Festzeit.ch Forum » Sonstiges » Hoi... Fit?
| Autor | Beitrag 1 - 15 |
|---|---|
| skatergirlMo 9.1.12, 11:41 | Wieso bechum ich pro tag ca. 20 Nochrichte mitem genau gliiche inhalt... nämlich "hoi fit", "sali wie gohts", "hallo" und suschtige bullshit? 1. Sinn dir männer hüt zue dags so ihfallsriich 2. Händr nüt anders ztue als Fraue uff FZ go ahmache 3. Finde dr das eig. nit piinlig?  |
| TaxMo 9.1.12, 11:58 | Warschinlich will du genau uf so Mails wartisch... Aber mol ehrlich: Bi denne Antwort wo d Fraue schriibe isch mehr als "Hoi fit?" reini Ziitverschwendig  |
| RajaMo 9.1.12, 12:28 | Zitat: skatergirl Wieso bechum ich pro tag ca. 20 Nochrichte mitem genau gliiche inhalt... nämlich "hoi fit", "sali wie gohts", "hallo" und suschtige bullshit? 1. Sinn dir männer hüt zue dags so ihfallsriich 2. Händr nüt anders ztue als Fraue uff FZ go ahmache 3. Finde dr das eig. nit piinlig?  ha mr das au scho überlegt... würd aber handherum NIE uf sone nochricht antworte  |
| ladynkayMo 9.1.12, 12:32 | Zitat: Tax hoi skatergirl..ha dr grad es "hoi, wie gohts?" gschickt...Warschinlich will du genau uf so Mails wartisch... i mein das ernscht und wer sehr entüscht, wenni kei antwort krieg!!! |
| D0paminMo 9.1.12, 13:42 | me chan ja no so kreativ sii^^ s isch eh füre arsch. |
| dosenbiermachtschlauMo 9.1.12, 14:31 | weils tatsächlich so helde gid wo alli frauene wo uf "single" sin mit em gliiche spruch ahschriibe, s könnt jo sii das us 100 ahgschribene eini antwortet... froget mol d kleo, die heds scho vor 3 Johr genau das gha, meistens vo lüt wo halb so alt wie si gse sin xD |
| AläääMo 9.1.12, 15:27 | Me könnt sich au froge wurum gwüssi lüt über die unwichtigschte sache immer mien e thread ufmache...hesch du s gfühl du bisch die einzig frau wo so viel inhaltslääri mails bechunnt? Wenn jedi jetzt würd wäge däm afo umehüüle wär das forum voll. Weisch i würds verstoh wenns primitivi mails wäre, aber unter dene umständ ischs mehr als nur unnötig dim fruscht do freie lauf z loh. Du gosch sogar no e schritt witer und veralgemeinerisch dini erkenntnis uf die gsamti männerwält und setzisch den no ein druf und stellsch es als peinlichkeit dar. Ich frog mi den was überhaupt dis ziel isch? möchtisch d männer eifach nur blosstelle oder gohts dr drum mol kreativeri mails z bechoh? sage mr mol letschteres isch dr wichtig, den frog i mi wurum du das überhaupt willsch, wenn "Fraue über festzeit amache" sowiso zietverschwändig und peinlich isch... 1 mal bearbeitet, zuletzt Mo 9.1.12, 15:31 |
| RadioaktivesKindMo 9.1.12, 15:48 | Aläää geile siech xD uff guet dütsch "Hoy fit?" gniegt ihrne asprüch an online amache nid.  Het dä Thread scho bewirkt das si no weniger "Hoy fit?" nachrichte bechunt? I glaub nid.  |
| skatergirlMo 9.1.12, 16:15 | das wär nit s ziel gsii sondern eher d froog an d männerwält do uff FZ. Dases nüt wird ändere isch mir klar, und wenns öbber stört isch mir das scheiss egal |
| PraViTyMo 9.1.12, 16:36 | @skater... hmm also verbote isches ja nid.. Durm chumi dir au nid noche wieso das pinlich sett sy? Dezue au Hobbylos? Meh chan jo uf verschiedeni Arte Fraue kennelerne... Wo sett meh denn dinere Meinig lüt kennelerne? Uf Facebook? Wo jede sich so blockiert das meh erst gar nüt gseht? Haha... Zuedem isch FZ Regional und für das au eig. au nid unbedingt schlächt.. Sig jetzt dahigstellt welles Alter do sich so umetriebt... Wenn ich jetzt öpert würd ahschriebe denn nid hoi fit.., aber ich mach jetzt au nid dä mega ufwand für öbis wo viellicht glich kei Antwort chunt |
| ladynkayDi 10.1.12, 08:33 | doch, muesch alli ihri bilder aluege und den voll tiefgründig uf ihri interesse igoh, wo anhand vode bilder tuesch ermittle! alte! so lauft das!  edit: also bi ihre wer das denn: "hoi fit? wie gohts dim skateboard? fahrsch gärn in pools he? und longboarde tueni übrigens au, isch sau cool, würd gärn mol mit dir di brätt teile" 1 mal bearbeitet, zuletzt Di 10.1.12, 08:41 |
| freitightDi 10.1.12, 08:55 | An: skatergirl Gestern, 17:39 Hoi fit? Si hets glaub nid luschtig gfunde. Nei ehrlich, wo ligt s problem? Ihr Fraue sind irgendwie scho nie zfriede. Wenn niemer schribt isch nid guet, wenn alli schribe isch au nid guet?? Festzeit isch no oberflächlicher als s reale Läbe, do schribt me halt moll öbbis und wenn denn was zruggchunt chame sich afo unterhalte. Zerscht mues me doch moll interesse bekunde. Erwarte d Fraue do inne würklich, dass jede wo ihne schribt, sis Herz öffnet und moll e 20 zyle ufsatz schribt?? Edit: Zitat: skatergirl 1. Mir müese jo au immer dr erscht schritt mache, irgendeinisch gön eim d Alternative us^^1. Sinn dir männer hüt zue dags so ihfallsriich 2. Händr nüt anders ztue als Fraue uff FZ go ahmache 3. Finde dr das eig. nit piinlig? 2. Bizli verallgemeinernd die Frog. Aber doch eigentlich scho 3. Gang moll in d Foti-Charts, DAS isch pinlich. 1 mal bearbeitet, zuletzt Di 10.1.12, 08:58 |
| digitalrebelDi 10.1.12, 09:21 | Zitat: skatergirl Im höfliche Umgang mitenand isch dr erschti Satz meischtens Hallo oder Grüezi oder so und denn wartet me, öb öbbis zrug kunnt. Wieso regt dich das uf? Wieso bechum ich pro tag ca. 20 Nochrichte mitem genau gliiche inhalt... nämlich "hoi fit", "sali wie gohts", "hallo" und suschtige bullshit? Findsch so Eröffnigssprüch wie "Isch di Vater Automechaniker? Du hesch so tolli Hupe" öppe besser? E fründlichs HALLO het doch no niemerem gschadet >1. Sinn dir männer hüt zue dags so ihfallsriich Es isch nur e Begrüessig, s interessante kunnt denn dänk spöter im Gspröch (hoffentlich... ) Du merksch es eifach nid, will de vorher scho abklemmsch 2. Händr nüt anders ztue als Fraue uff FZ go ahmache >Doch, sogar sehr viel. Aber das do isch e Kommunikationsplattform. Wenns dich stört, dass me dich aspricht, denn bisch villicht am falsche Ort? Aspreche isch jo nid immer grad "ahmache" ... ich quatsch do au vieli ah, obwohl ich sicher 20 Johr älter bi als dr Durchschnitt do, na und? *Amache* ka me das bi mir nid nenne ... es goht eifach drum, bitz z schwätze. Das isch jo au nid schlimm, oder? Was kasch au anders mache als labere, do bi FZ ? Isch es nid au e bitz iibildig, dass es Frau immer grad meint, si wird "agmacht" obwohl me eigentlich nur e ganz normals Gspröch wot füehre? 3. Finde dr das eig. nit piinlig? Nö. Ich bi z alt für piinlich. Ich mach eifach wasi grad luscht ha ... 4 mal bearbeitet, zuletzt Di 10.1.12, 09:45 |
| FYPDi 10.1.12, 09:26 | Zitat: digitalrebel Findsch so Eröffnigssprüch wie "Isch di Vater Automechaniker? Du hesch so tolli Hupe" |
| skatergirlDi 10.1.12, 09:52 | Ich regg mi gar nit uff, ich ha mir nur e chli gfroggt... Zitat: digitalrebel Findsch das nit bitz naiv z glaube alli die männer wänn nur "e gspröch" fiehre. Isch es nid au e bitz iibildig, dass es Frau immer grad meint, si wird "agmacht" obwohl me eigentlich nur e ganz normals Gspröch wot füehre? Willsch bispiel: Zitat: alwayseverywhere hey du... hesch luscht zum gäld zverdiene? Zitat: chip u.s.w ich könnt no 100 söttigi zeige...hoi du, lust uf sex?? 1 mal bearbeitet, zuletzt Di 10.1.12, 09:53 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©