Festzeit.ch Forum » Politik / Religion » Earthlings
| Autor | Beitrag 136 - 150 |
|---|---|
| holysmokeMi 11.6.08, 16:01 | beruhigdi  mir läbe in wohlstand - do kasch nit demit cho "ässet weniger fleisch" - das funktioniert jo nitmoll mitem autofahre (benziinpriis 2 franke) das mues psychologisch fest sitze, und das goht halt eifach nit vo hütt uf morn!! und scho garnit inere "geiz ist geil" gsellschaft - irgendöpper wirds immer günstiger abiete versueche. jetz wartisch 50 johr und das wird KOMPLETT anderst usgseh als jetz! ellei scho wägem wälthunger, do wird sich politisch sehr viel tue. muesch eifach d geduld ufbringe! |
| iamascientistMi 11.6.08, 16:03 | @holysmoke/meock und anderi: keine wo do im thread vielicht mol gschribe het, "film het mi beeindruckt, bi jetzt vegetarier oder iss weniger fleisch" usw., schribt öberem do vor was er z'esse het. ich weiss nit was ihr hend. es wird ruhig diskutiert. anschinend fühlet ihr euch provoziert. ich ha au keinem gseit, dass ihr ab jetzt kei fleisch me dörfet esse. aber ihr düent jetzt eifach eso als hätti das öber gseit!!! also  |
| holysmokeMi 11.6.08, 16:05 | @SAVETHEWORLD: nit du seisch das, diä im veganismus.ch forum sage das! |
| iamascientistMi 11.6.08, 16:06 | jo und was henn mir demit ztue im forum oder die wo do im thread schribe?! mit dene ha ich emel nüt ztue. usserdem halt ich vo vegan au nit viel... 1 mal bearbeitet, zuletzt Mi 11.6.08, 16:07 |
| holysmokeMi 11.6.08, 16:08 | weisses nit genau, villicht hets mitem phallusimpudicus z due... Zitat: phallusimpudicus Ich wird Vegetarier!! |
| phallusimpudicusMi 11.6.08, 16:10 | @holysmoke: Das mag si, dass es besser wird in 50 Joor, aber was meinsch worum?? Sich nit wege denne wo nüt sage, oder wos scheissegal isch... Jo das stimmt wegem Geiz, das isch so.. Aber ebe WENN alli so wäre, denne würds die Debate jetzt gar nit geh.. Anschinend stöhn jo doch es paar über der Geiz ist geil-gschicht. PS: I han mi gar nit würkli ufgregt, wenn de meinsch wegem Grossbuechstabe schribe, bi ussversehe uft Capslock-taschte ko.. |
| phallusimpudicusMi 11.6.08, 16:12 | Aber ebe i han gschribe vegetarier und nit veganer... Hast übrigens bis jett dure zooge, wenn s öper interessiert.. |
| iamascientistMi 11.6.08, 16:14 | Zitat: holysmoke das isch sini meinig. si ding. aber seit er denn das du muesch vegetarier esse? nei ka ich us weisses nit genau, villicht hets mitem phallusimpudicus z due... Zitat: phallusimpudicus Ich wird Vegetarier!! Zitat: phallusimpudicus nit uselese. Ich wird Vegetarier!!  |
| holysmokeMi 11.6.08, 16:16 | @phallusimpudicus ahsoh jo ehmm, d psyche vom mensch funktioniert halt eifach so... "wenn alli würde" usw, das GITS EIFACH NIT mr hän 2 wältkrieg gha - und du wunderischdi dasmer tier e so behandle... mr sin leider gottes eifach so - uns solang immer tusigi vo mensche stärbe erschints mir au kli absurd wieme sich cha um so "belanglosi" themene wie "mi auto het e kratzer" kümmere. verstosch, es steckt eifach im mensch inne. absolut bireweich eigentlich. aber mir hocke do und schribe in däm forum. spitze leistig, oder. 1 mal bearbeitet, zuletzt Mi 11.6.08, 16:17 |
| iamascientistMi 11.6.08, 16:19 | es isch jo erfreulich das de mensch in dem fall wenigstens e paar gedanke dfür verschwendet  |
| meockMi 11.6.08, 16:22 | Zitat: SAVETHEWORLD AHA, us wellem grund nötige ihr den d lüt dä film zluege!? das mer meh fleisch ässe!? au wenn des nit ussprichsch, es chunnt ufs gliche us, du versuchsch d lüt zbekehreich ha au keinem gseit, dass ihr ab jetzt kei fleisch me dörfet esse. |
| phallusimpudicusMi 11.6.08, 16:22 | Aller Anfang ist klein.. Notürlich sind die meischte eso.. Aber ebe grad wege dem isch s glaub guet, uf jedefall nit schlecht, wenn me so e zeiche setzt... Und i glaub so wie du jetzt schribsch, dass het mit vorher nüt me z tue.. Willschlecht ischs jo nit was vegis mache... Und i glaub vili düen denn so aggressiv reasgiere us Trotz, will si meine si werde agsproche... Und jo i hoff du hesch recht und es wird irgendwenn emol so wiit ko, das das au anderscht wird.. I ha scho dervo khört, wege Stammzelleforschig und so, dass me denn ka Steaks und so Züchte.. Me nimmt Bluet vo dem Tier, es biz, und denn ka me mit de Stammzelle drin alli beliebige Körperteil wachse lo...Cool gäl, wenn das im grosse Rahme würd gmacht werde, denn würd i aber au voll zue lange.. |
| phallusimpudicusMi 11.6.08, 16:24 | scho au bekehre, aber eher in zweiter Linie, in erschter druf ufmerksam z mache.. Und jetzt sag mr doch was an dem falsch isch.. Und es zwingt niemerd irgenöber uf the tread z klicke.. |
| holysmokeMi 11.6.08, 16:29 | und jo, doch, es het veganer derte wo sich wirklich wie inere sekte verhalte... und das isch eifach grausam! "kei kontakt zu massemörder" usw... hehe das mitem steak wär anderst geil das kunt schono no hetme (krass gseit) au nümm so viel abfall |
| iamascientistMi 11.6.08, 16:31 | Zitat: meock ähm mr hens do imfall nit vo dere "vegansekte"! es goht doch numme drum das sich d'lüt mol e kli gedanke bringe. Zitat: SAVETHEWORLD AHA, us wellem grund nötige ihr den d lüt dä film zluege!? das mer meh fleisch ässe!? au wenn des nit ussprichsch, es chunnt ufs gliche us, du versuchsch d lüt zbekehreich ha au keinem gseit, dass ihr ab jetzt kei fleisch me dörfet esse. weg em film: ich könnt au alles ufschribe was im film passiert. aber de film bringt d'message eifach besser übere, sofern sie überhaupt akunnt... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©