Festzeit.ch Forum » Politik / Religion » 46 Friedensaktivisten in 2 Booten ;)
| Autor | Beitrag 1 - 15 |
|---|---|
| CaballeroMo 25.8.08, 18:14 | "Ungeachtet israelischer Drohungen sind zwei Schiffe mit 46 internationalen Friedensaktivisten an Bord ohne Zwischenfälle im Gazastreifen angekommen. Die beiden Fischerboote unter griechischer Flagge waren am Vortag von der Insel Zypern aufgebrochen. "Free Gaza" und "Liberty" wurden bereits vor der Küste des Palästinensergebiets von einem Dutzend palästinensischer Schiffe empfangen. Am Fischerhafen von Gaza warteten am Samstagnachmittag Tausende von Palästinensern. Mit der Aktion will die pro-palästinensische Menschenrechtsorganisation "Free Gaza" symbolisch die Blockade des von Israel weitgehend abgeriegelten Gazastreifens durchbrechen. Nach Angaben der in Kalifornien ansässigen Bewegung zählt auch die Schwägerin des früheren britischen Premierministers Tony Blair, Lauren Booth, zu den Aktivisten. Insgesamt waren demnach Studenten, Anwälte, Ärzte und Journalisten aus 14 Ländern vertreten, darunter auch Israel." (quelle:http://www.zisch.ch/navigation/top_main_nav/nachrichten/international/detail.htm?c lient_request_className=SdaNewsItem&client_request_contentOID=289567) Wo ich das ghört han ich mich sehr gfreut fürs palästinensische volk. die Blockade isch gege d'Menscherecht, es verweigeret 1.5 Millione (!!!) Palästinenser ihri Grundbedürfnisse z'befriedige. Was dänked ihr über die israelischi besatzigspolitik und vorallem was dänked ihr über die Seeblockade?  |
| BlackHatMo 25.8.08, 18:33 | klar isch d situation verzwackt. aber wenn die hamas sich im gazastreife bewegt und se niemert dra hindere cha... jo, als israel würdi au zerscht mol an mini lüüt denke und dr lade dicht mache. sither isches jo für d israeli au besser worde... usserdem isches vilicht nit mol so schlecht für d zuekunft, d hamas het dr fatah jo krass dr garaus gmacht. wenn meh nach israel halt nüt meh erreiche cha... jo denn schlachte sie sich gegesitig ab. |
| dave92Mo 25.8.08, 20:13 | ich fends en geili aktion vo dene aktiviste! das zeigt de palästinänser, dass si ned elei send ond dases lüüt get, wo zo ene stönd! klar esches "nor" en symbolischi tat, aber das gett dene lüüt im autonomiegebiet gazastreife secher muet! d hamas werded vo allne als terrorischte anegstellt... klar kämpfed si ned met faire mettel, aber si hälfed de bevölkerig... si send polizei, springed zom teil als taxi ii, ond verwalted die region, so guet's halt goht! israel handlet zom teil verständlech, well si eri bevölkerig wänd schötze... aber anderersits dörf es volk ned onderdröckt werde! det onde söttis zwoi staate gäh, wo fredlech chönd näbenand existiere! leider wott israel das ned akzeptiere ond d palästinänser wänd au z vell... d fehler a dem ganze muess me aber am ändi vom 2. wältchrieg sueche ond ned hött! free palestine! 1 mal bearbeitet, zuletzt Mo 25.8.08, 20:13 |
| Numb3rsMo 25.8.08, 22:27 | Isreal hätti dr UNO-Teiligsplan dazumols akzeptiert...palestinänser hei das nid welle...guet oke dr plan isch ufgrund vom 2.WK au nid ganz fair gsi...aber glich...die ganz Schuld uf Israel abschiebe goht nid... |
| proiureDi 26.8.08, 04:09 | Zitat: dave92 und neb all dem guete schiesse si kassam rakete uf sderot und anderi israelischi städt, spränge israelischi zivilischte in d luft und wänn solang kämpfe, bis si israel ins mittelmeer zrugg drängt hän...d hamas werded vo allne als terrorischte anegstellt... klar kämpfed si ned met faire mettel, aber si hälfed de bevölkerig... si send polizei, springed zom teil als taxi ii, ond verwalted die region, so guet's halt goht! |
| dave92Di 26.8.08, 13:13 | ich han jo gseit, si händ au eri fähler... aber näbscht demm, leischted si öppis för "eri" bevölkerig... |
| proiureDi 26.8.08, 13:25 | Zitat: dave92 ob si wohl öbbis für ihri bevölkerig mache well si ihri lüt so gärn hän oder obs efach um macht und ifluss im gaza goht sei dahingestellt...ich han jo gseit, si händ au eri fähler... aber näbscht demm, leischted si öppis för "eri" bevölkerig...kasch au behaupte, d nazis hebe öbbis für ihri bevölkerig gmacht (vollbeschäftigung, neui wohnige usw.) macht s leid und dr terror wo si über europa brocht hän nit kleiner und rechtfertigt au nüt aber die vermeintlich schwächere palästinenser sinn bi de linke immer wohl behüetet gsih (wemme nit sogar mit ne kooperiert het ) und denn goht meh halt au so wit und legitimiert terrorhamas = terror |
| dave92Di 26.8.08, 15:02 | do muesch differenziere! d nazis händ welle eres riich vergrössere... palästinänser wänd es gebiet haa zom läbe ond sech ned onderdröcke loh... chönnt me au als notwehr betrachte... ich han nie behauptet, d aktione vo de hamas gäge israel siged legitim... gwalt ond terror esch nie guet! ned vo de palästinänser ond au ned vo de israleli! vo de amis fangi garned aa rede^^hamas=polizei, wo s lang regiert ond d bevölkerig onderstötzt! zemlech onfair (rakete ond so) |
| proiureDi 26.8.08, 15:07 | Zitat: dave92 hamas ihres erklärte ziel isch d vernichtig vo israel..nit s gebiet gemäss gränze vo 1967...do muesch differenziere! d nazis händ welle eres riich vergrössere... palästinänser wänd es gebiet haa zom läbe ond sech ned onderdröcke loh... chönnt me au als notwehr betrachte... ich han nie behauptet, d aktione vo de hamas gäge israel siged legitim... gwalt ond terror esch nie guet! ned vo de palästinänser ond au ned vo de israleli! vo de amis fangi garned aa rede^^hamas=polizei, wo s lang regiert ond d bevölkerig onderstötzt! zemlech onfair (rakete ond so) und e polizei ischs im fall nit  |
| dave92Di 26.8.08, 18:00 | jo easy, demmfall doch ned sonen gueti sach... aber glaubsch, die chönd israel vernechte?! solang die d amis im rogge händ? vergess es! wer reglet soscht de vercher ond luegt, dases i dem chaotische autonimiegebiet einigermasse ornig esch? d hamas... ich han ned gseit, d hamas sig en polizei, aber si öbernämed gwössi funktione vo ene... |
| proiureDi 26.8.08, 18:16 | Zitat: dave92 nei si wärde israel nie vernichte. nit nur d amis stönn neh im rucke sondern die ganz (nitmuslimischi) wält.jo easy, demmfall doch ned sonen gueti sach... aber glaubsch, die chönd israel vernechte?! solang die d amis im rogge händ? vergess es! wer reglet soscht de vercher ond luegt, dases i dem chaotische autonimiegebiet einigermasse ornig esch? d hamas... ich han ned gseit, d hamas sig en polizei, aber si öbernämed gwössi funktione vo ene... scho mol dradänkt, dass dr gaza streife gar nit so chaotisch si miesst wenns d hamas nit gäbti |
| CaballeroDi 26.8.08, 18:48 | das ganze chaotische bild wo ihr asprächet het nur mit dr blockade vo israel und vo dr machtgeilheit vo dr hamas zdue. übrigens d'hamas nimmt staatlichi ufgobe im gazastreife wohr. sie händ e "ordnigshüeter"-funktion. sie händ au spitäler und schuelhüser. das isch das ganze "ich-gib-dir-infrastruktur-du-mir-loyalität" prinzip. was mich immer wieder erstuunt isch dass me e staat cha unterstütze wo chauvinistisch agiert. klar d'hamas sött dä artikel us ihrer charta striiche wo d'vernichtig israels beabsichtigt. aber d'israelis sötte ihrersitts au ufhöre mit dene schikane und mit dere scheiss siedligspolitik wo de palästinenser no mehr land raubt. was ich au nid kapiere cha isch dass z.B. die dütsche (wo jo mit ihrem massemorde e besträbig vo de jude nach eigenem land bestärkt händ) zerst e paar millione umlege und denn entscheide d'europäer kurzerhand das problem "outsource" und schlussändlich d'palästinenser die leidtragende sind. @proiure: das mit de unterstützig vo palästina vo de vermeintliche muslime chasch vergässe. ägypte sperrt d'gränze, d'saudis verkaufe pro tag mehreri 100000 barrel öl an d'israelis. also vomene zämmehalte vo de muslime redet keine |
| dave92Di 26.8.08, 19:34 | danke VivirSinDormir! genau so hanis gmeint, met "ordnigshüeterfunktion"... also meh oder weniger polizei, obwohl das en schlächte usdrock esch. ohni d hamas wäred d palästinänser velecht nomee benachteiligt, also onderstötzed si d hamas teilwiis, well si positivi sache a de hamas gseht... wie du ebreits gseit hesch: infrastruktur-loyalität... das heisst, en fonktionierende gaza-streife wär ohni d helf vo de hamas garned möglech! secher ned stoht di ganz nedmuslimischi wält hender israel! veli länder kritisiered s verhalte vo beidne site! ond veli setzed sech deför ii, dass das gebiet det onde chan teilt wärde! aber s get sech kei site z frede... s problem esch, wenn du seisch, dass israel scheisse bout, denn heissts grad, heigsch en antisemitischi haltig... stemmt aber be mer ned! ich ben ned de meinig, dass d palästinänser es land bruuched, well ich jude ned toleriere... ich toleriere alli religione! ich fende nor, dass es volk ned dörf onderdröckt werde! di genau glich haltig han ich im tibet konflikt... |
| proiureDi 26.8.08, 19:46 | Zitat: dave92 Punkt 1:ohni d hamas wäred d palästinänser velecht nomee benachteiligt, also onderstötzed si d hamas teilwiis, well si positivi sache a de hamas gseht... wie du ebreits gseit hesch: infrastruktur-loyalität... das heisst, en fonktionierende gaza-streife wär ohni d helf vo de hamas garned möglech! secher ned stoht di ganz nedmuslimischi wält hender israel! veli länder kritisiered s verhalte vo beidne site! ond veli setzed sech deför ii, dass das gebiet det onde chan teilt wärde! aber s get sech kei site z frede... i glaub was d palästinenser viel meh brüchte als sone terrororganisation wo sich d sympathie mit paar spitäler und schuelene erkauft, isch e regierig, wo sich wirklich ums volk kümmeret und endlich s schafft dr terror z unterbinde und d grenze vo 1967 akzeptiere! alles andere isch angesichts vo dr israelische übermacht zum schitere verurteilt Punkt 2: drmit sagi, dass kei nitmuslimischs land s vorgoh vo hamas unterstützt resp. die ziel (israel z vernichte) unterstützt oder guetheisst und im ernschtfall das sicher verurteilt usw. |
| CripitMi 27.8.08, 17:25 | Was redisch du Proiure? Erstens lehnt ISRAEL immer ALLI ahgebot ab... sind wend nid die grenze vo 67 ihhalte! Und zweitens chasch nid sage das d'Hamas israelische Bürger umbringt.... und denn die ander siite vergesse! Wieviel palästinenser werde dennn vo de israelis umbroocht? das zahleverhältniss stoht öbe 1:1000! Alsoo luegs nid immer vo dr Amerikanische siite ahh sondern versuech au mool en blick übere zwerfe.... all das relativiert nemli s'ganze wo d'hamas macht |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©