au wänd anstatt meh als 100000 wo nid wänd also go gsoa |
| TseddiMo 12.7.10, 18:46 | inf bat 56/4 bin minewärfer und han in dem wk genau 2 mol chönne go schiesse. de räscht vom wk hani wach , checkpoint und rundumsicherig ka(sprich me fahrt dumm ide gegend umme und all 10 min macht mr e halt und sicheret d gegend ab oder goht ine beiz  ).no so näbebi han gschichte vo WKs ghört wo no viiieeel meh umepimplet worde isch |
| YelinaMo 12.7.10, 18:56 | Zitat: Tseddi has grad welle säge, im verglich zu dem, wo kollege im wk müend mache, sind iher ja richtig villbeschäftigt gsi. no so näbebi han gschichte vo WKs ghört wo no viiieeel meh umepimplet worde isch  |
| MutchaMo 12.7.10, 19:05 | wen es freiwillig wird ka me es grad so guet abschaffe |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©