Wer Depressione behandelt indem er chemikalischi Prozess im Ghirn örtlich fast unselektiert hemmt oder verstärkt söll nid behaupte dass das e suuberi Methode isch, es isch schlicht s'beste wo im Moment möglich isch mit dere Technologie.

Ich find unsri Schuelmedizin losst bizz z Wünsche und i bi nit wirklich e Fan drvo mir Medis inezwärfe bis zum geht-nicht-mehr...unsre Körper wär nämlich im Stand sich sälber z kuriere, bzw. gar nit erscht krank z wärde! drum nimmts mi mol Wunder welli alternative Medizine ihr kennet, wo ihr scho Erfahrige gmacht händ und was ihr könnet empfähle/abrote?

Gege Buuchweh git's öppis sehr simples, und ich ha bis jetz eig nur positivi Rückmäldige becho.. Wenn me Buuchweh het (gilt leidr nit für Menstruationsbeschwärde, liebi Fraue), muess me grossi Kreis übere ganz Buuch mache, mit e biz Druck, abr nit z'vill, und im Uhrzeigersinn (au no wichtig).. Mir hilfts - & dene Lüt wonis empfohle ha, au. (:

bi mir isches nid e keis, sondern e acht in beidi richtige... das verstricht die agsammleti schmärzenergi und hilf au bi jedem andere weweli... bi kinder dr absoluti ,,zaubertrick,, WICHTIG: wenn zeige und mittelfinger zämme sin, gohts no besser, wege de polaritäte

zuedem sind nachere aerztestudie vieli antidepressivas mit plazeboeffekt ( sorry rechtschreibung )

Oh, das vrsuechi au mol, danke für e Tipp! (: Und das mit Zeig-&Mittelfinger machi irgndwie automatisch..


naja, bim isetze chunnts bi dene glaub au uf d'schweri vo dr Depression druff ah, odr nit?

Die chemikalische Prozäss im Hirn wärde jo vo dr Depression vränderet, d'Antidepressiva mache dä Prozäss soz'säge rückgängig - was isch doh drah nit suber?

Glaub mers, ich studier nebebi Neurowüsseschafte und Psychologie, Antidepressiva mache de Prozess überhaupt nid rückgängig, wenn dr e Psychiater das gseit het würd i mer schleunigst e andere sueche. Antidepressiva erhöhe d'Konzentration vom Neurotransmitter Serotonin im Hirn. De Neurotransmitter findsch du bsunders oft im Zentralhirn und isch für folgendes alles zueständig:
- Herz-Kreislauf-System
- Bluetgrinning (schluck kei Aspirin drzue süscht hesch e Problem)
- Magen-Darm-System
- Augeinnedruck (wird sich erhöhe mit Antidepressiva)
- Zentralnervesystem (isch so zimli für alli Hirnregione zueständig, unter anderem chönts zu Schlof- Wahrnehmings- oder Sexualstörige füere)
- fürs Belohnigszentrum (Abhängigkeitsmechanismus glich wie bi Heroin), also für d'Stimmig <--- und de Teil beinflussts positiv.

Du sehsch also dass so zimlich jedes Ghirnareal drvo betroffe isch, früeher hesch sogar no Antidepressiva becho wo nid mol nur Serotonin beinflusst hän sondern au diversi anderi Neurotransmitter mit ähnlich vill Nebewürkige (pro Neurotransmitter). Bi aller Hochachting vo dr Leistig vo eusne Ärzt und Pharmazeute, aber das isch e Holzhammer-Methode zum de Patiente d'Stimmig es bizli uf z'heitere.

Das Ufheitere nützt insofern dass es im Patient in sinere Situation überhaupt wider möglich wird e Therapie in Aspruch z'neh. S'gliche gilt übrigens au für Neuroleptika für Schizophrenie.

Wie gseit, das isch s'beste wo eusi Schuelmedizin uf Medikamente-Basis chan helfe: Antidepressiva möche kei Prozess rückgängig, si übertöne s'schlimmste vo dr Depression mit ere Stimmigsufheiterig und beiflusse drmit die gsammti Hirnaktivität, fast exakt glich wie e Droge, schliesslich wird das Zügs nid umsüscht au als solchi verwendet.