Ach, das wird eh nit agnoh!

Totale bullshit, ihr mit eure verdammte ebene, isch e entschuldiung für fasch alles! Ich wär sofort bereit 1 menscheläbe z'opfere um demit womöglich unzähligi menscheläbe zschütze... obwohl wenn ich euch so alueg, wärs mr wohl au scheissegal wenn ihr defür de kopf anehebe miesstet

hani bi dr minarettinitiative au gseid...

das mit läbe für läbe isch mittelalter und schwachsinn..so laufts eifach nümm...muess dr aber würklich rächt geh mit denä 25 Joohr...i find das au drnäbe..läbenslangi haftstrofe müend eifach würklich läbenslang wärde...
den versueche die lüt z heile und wer weiss ev. simmer in 40 Joohr dank langzitstudie und langzit therapie in dr laag, lüt wieder frei z loh im 99 %ige wüsse, er machts nümm...e versuech wärs wärt, grad für uns als fortschritlichs land...

Das findi e gueti Istellig. Wer sich z schad isch, au uft t Täter izgoh (was nit ere Verzeihig glichchunnt), was er gmacht het, wie sini Gfühlswelt usgseht, psychischi Störig (Erkrankig ;Pädophilie) und sich sowiesonit mit em Täter Profil beschäftigt, nit erkennt, dass das en Mensch isch wo zwar en unsäglichs Verbreche begange het, aber immernoh en Mensch isch, de sött Ratio, Gwüsse und Empathie entwickle, alles Sache wo de Täter abgsproche wird und me moniert. Und nomol: Uf dr Täter und sini Empfindige igoh, probiere nochzvollzieh heist nit: Verzeihe, entschuldige oder süscht entlaschte!

Pädophilie zbsp (wo au scho Täter worde sind): hen sich zbsp. extra scho für en verlängerte Ufenthalt in Sicherheitsverwahrig gwünscht. Trieb (unnatürliche) im Gegepol zur vorhandene Menschlichkeit: Kasch du sone Mensch eifach sines Lebens beraube? Wenn me das könnt, denn ISCH me uf dr gliiche Ebeni wie die. Me git dr (zugegebenermasse in jene Fäll eminent usprägte) schlechte Siite z beurteilends Gwicht, aber die möglicherwiis vorhandene menschliche Eigeschafte stricht me weg? Würde mr das im Alltag mache, müesste mr uns alli zu Bös-mensche reduziere. Und nomol: klar sticht die übermässigi, bösi Siite herrusragend hervor, wenn mean en Mörder denkt. Aber me muess im Schatte vo dem grosse Üebel ebe doch no fähig si, au t Menschlichkeit, wo sich vil. sogar, wenn au vergebs, gege de profani Trieb grekt het, aber gschiiteret isch. Und nur Mensche wo t Ding eso könne beurteile sötte über Verbrächer entscheide dürfe.

ich bi absolut defür das sötigi stroftäter kei freie schrit me chönä mache dr räscht vo ihrem läbe... aber das het doch jetzt nüt mit dr todesstrof zdue...

Nö.

Ich würd, falls die krankheit therapierbar isch, wo dr jewiilig Täter ufzeigt, denn würd ich ihn nach ere (zum hüütige Stand erhöhte) Haftstrof in en Irichtig überwiise, wo genau derlei Lüüt sind, unter sich (kasch dr en Altersheim vorstelle, einfach für Verbrecher) wo aber au bezüünt isch. Unter Sicherheitsvorkehrige stehend.

Und nach em Verlaufsprotokoll und noch wie vor igehender untersuechig, gspröch etc. urteilend, ihm t Möglichkeit geh, wohrschiinlich denn in höherem Alter, en Lebe in dr Gsellschaft wieder ufznäh. Jä, au wenn er öperem s Lebe gnoh het. Denn es isch unheilig öper z töte, und dorum mach ichs nit, und setzt mich au nit drfür i. Es isch tatsächlich paradox, Schändlichkeit mit Schändlichkeit z vergelt, schliesslich rede mir do nit vo 2 Lehmer wo mr dr eint no schuldig isch^^

schön für dich...
ich chönnt nie mit mim gwüsse veribare verantwortlich füre tot voneme mensch zsi. weder bi mörder, vergewaltiger oder lüt wie ihr(befürworter)

Nö.

Ich würd, falls die krankheit therapierbar isch, wo dr jewiilig Täter ufzeigt, denn würd ich ihn nach ere (zum hüütige Stand erhöhte) Haftstrof in en Irichtig überwiise, wo genau derlei Lüüt sind, unter sich (kasch dr en Altersheim vorstelle, einfach für Verbrecher) wo aber au bezüünt isch. Unter Sicherheitsvorkehrige stehend.

Und nach em Verlaufsprotokoll und noch wie vor igehender untersuechig, gspröch etc. urteilend, ihm t Möglichkeit geh, wohrschiinlich denn in höherem Alter, en Lebe in dr Gsellschaft wieder ufznäh. Jä, au wenn er öperem s Lebe gnoh het. Denn es isch unheilig öper z töte, und dorum mach ichs nit, und setzt mich au nit drfür i. Es isch tatsächlich paradox, Schändlichkeit mit Schändlichkeit z vergelt, schliesslich rede mir do nit vo 2 Lehmer wo mr dr eint no schuldig isch^^

Wieso könnt me das nit mit em Gwüsse verihbare? :s
Du issisch jo trotzdäm Fleisch, für das stärbe au Tier.
Hesch jetzt e schlächts Gwüsse wäg däm?

Und jetzt mol ehrlich: Was isch meh Wärt, e Vergewaltiger & Mörder, odr e Schwein wo in sim Läbe nie was Böses gmacht het?