Festzeit.ch Forum » Sonstiges » Wie stellet ihr euch d Zuekunft vo dr Wält vor?
| Autor | Beitrag 31 - 37 |
|---|---|
| PhotographMo 19.12.11, 15:06 | Zitat: Kombliz Richtig.@raja due uns ufm Trab halte was dini Träum abelangt!!  @photogrfie...nei niemerz weiss das wikli genau, aber gut frogt me sich das...durch die Disskusion wird natürlich kei Antwort uf die eigentlichi Frog folge...aber isch no interessant (und au amüsant) was gwüsse so dänke und warum sie so dänke... S einzige was bi däm Thread passiert, isch: dass sich evt. gwüssi Lüt ufgrund vo gwüssne Biiträg e neui Meinig bilde oder sich inspiriere löhnd wie z.B vo Aliens oder 8 Beinige Läbewäse etc.. |
| HemingwayMo 19.12.11, 17:08 | ich weiss das passt do nit ine aber hend ihr euch au scho mol vorgstellt was wäri wenn eifach nüt wäri, im sinn vo wenn nüt existiere würd! mich ummantelt den immer es huere komischs gfühl und ich versuechs so schnell wie möglich in de wind zschiesse, aber es isch no recht beängstigend hehe ^^ |
| HYPERINTELLIGENTOMo 19.12.11, 19:02 | @dante... ich ka mr guet vorstelle, dass dä Zueschtand wo du meinsch ähnlich isch wie dr Tod.. aso i ka dr sage: ich ka mr das nit vorstelle  Zuedäm glaubi sowieso, dass unser menschliches Hirn NIT in dr Lag isch sich sö öbis z vorstelle...aso i glaub fascht unser Hirn muess zerscht e neui Dimension erreiche zum so Sache z verstoh... ( was isch denn NÜT?? wie definiert me NÜT?) Alli die Froge: wie ischs Universum entstande, warum läbe mir, wie ischs nachem Läbe, wie beschribt me s nichts...etc. sind so kompläx und s sind scho wirklich Lüt wahnsinnig worde well sis nümmi blickt händ...  Ps: das passt wikl. nit so do ihne, mach doch e Thema uf? 1 mal bearbeitet, zuletzt Mo 19.12.11, 19:11 |
| TheHillsHaveSizeMi 21.12.11, 13:47 | Haha ich ha mir bi däm Gedanke grad vorgstellt wenn d Ärde e betonierti Kugele wär und mir nüt hätte, keini Gegeständ, keini Strosse, kei Ässe, halt ebe NÜT nur grade Beton-Bode wohin das Auge reicht...ansunschte ka ich mir dis Nüt au nit richtig vorstelle... meinsch eifach e schwarzes, dunkles Nichts, odr was stellsch dir drunter vor? |
| HemingwayMi 21.12.11, 17:41 | jo weisch mi gedanke foht meischtens so ah, ich bi allei ha nüt zdue, und ich lueg mir dwelt ah und überleg mir wieso das alles, wieso sind mir do, was hett das für e zweck.... nachher stell ich mir vor, wie es wäri wenn es keini mensche würd geh und nachher chunnt all das andere züg, vowege was wäri wenns keini planete, keini sunnesysteme würd geh etc. und irgendwenn chunnt halt das beklemmende gfühl, alles um mich ume wird wies und in dem moment stell ich mir halt das so vor dass das "nüt" um mich ume wies isch und das definiert für mich quasi wen nix existiere würd hehe, also ich wünsch euch nit das ihr de gedanke hervorrüefe chönned hehe isch amigs no huere beängstigend hahahahahaha |
| SplinterMi 21.12.11, 17:53 | Zitat: Dant3 Na denn probier doch mol d'Zit au us z'blende. ich weiss das passt do nit ine aber hend ihr euch au scho mol vorgstellt was wäri wenn eifach nüt wäri, im sinn vo wenn nüt existiere würd! mich ummantelt den immer es huere komischs gfühl und ich versuechs so schnell wie möglich in de wind zschiesse, aber es isch no recht beängstigend hehe ^^  Vor dem Zuestand sött me kei Angst ha sondern en anneh und gniesse (Es söll jo schins Lüt geh wo meditiere und das no ganz agnehm und entspannend empfinde). |
| HemingwayMi 21.12.11, 18:12 | hmm ich wirds mal versuech, sir |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©