Festzeit.ch Forum » Politik / Religion » was haltet ihr vom neue prtnerschaftsgsetz?
| Autor | Beitrag 1 - 15 |
|---|---|
| ZelinDi 21.6.05, 20:05 | aso mi het eifach mol wunder gno was anderi zu dem thema "homosexualität verbunde mit hürote" finde. i bin grundsätzlich derfür, wills gerecht isch, und zeigt dass me kli tolleranter worde isch. was findet ihr zu dem thema? |
| nonameDi 21.6.05, 21:58 | i find au e fetts lob a d schwitzer bünzlis!! wow respect dass das agno worde isch heti nit erwartet vo eu.. aber mues i au sege das i die katolischi kille oder emel die wo de glaube lebe.. (pfarrer bischöff und das gschmeus) zimli drnebe find.. seht me doch das si i luzern are schwule und lesbe party goi go protestiere und schriftzüg drbi hend wo druf stoht.... homosexualität ist heilbar! bitte was sel das? sel doch jede liebe wer er will.. und ire extreme glaube a s christetum isch au heilbar!! mr voi jo nit afo rede über kinderporno site gschichtli.. aber es mega fetts respect das das agno worde isch *chappeu* mags ene mega gönne das si das gsetzt hei könne duresetzte!! 1 mal bearbeitet, zuletzt Di 21.6.05, 22:04 |
| WeiniDi 21.6.05, 22:00 | Also i finds au guet, dases dure cho isch!! I find, mir sötte so wiit sy, das mr das respektiert!! Finds guet, dass homosexuelli Paar jetzt au die gliche Rächt hei, z.B. in dr Erbschaft und so... Aber noname: Do gib dr rächt  Hätts au nid grad erwartet, dases in dr bünzli Schwiiz dure chunt Aber isch ächt super!! |
| tschugileDi 21.6.05, 22:43 | @wuscheli: was het s Partnerschaftsgsetz mit dr Hürot ztue ka ? @all: i finds au guet, vorallem in Erbfrooge odr au wenn dr Partner uf dr Intensivstation ligt usw. Aber wie stönd ihr drzue, wenn für glichgschlechtlichi Paar au Adoptione erlaubt werde.. ??? |
| nonameMi 22.6.05, 19:00 | @tschugile.. wege was nit? i würd ke guete grund drgege wüsse.. oder was ka scho drgege spreche? |
| bubuMi 22.6.05, 19:04 | @Tschugile: i ha gmeint me het au scho vorher chöne persone bestimme, weli zuetritt zur intensivstation händ und weli nid.. oder wie isch das gsi? |
| Calvin2kMi 22.6.05, 19:35 | chindererziehig schlot bi 80% fehl :p das gseht me jo an dr hütige junged hehe.. darum glaubi nid, dass kinder, wo vo glichgschlächtliche paar adoptiert werde, irgend en nochteil hend spöter.. |
| nonameMi 22.6.05, 19:36 | @dave... wuahahaha..wod recht hesch..  |
| ZelinMi 22.6.05, 20:34 | i find sie sölle au srecht für adoption biko. die usred dass kinder vo homosexuelle pärli au homosexuell werde findi nämlich zimlich dämlich( trozdem kömme sau vil dermit) swerde jo au nid alli kinder vo heterosexuelle pärli hetero... |
| decenzaMi 22.6.05, 23:06 | also ich bi au derfür gsi und ich finds zimlich cool, dass es immer meh lüt git wo homosexuelli akzeptiere und respektiere. dziite hänn sich zum glück echli gänderet, nur hänn das e paar lüt nid so ganz mitbecho. do muess ich em noname rächt gäh, was die konservatie extremgläubige christe agoht und allgemein so lüt, wo meine homosexualität sig e krankheit. genau wäge so sache find ich religion scheisse, es isch irgendwie meistens ufd religion zrugzfiehre, wenn me dsache genauer aluegt. notürlich nid überall. aber jo, wenigstens isch es agno worde das ishc jo jetz emol scho sehr erfreulich  |
| coladaDo 23.6.05, 08:46 | ich finds e gueti sach und ha au für JA abgstumme  i ha eifach müeh drmit wenn si den kinder adoptiere...einerstis sichs schön will die meiste kinder froh sin wenn si in ere "familie" ufwachse könne aber i glaub mir sin nonig sowit dass kinder wo vo homosexuelli eltere ufzoge werde,nit fertig gmacht werde... |
| decenzaDo 23.6.05, 14:12 | jo leider esch es eso. aber weisch wenn me jez wiiterhin dänkt "nei, es esch nid guet wenn homosexuelli dörfe chinder erzieh" denn wird sech das nie ändere dass si fetiggmacht wärde. es muess immer emol e afang gmacht wärdä und das muess sech halt au alles echli entwicklä dänki jetzt emol. so wies bide meiste sachä halt esch. irgendwenn änderet sich halt alles und denn werds secher au "normal" si, dass schwuli und lesbe dörfe chinder erzieh, genau so wie heterosexuelli au... ich gseh do kei problem. seinzige problem sinn doch em grund gno nur die lüt, wo wänn, dass emmer alles eso blibt wies isch und snid ertragä chönnä wenn öppis ihrne vorstelligä ned entspricht. |
| nonameDo 23.6.05, 14:32 | @baslermüsli.. ja do hesch recht.. mit em zweite bitrag hesch mr d wort vo dr lippe gno.. @colada11 ja leider si gwüssi lüd wirkli nonit so wit zum das z akzeptiere.. isch schad aber hoffentli bessere sich au die lüd no.. was zwor bi dene lüd lang wird go, will si eh irgendwo beschränkt si, aber i hoff für se das si das werde akzeptiere |
| SpartanerDo 23.6.05, 14:36 | ich finds richtig und guet dass das gsetz ahgnoh worde isch! |
| coladaDo 23.6.05, 15:51 | jo finds au schad das d menschheit so isch..aber s isch eso--> und darum isch das schlimm für d chinder... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©