Festzeit.ch Forum » Politik / Religion » Ausländer
| Autor | Beitrag 121 - 135 |
|---|---|
| MisteryouxSo 21.10.07, 17:33 | und die andere 4 fäll sind au vo usländer usgiebt worde? |
| EdHardySo 21.10.07, 17:42 | also das am 17.10. isch die gang gsih wo si gschnapt hän, das am 16.10. e irakische asylbewerber wo eme junge e mässer in hals druckt het, bi dem im tram ischs e schwizer gsih und bi dene am 12.10 handlets sich um e "um eine Gruppe von 6 bis 10 ausländischen Jugendlichen im Alter von ca. 14 bis ca.17" also s verhältnis isch frappierend  |
| alfiiSo 21.10.07, 17:45 | jo aber in dere gruppe hets sicher au schwiizer ka..aber das wänd si nit säge...glaub mrs..ich kenn gnue schwiizer wo so sind.. |
| EdHardySo 21.10.07, 17:48 | in dere gruppe sin NUR usländer well sunnscht würd meh nit vonere gruppe vo 6-10 USLÄNDISCHE jugendliche rede zur info, die mitteilig isch vo dr staatsawaltschaft und nit irgendeme schundblättli wie 20min oder blick und daher kasch druff vertraue s het dört niemerts e interesse durch dr zuesatz "usländer" interessanteri mäldige usezgäh, s dient elei dr information |
| nonameSo 21.10.07, 18:15 | zerst mol d schwiz provitiert vo de usländer, natürli d usländer au vo dr schwiz. fals ein mol genau luegt was für jobs hauptsächlich vo usländer gmacht werde, meistens im bereich bau oder reinigung und sust jobs wo eme schwizer z dreckig, ernidrigend oder weis sust was alles sin, glaubs nit dass das so guet würd funktioniere, wen dass schwizer würde mache zu somene hungerslohn wo me bechunt uf em bau und unter dene umständ.. den zu dem gschichtli was natelmusik agoht im zug.. natelmusik isch zum kotze könnt alne s natel wegneh und kaputt mache wo i gseh / khör dönt und kacke macht musiklose zumene horror. i glaub nit das die alte lüd das us rassistische gründ gmacht hend z sage das es stört, nervt wirkli extrem und bi mr sicher dass si das au bi schwizer gmacht hete. zu de aschuldigunge vowege dass gwalt numme vo usländer azetlet wird. die hend jo au en grund wiso si so scheiss mache.. i weis zum bispil das me mit eme name wo nit klar nach schwizer dönt, me vil meh müeh het zum e job/lehr z finde, dass me sust weg em ussehe halt eifach scho mol abgstemplet wird u.s.w. die agressione kömme jo nit eifach so. den macht natürlich im moment grad de wahlkampf und die probaganda vo dr svp d situation nit besser mit ihre plakat und slogan vowege asylante use und was s typische bild isch vomene sozialhilfbezüger u.s.w. s git au vil schwizer wo scheiss mache numme chunts den nit im blick oder im 20min und s goht in de medie eher unter. guets bispil find i das wo dr EdHardy gschribe het: ..Es handelt sich dabei um einen 17- jährigen Türken, einen 17- jährigen Serben sowie zwei Schweizer (15 und 16 Jahre) mit Migrationshintergrund... mues natürli erwähnt si das die schwizer e migrationshintergrund hend.. i finds eifach schad das me immer alli grad in ei topf keit.. i sag s git meh cooli zwägi und korrekti usländer als die wo us em rahme springe.. und me söt nit alli grad uf das tiefe niveau stelle wo die sind wo so scheiss mache, so müehsami sprüch bringe, natel musik lose und alti lüd aficke... 2 mal bearbeitet, zuletzt So 21.10.07, 18:16 |
| tschilongMo 22.10.07, 20:30 | jo aber ich glaub mir sin uns sicher einig wenn iuch seg das es zviel usländer sin wo scheiss möche au wenns nid alli sin oder? |
| LaMoucheDi 23.10.07, 18:21 | au zviel schwizer wo scheisse mache höret mol uff mit "usländer" es sind leider oft lüt us de gliche regione/länder wo viel scheisse baue. |
| CoelhoSa 27.10.07, 02:28 | Wie wärs mol über's soziale Umfäld z'diskutiere statt immer nur über Herkunft? Schlussändlich sind die meiste vo dene angeblich gwaltätige "Usländer" jo eh Secondas. Cha also nit si, dass sie ihres Verhalte vomene andere Land mitgno händ und irgendwie d'schwitz wän usbäute oder irgend sowas ! Ich glaub mir sötte do bi de Gwalttaate nit zwüsche einheimischi und Immigrante unterscheide sondern eher bildigsniveau und sozialem umfäld und status. Durch üsseri Iflüss wird e Mensch gwalttätig, nit durch sini Herkunft. 1 mal bearbeitet, zuletzt Sa 27.10.07, 02:34 |
| EdHardySa 27.10.07, 13:33 | jo s soziale umfäld isch jo oft au s gliiche...i dänk s problem isch die unterschiedlich mentalität und vorallem die unterschiedlich kultur (z.b. grad im umgang mit gwalt, stichwort: patriarchalischi gsellschafte) |
| CHALLENGE2010Sa 27.10.07, 13:42 | das isch höchstens en kleine teil dr grösst teil vom problem sin sicher im soziale umfäld z finde wie dr coelho seit... i han no kei usländer am gym gseh wo gwalttätig sind... |
| EdHardySa 27.10.07, 13:53 | am gym...dört wirdsch au bildet |
| CHALLENGE2010Sa 27.10.07, 15:07 | jo aber es isch au so das grundsätzlich mehr kinder us sozial bessere schichte ans gym gön als us sozial benochteiligte schichte was denn wider zu obiger ussag fiehrt ( d tatsach dass es am gym weniger usländer het als bevölkerigsateil zeigt au die soziale verhältniss) |
| EdHardySa 27.10.07, 15:16 | soziali verhältnis wär villicht 1 punkt aber s isch sicher nit dr absoluti grund. i dänk do wär au e methodepluralismus s bessere, e mischig vo mehrere faktore wo zämmespiele. und kulturelli mentalitäte mues meh nit ime land ufläse, das kah au uf secondos witergoh (oder e identifikation vo heimatliche wärt ufgrund vo fählender identifikation und schwirigkeite do) |
| kevSa 27.10.07, 16:59 | in de NZZ isch die wuche gschtande das d Jugendgwalt nit so vil z gno het wie es hützutags darsgtellt wird...es sigi vill mehr eso dases hüt vill öfters gmeldet wird und das d medie sehr druf sensibilisiert sind... Sorry, de link drzue hani nümme... |
| CoelhoSa 27.10.07, 17:06 | @ EdHardy Was wilsch damit sage? Nur will d'Usländer sich mit dere Kultur do nit identifiziere könne, schüre sie grad Gwalt oder wie? Oder sind alli Iwanderer tendenziell gwalttätiger? Naja, lott sich drüber Stritte aber für mich isch's klar: e mensch isch, was si umfäld mit ihm macht. Das foht bi dr Erziehig a goht über Schuelig witter bis hin zum soziale umfäld. Wieso klappt das bi de Amis? Es git dört stolzi Amerikaer wo schlitzauge hän oder dunkel hüttig sind. Wirsch in Amerika gebohre, so bisch en Amerikaner, während me in dr Schwitz müeh het sich ibürgere zloh, obwohl me sogar die DRITTI oder gar VIERTI Generation vo de Iwanderer darstellt. Das chas jo nit si, oder? Aber mir methodepluralismus hesch rächt. Es sind glaub wit us mehr faktore wo im erschte blick garnit so erkennbar sind. So z.B. "ghetthoisierig". Wenn Stadtplanig e glichmässigi verteilig vo günstige Wohnige für sozial schwächeri lütt und Eigentumswohnige oder Eifamiliehüser für besserverdienendi würd berücksichtige, gäbtis in de schuele nit e reini usländerklass und somit wär dr dialog vo chlei uf do und integration viel eifacher bzw. mentalitätsunterschied mit dr zit viel chleiner... Oder allgemein Gwaltverherrlichung a la Hip-Hop gangster oder Ballerspiel... Git wohrschinli no dutzendi faktore wo wie gseit im erschte hiblick nit erkennbar sind. Aber e fehlendi identifikation mt dr kultur vo de eltere bzw. grosseltere gsehni nit als grund für Gwalt, nit emol als e faktor drfür. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©