Festzeit.ch Forum » Kritik / Anregungen » Mein eigenes Bild gelöscht (ADMIN)
| Autor | Beitrag 121 - 135 |
|---|---|
| PetitJackBauerMi 30.8.06, 22:38 | Bi mir si au Bilder glöscht worde, wel sie nid de Regle entsproche hei. Do drgege hani nüt. Aber i ha ebis drgege, wenn Bilder glöscht wärdä, wo niene stot, dass me se nid dörf ufelade... Nume wel FZ nid a d kra Party dörf cho fotografiere (und sie hei ja Mailustusch gha, siehe Sebus Posting) lösche sie d Flyers?! Denn dörfe so Geburtstags Fyler, Privat Party Flyers etc. in Zuekunft nüm ufeglade wärdä? Mir glich, i lads ab itz jedes Mol ufe, wes glöscht wird, isch mr glich wenni gsperrt wird, ihr seit so lächerlich... *sing* PS: Bitte lösche... http://www.festzeit.ch/viewpic.php?id=2147592 1 mal bearbeitet, zuletzt Mi 30.8.06, 22:50 |
| tschugileMi 30.8.06, 22:55 | @sebu: wenn ihr uns absaged miend ihr sicher nid Werbig uf unserer Page erwarte sorry ! Usserdäm isch das 1.Mail andrs ko, das könne mir dir gern nomol kopiere und zueschicke ! So fründlich wie du das do schriibsch isch das nid xi ! @illuminatus: nomol für dich als Wiederholig ! Es git für uns e Unterschied ob mir Werbig für Clubpartys mache odr für vo enre Partysite unterstütze oder organisierte Event ! |
| PetitJackBauerMi 30.8.06, 23:00 | Ja ebe unger Events isch mir doch glich. Aber werum ds Föteli unger dr Memberpage lösche? Entsprich de Regle, also dörf mes ufelade... Isch ja Idiotesicher odr? |
| asdfwsdfwfMi 30.8.06, 23:05 | tschugi das würd mi abr no wunder ne wie das erste Mail den cho isch... I ha das nämlich hüt am Morge, vor dere ganze Gschicht au scho gseh gha. Und dört isches genau glich gsi... I cha drs au gern do ine kopiere, wenns willsch gseh. |
| tschugileMi 30.8.06, 23:10 | i ha d Kopie ! Mir schribe dir e absolut fründlichs Mail mit allem und du kunsch mit emene 0815 Mail zrugg wo du dir nid mol Zyt nimmsch d Lüüt mit Name azspreche.. HALLO ? |
| asdfwsdfwfMi 30.8.06, 23:13 | Jo ebä, abr es stoht jo nit anderst im Forum? den muesch jo nit behaupte dases nit so gsi sig... Und jez döfi mol di zitiere: Wenn mä alles scho paar mol gseit het, het mä 1. nit unbedingt Zit zum alles nomol säge und 2. irgendwie au kei Lust... Schischi, Wonderworld und den no Bubu... Alli hei s gliche gfrogt, alli hei die glichi Antwort becho |
| tschugileMi 30.8.06, 23:19 | also ! D Antwort vo euch isch klar ! Und mir wän die Werbig nid druf ha ! Ganz eifach.. |
| PetitJackBauerMi 30.8.06, 23:20 | Wärbig wo? Memberpage? Unger Events? |
| quixDo 31.8.06, 00:45 | es goht nit drum dass e anderi partysite isch. i ha nüt gege anderi site (bi de meischte). kra.ch ghört eigentlich au dazue. es isch vo mir vo afang a eso greglet gsi, dass mir möglichscht viel events in kaländer mache. natürlich numme sötigi wo mr wüsse dass mr e chance zum fötele hän (kei barrouge, kei fame, kei a2). wen den bi öberm interässe am ne event bestoht, den wird agfrogt. meischtens dörfe mr fötele und alles isch in ordnig. dörfe mir aber nit fötele, wird dr event USE GNO! will ich für so events nit will wärbig mache. i ha das au eso gmacht zu däne zite wo maximal 400 lüt online gsi sin am obe. döt hets kei sau interessiert. ich will eifach mit däm e gwüsse druck usüebe, so dass mr könne go fötele, und verastalter, hart gseit, "bestroft" wärde wen mr nit dörfe. fz läbt vo de föteli. ich glaub die vorgehenswis isch grächt und für alli verständlich. und i dänk mr anderi partysite mache das sehr ähnlich. (bzw. lies mol d'nutzigsbedinige uf lautundspitz... mitm mim nick "festzeit" verstoss i döt hart gege d'regle) ich verstand jo dass ihr z'viel fotografe händ. und wen ihr den keini meh nämet, den verstand i das au. ich hass es au wen z'viel fotografe ume sin. und wen mir den kei wärbig für euch mache, den isch das halt päch. wen euch wärbig uf fz wichtig gsi wär, den hät me das au anderscht könne plane, das anderi nit kömme, dafür mir könne fötele. 1 mal bearbeitet, zuletzt Do 31.8.06, 00:52 |
| neokataDo 31.8.06, 07:25 | also ich würds au so mache! ohni föteli au kei wärbig!  |
| swiZZDo 31.8.06, 09:19 | @noname: du erwartisch e vorschlag? betreffend föteli lösche/sperre -> begrenzet d'azahl vo de bilder uf 20 pro user (max. 30) denn hend ihr kei grossi arbeit mehr mit em kontrolliere, es wird für euch eifach und dr user überleit welli bilder er will uf sin account ufelade und de andere zeige. @tschugile dini antworte sind zwar immer kurz und bündig und wirke villicht ufe 10 - 17 jährige user ischüchternd. aber sie händ absolut kei händ und füess und sind eifach us dr luft griffe! mängisch verhebe sie, aber mängisch.....hmmm....naja....no comment @quix han dini antwort glese und bin recht erstuunt. es duet mir leid für mich als usestehende wirkt das recht hochnäsig was du do schriibsch! ich mag mich no an d'afäng vo FZ erinnere und ich bi au scho länger drby! ihr sind am afang doch vo recht viilne unterstützt worde und jetz verhaltet ihr euch nit anderscht wie die "grosse" partysiite?! findi persönlig schad.... logisch isch hüt eifach e überfluss vo dene partysiite vorhande! ich mein ich bin kürzlich anere party gsi und dört sind öpe 7 fotografe umegschwiirt - das isch den eifach für dich als gast nume no müehsam wenn's überall blitzt und de praktisch als fotimodel muesch schaffe imene club! ich an eurer stell würd eifach s'konzept neu überdenke...den es wachst euch anschiinend übere kopf?! es werde täglich mehr user...vo jeder altersgruppe und au vo de istellige...do sind konflikt eifach vorprogrammiert! |
| bubuDo 31.8.06, 09:48 | @swizz: beträffend föttäli begranze und so züg simmers am diskuttiere - nur muesch au gseh das genau söttigi Sache FZ attraktiv macht in däm me unteranderm au meh als 5 Fötteli cha ufelade.. Das vo wäge "hochnässig" und "übere chopf wachse" isch vo dir bitz us dr luft griffe.. will: mir akzeptiere die abfuhr das mer nid chönne go föttele an däm event, händ absolut ke problem drmit! Nur isch au immer d'art und wiis entscheidend wie me e e-mail ufsetzt und wie me die abfuhr erteilt! Wenn me konkurrenz het sött me das akzeptiere und dene e ahständigi antwort liefere... i glaub jede wo imene büro oder süscht wo schafft sött das verstoh chönne/sölle/müässe! Und das me ufgrund vonere söttige Antwort (nid mol e begründig, au wenn drnoch gfrogt worde isch!!) ke gegeleischtig cha erwarte sött glaubs verständlich sy.. Mir händ bispielswiis au Wärbig fürs Heitere-Openair gmacht und händ dört nid dörfe go föttele - das nur so näbeby! Zuedäm sueche mer ke stritt mit anderne Partypages - jedi sitte sött akzeptiere was dr ander füre Erfolg het, denn mir gönd au nid hindedure anderi go fertig mache - so wies anderi mit uns möche... |
| swiZZDo 31.8.06, 10:17 | @bubu logisch isch genau das mit de föteli e unterschied zu andere siite, aber ihr gsehnd jo selber das genau das es immer wie grösser werdends problem darstellt für euch admins. jede daag werde bilder vo user glöscht und die verstönde nit worum, fange afo motze und rede und so wird halt d'werbig für FZ au nit grad besser. (ich du weisch was ich will sage?!) das wegem hochnäsig hesch mich falsch verstande! mir kenne d'hintergründ nit genau wie das gsi isch wegem mail, aber wenn me als usestehende nume am quix sini nochricht liest denkt me für sich selber "leck also dem isch's jo recht in kopf gstiige". ich weiss wie hart d'konkurrenz isch und das viil gredet wird. bin lang au fotograf bi partyguide gsi und han den eifach müesse e schlussstrich zieh, wills eifach nüme gange isch. me duet sich gegesiitig schikaniere, stellt grücht in d'welt, es git striit unterenander, me teilt sich uf und macht selber e partysiite uf. wieviel partypages gits fangs do in dr region?! ich glaub keine hett mehr dr überblick..... und genau das macht doch s'fötele hüt so schwierig...es git eifach z'viil und selbstvertständlig will jede an die geilschte und bescht bsuechte events go pixxle! ich bin e treue festzeit-ahänger (zwar nit vom afang a drby, aber ich würd mich zur treue-fan-gmeind zähle) und den find ich's eifach schad was in letschter zyyt do vorfallt. es werde eifach biträg glöscht, wenn me an admins schriibt wird me eifach ignoriert oder bechunt au e stinkfrechi antwort zrugg und wird sogar drzue ufgforderet sin account doch z'lösche wenn's eim nüme gfallt! ich verstand, dass ihr nit uf jede einzelne user chönet persönlig igoh und sini wünsch im detail erfülle, ABER es sött euch doch no möglich sie D'SPREU VOM WEIZE z'unterscheide und kurz z'luege ob das e user isch wo sitt 3 dääg agmolde isch und eifach nume am umestresse isch und scheiss bilder ufeladet duet oder ob das e user isch wo scho siit über 2 joor do agmolde isch und somit au zum ufstiig vo FZ bitreitt hett. ich weiss ihr machet das alli freiwillig, opferet z.t. euri freiziit und gsehnd kei rappe drfür - ABER es goht nume mitenander....den ohni uns user wär FZ gar nüt!!! |
| asdfwsdfwfDo 31.8.06, 10:35 | @bubu I gseh nit i wiso as sone Drama um das Mail gmacht wird. Es isch nit unhöflich oder frech gsi. Ufene 0815 Afrog halt ä 0815 Antwort. Zuedem hei mir d Begründig scho im Schischi und im Wonderworld zeigt. Usserdem stohts au im Mail (Zitat: "es sind genügend fotografen vorhanden" ...Au mir wei kei Stritt mit andere Portal. Es bringts jo nit. Well der swizzbitch het Recht. Und mir akzeptiere au das mir Konkurrenz hei. Isch eus voll klar. Mir si jo au relativ chli und gspüres drum am meiste. Abr trotzdem si mir au no Vrastalter und behalte eus dorum s Recht vor, d Fotografeazahl z beschränke... First come first serve... Zuedem gohts au nit drum eb mir Werbig bruche odr nit. Es isch ä reini Racheaktion gsi und das findi trurig... Festzeit isch so gross und über dem stoh... 1 mal bearbeitet, zuletzt Do 31.8.06, 11:04 |
| SebuDo 31.8.06, 11:48 | 1. @ bubu d begründig isch jo scho im erste mail gschtande (siehe beitrag von düsi). und usserdem hät bis jetzt no niemeds chönne genau säge was a däm mail nid in ordnig gsi isch (usser das es e 0815 mail gsi isch wo nid zimli lang gsi isch). 2. s mail isch weder frech no hochnässig gsi no irgendöbis anders unrechts (i ha das i mim bitrag offeglegt das alli d mailverlauf chönne gseh und die disskusion chöne nochvollzieh). odr isch es e verbreche e mail z schribe wo nid länger als ei zwei sätz isch? 3. het fz nie kommuniziert das events, bi dene si nid dörfe go fötele glöscht werde. vo däm her chunt das völlig überraschend 4. was isch a d begründig vo eus s problem? mir hän gschätzti 5-8 fotografe und do no meh das wäre eifach den endgültig z vill. und wer do zerscht afrogt dä wird halt zerscht berücksichtigt. 5. all das rechtfertig no lang nid s lösche vo private föteli ufem eigene account. (sonstige gründe, als begründig findi e chli e billigi usred) 1 mal bearbeitet, zuletzt Do 31.8.06, 11:49 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©